^ ماشاء اللـه ..
تـوفي ماخليتي شي
طبعاً أكثر مايضايق البنات من اخوانهم التشديد الزايد عن حده
صحيح حلو الواحد يخاف على اخته بس بحدود يعني مو كل شي يسمعه يقيسه على خواته ,
فيصيرون عظم في حلق خواتهم !
أكيد كل بنت تبغى من اخوهـا يخاف عليها بس بدون تعـقيد !!
أما بالنسبه لي ..
أبغى من أخوي يسأل عني ويهمني هالشي مو يدخل ويطلع ولا كأن عنده أخت
وبعد أبغاه يسولف معي ويجلس معي مو كل حياته زملائه وعموما مع أهلي كلهم يعني اذا جا وقت الأكل يجلس معانا >> اجلسي انتِ أول
وقهوة المغرب يجي يجلس نحس عندنا أخ ماتكون جلسته بالبيت للنت أو سوني مو لنا !
بعد إذا بغيت السوق يوديني مايقول بعدين
وإذا قلت له جب لي من المطعم يجيب مايقول اطلبي
وإذا قلت بروح لصديقتي يوديني مايقول خليها تجي
وإذا قلنا بنسافر يسافر معنا مايقول مشغول
وإذا قلت بشوف جوالك يوريني مايقول لا >>
طبعاً أبغاه يكون قدوه لي يهتم بدينه ويحافظ على صلواته ويكون متفوق بحياته ,
باختصار .. يكون رجال ونعـم ,
>> بس وين اخواني يقرون هالموضوع