مرمرمرمرحبحبحبحباااااا ':
طبعاً كلكم تقريباً قريتوا عن خدمة تغيير الجنس اللي أضيفت للدرر قبل فترة.. وأتذكر إنه نزلت مواضيع تشجع على إجراء العملية هذي نظراً لسهولتها ورخص تكلفتها مقارنة بالدول الأخرى والأهم من كذا عدم وجود أي ثأثيرات جانبية خطيرة.. مجرد نزلة برد و"سعار" ديكي وشوية غثيان.. وينصح بعدم قيادة السيارة بعد العملية بيومين على الأقل..
ونظراً لملاحظتي عدم الإقبال على هذي العملية من قبل غالبية الأعضاء يمكن لتخوفهم من نتائجها فأحب أطمن الجميع إن العملية هذي سهلة جداً وما تاخذ أكثر من دقيقة واحدة بالمنظار ومافيها أي آثار جانبية ولا تقطع الخلفة مثل ما يشاع حالياً..
وزيادة في التشجيع رح تكون العملية هذي مجاناً لأعضاء الدرر فقط.. نعم مجاناً.. صدقوا أو لا تصدقوا.. عمرها ما صارت هذي.. بس مو على طول.. من اليوم ولفترة محدودة حتى نهاية الحملة الوطنية لاستئصال اللوز والفصفص واليغمش..
واللي يحب يستفيد من العرض الخاص هذا يراجع عيادة الدرر اللي مسمينها "التحكم" للتمويه..
وبعدين تدخل على "تحرير الهوية".. وانتبه تغلط وتدخل "تحرير فلسطين" وقد أعذر من أنذر..
حتلاقي ضمن الخيارات شي اسمه "الجنس".. لا تتسرع وتقفل الصفحة.. افتح القائمة اللي قدامه.
مع الأسف منتدانا مافيه حالياً غير خيارين اثنين يا "رجل" يا "امرأة" فمشي حالك بواحد منهم حسب ما يناسبك.. واللي مو متأكد أو لقى صعوبة في الاختيار ممكن يتأكد من شهادة الميلاد أو حفيظة النفوس أو جواز السفر أو أي نيلة رسمية في الدولاب.. وإذا تعقدت مرة عليك بحبة البركة تنفع في الأمور هذي.. ':
المهم بعد ما تختار الجنس المناسب تحفظ الخيارات وبعدها رح تلاحظ تغير طفيف في الحالة النفسية والعقلية ورح تلاقي جنب اسمك لوحة زي اللوحات اللي تشوفها في دورات المياه حسب الجنس اللي اخترته..
ياريت كل واحد يقول لنا عن شعوره وانطباعاته بعد الخروج من العملية مباشرة عشان يطمن الأعضاء الباقين "المترددين"..
وبالسلامة جميعاً..
محمد المحيا