[align=center]
مين يشترى شاعر كسيح ؟
شاعر وغنيوة حزاينى
مين يشترى باربع حروف
شاعر جناينى
شاعر جريح
سافر على بلاد الربيع
يقطف حروف موال فرايحى
قبل ما يجى الخريف وتهب ريح
تاخد فى سكتها نصايحى
نفسه يغزل غنوتين
لعيون حبيبته المريمية
عيون حبيبته الجنتين الطيبين
اتنين عذارى مؤمنين
بيرتلوا صور الحلاوة الربانية
سافر على بلاد الربيع
ناجى الطيور
ولمس حروف كل الزهور
وطلع جبال ونزل بحور
وحضن بقلبه الشمس
دابت شوق ونور
ورجع لى يعزف باللغات النرجسية
سمفونية
مريمية عيون حبيبتى مريمية
وشفت فوق ايده اليمين
قلبه الجريح
عفوك يا سيدنا المسيح
ما اقدرش احى الميتين
مين يشترى شاعر كسيح
شاعر فصيح
قلبه الحنيّن غلبه
شوقه لعيونها دوّبه
لكن عنيه كانت تقول
الحب يحلا بالعذاب
اتعذبوا[/align]