][ جـيبـي الشــيــشه يـا أم ايـــمن ][...!!!

[*amula_beauty*]

[align=center]





مساء الروقان



زمااااااااااااااااااااان عن المناحله ....

بينما انا غارقه في بحر افكاري ....



وقاعده اصدر واورد علامات الاستفهام ؟؟؟؟

افتكرت موقف عجيب غريب

حصل تقريبآ من سنه << ياالله العافيه


كنت بجمعة بنات ....

ومبسوطين ومستاانسين

عادي يعني الوضع طببيعي

وشويا بنات من الجماعه يطلعوا بكت وهاااات يا تشفيط بالدخان

طبعآ دا موقف صار طبيعي عندنا

ومتعودين نشوفووو

صار من الواقع ... بس واقع يقهر

لكن اللي كسر مجاديفي

وحده من البنات جات وجايبه كم راس شيشه

هوا معسل

يعني مو (جراك باعشن ) << خبره من الوالد

معسل بنكهاتو المتعدده

وبكل رووووح المحبه تمدلي (اللي) تقول يلا (ارجلي ) معانا

انا جاتني حاله (هول الصدمه) واكيد رفضت لا لشئ

بس لأنووو انا (انثى) ومستحيل اجرح انوثتي بشي زي كدا



ابغى اعرف وجهات نظر الشارع السعودي << ياعمري ع الديمقراطيه ... حتى الشارع له وجهة نظر

انا من وجهة نظري

هدي حريه شخصيه ... وكل واحد عارف مصلحتو

انا عن نفسي انفجع منها بس بنفس الوقت ما انكرها ...

كل واحد حر باختياراتو
لكن ما احبذ انو البنت تخدش انوثتها بشي زي كدا
ممكن اتقبلها من الشاب

بس البنت ما احبذ وارجع اقووول حريه شخصيه

بس انتو ايش رأيكم بالبنت اللي (تعسل) وترا مره منتشره دي الظاهره


وهل ممكن تتزوجوها ؟؟ ؟؟؟

اعرف وحده من قريباتي ... زوجها اللي علمها التعسيل

وصار يجهزلها الراس معاه

انواع الروقان


اللي فاجعني التفنن حق البنات

مره بنت قالتلي (يا اموله) لا يفووووتك بدلنا موية المعسل ب(شاني)

وشوووفي الطعم؟؟؟

طبعآ انا لا اجرؤ على المحاوله حتى

مالي بدي الاشياء

يلا ادلوا بدلوكم بعدما ادليت بدلوووي

^_^

هل صار شي عادي؟؟؟؟

وهل هوا زي التدخين؟؟؟؟

وانتوا تتقبلوا تشوفوه بالأوساط النسائيه ؟؟؟

ربي يسعدكم ....

ها ياشباااب .... نفسكم براس؟؟؟

احس المعسل بناتي ... والشيشه والجراك حقة رجال

يعني ممكن تقول لزوجتك

(جيـــبي الشــيشه يا ام ايمـــن وتعالي نروووق ســــوا ؟؟؟؟)[/align]

[dawaimeh]

العزيزة أمولة :-

يسعدني أكون أول المعلقين على موضوعك هذا :

أولاً كلنا نعرف مضار التدخين على الرجال والنساء وكل المحيطين فيهم كمان ..

أنا عن نفسي الحمدلله ما أدخن ولا بحب ريحة الدخان فما بالك إني أتزوج وحدة

مدخنة ..طبعاً هذا شي مستحيل ..

أما إنها صارت ظاهرة في هذه أنا معاكي فيها حتى النسوان في بأرجلن في الشارع

وعلى أبواب المقاهي ودون أدنى نوع من الحياء وأزيدك من الشعر بيت أزواجهن معاهن

على نفس الطاولة ويتنافسون على الي بطلع دخان أكثر ..

أعرف وحدة مُدخنة وزوجها غير مُدخن وما يقدر يخليها تثني كلمتا عليه ،،، يعني هي

الرجال في البيت وعندها ولد جابته أثناء الفترة الي كانت تدخن فيها مو طبيعي لا في

حركاته وحتى طلع فيه تشوهات - الله يعافينا وإياكم-

الخلاصة : التدخين كما ذكرتي أختي الفاضلة يخدش أنوثة وحياء وحتى شكل المرأة .

الله يعطيكي العافية على مواضيعك الشيقة ويا ريت تكثيرلنا منها ..

[zadi]

_____________________


كأنك بتجيبي رجلي في الموضوع ياست ( أنثى )

شوووووووووفي يا أمة الله


أول هام , إيش فكرك بموضوع من سنة ؟؟؟

يابنتي أنا ناسي إيش فطرت اليوم ! ! ( سندويتش طعمية مية مية مو لدي الدرجة معايا زهايمر )

التدخين وما أدراك مالتدخين زيو زي أي زنب تاني , يعني مضر بالصحة ( معلومة خطيييييييييرة )
وأزيدك من الشعر هاوس ,,, فيه نكهات كتيييييييير للمعسل ومعظمها فواكه , وتجيب السرطان بعيد عنك وعن السامعين وعن الشايفين

وفعلاً العملية انتشرت بين البنات بشكل مرة مو مقبول !!!

أحياناً آخذ ( الحليلة ـ يعني الزوجة ) وأروح على كافي حلو وأعيش شوية رومانسيات أيام البدايات وألاقي والله بنات شكلهم حتى حقين ثانوية قاعدين يشفطوا في المعسلات ولا أجدعها راقل

بصراحة منظر مؤسف وغريب وشاززززززززز ونشااااااااااااااااز ,,,

والأدهى والأمر من كدا , تلاقي حتى ستات كبار في السن كل وحدة شابكا اللي في فمها وشغالة نفخ ماكأنو عندها رئة , كأنو عندها دينمو ,,, والله أنا يتعبني المعسل وهادول ولا شي .

أما سؤالك عن إللي يتجوز وحدة تعسل ,,, أنا راح أجاوب عليه ولو إنو جا متأخر خلاص أتكلبشنا وراحت علينا ومافي فايدة لكن دا يخضع لحاجة وحدة بس ,,,
إزا كانت الخطيبة حلوة ومسمسمة ( ماهي دبة يعني ) وإزا كانت نانسية الوجه هيفاء الجسم وإليستو القد
أخذنا ها وصبرنا على بلاويها إلين تبطل أو العصا لمن عصا

وفي طرق تانية أخليها تبطل , مثلاً أسوي عقد جواز جديد مزور ومضروب وأقولها أتجوزت عليك عشانك تعسلي تلاقيها تكره أم المعسل وإللي علمها تعسل

وسلالالالالالالالالالالالالالا لامتكووووووووو من التعسيل

___________________________


أقول خارج دحين من العمل باي باي, أم العيال مجهزة راص الشيشة في الموعد , سلامين وحتة

[Nooosa]

ينرفزني منظر المدخّن ، بنت ولا ولد !
ومادري كيف يكونوا عارفين إنه ( سُــمّ ) ويكيّفوا عليـه !!! >> ( ياترى أي سلك في الدماغ مفصول ؟!! )
أساسًا الرجال اللي يدخن يطيح من عيني تمامًا كيف البنت؟!!!
،،
هي صارت عــادة "بالذات للكبار"
والله يتوب عن كل مُبتلى

اللهم إني أعوذ بك من البخل

[SOUTHSTAR]

[align=center]رجعت لنا الثرثاره بمواضيعها الحلوه والمسليه واللي تنعش الذاكره الفلسفيه ..

شوفي يا أموله .. من ناحيتي .. صحيح اني انسان مدخن ..(الله يتوب علينا) .. لكن منظر البنت المدخنه اقترن بعقلي بالبنت الداشره مدري ليه .. (يمكن هذا تاثير الافلام والمسلسلات المصريه) ..

التدخين سيء للجميع اناثا وذكورا .. لكن منظره شين على البنت لانه ماتعودنا هالشي اننا نشوفه خاصه عندنا بدول الخليج .. وبعدين البنات مخلوق طيب وجميل .. وما يحبون الا الرائحه الطيبه والجميله بالغالب .. مو مثلنا يالاولاد .. بعض الشباب عندنا هنا بماليزيا اذا الغرفه حقتهم ماهي معججه من زود دخان الارقيله والسجاير مايرتاحون ..

لكن الرأي الصح .. ان منظره سيء على البنت وعلى الشاب بنفس الشي .. يعني الاثنين مشتركين بمقدار البشاعه ..

يعطيكي العافيه يالثرثاره .. وعلمي ابوكي يمكن اسير عنده بيوم من الايام نجلس جلسة معسلات سوا ..

دمتم بخير ،،[/align]

[ابن العميد]

صدقي يا امولة انه اسوء شيء يعمله انسان هو التدخين

انا جربت التدخين لفترة والله تاب علي وتركت من فترة طويلة ( واسألي مجرب ولا تسألي طبيب )

صحيح انه منتشر بشكل خيالي لكنه اسوء شيء يعمله انسان

لو اقتربت من انسان مدخن ستجدين له رائحة كريهة نتنه ( هذا اقل الضرر ) والأضرار الأخرىيعلمها الجميع

فما بالك بأنثى تدخن أو كما قلت ( تأرجل )

طيب عندما تحمل هذه الأنثى هل ستترك التدخين او الشيشة لمدة 9 اشهر ؟؟؟؟

فعلا انه امر لا يطاق

واعتقد انها مصيبة كبرى

شكرا لك

[لست بكاتبة]

حبيبتي أمووووووولة
أولا ماقراءة الموضوع تذكرت طاش ماطاش
ثانياً: أنتي أصلاً إيش يجلسك مع بنات كذا والله لو كنت أختي كان

أضرار صحية وقالوها..
كمان Noosa
قالت شيء حلو وبذات لما تقول "بالذات للكبار"
شعرها شايب ..ورجل في دنيا والثانية في الآخرة..ويالله حسن الختام ..وقعده...والله ماني قادره أقولها
أقسم لما أسمع بكذا أقول صحيح الحريم نقصات عقل ودين

[*amula_beauty*]

[align=center]

اهلآ وسهلآ بيك يا اخي :

[fot1]محمد[/fot1]
انا بتكلم عن الموضوع من وجهة نظر المجتمع ....

واكيد الجانب الصحي ما نغفل عنووو

بس تركيزي وسؤالي عن مدى تقبل المجتمع لهدي الظاهره بين النساء

أما إنها صارت ظاهرة في هذه أنا معاكي فيها حتى النسوان في بأرجلن في الشارع

وعلى أبواب المقاهي ودون أدنى نوع من الحياء وأزيدك من الشعر بيت أزواجهن معاهن

على نفس الطاولة ويتنافسون على الي بطلع دخان أكثر ..

معاك حق للأسف

وهدا شي يختلف بحسب اقتناع الشخص


يعني لو هوا ومرتوا راضيين
يسطفلوا منهم لبعضهم

ربي يسعدك[/align]

[mouffaq]

[align=center]

فعلاً من المواضيع الهاتمة والمفيدة يللي ممكن أن تناقش

أولاً ومساء الخيراً

ثانياً الصراحة دخلت الموضووع بس أبي أعرف مين أم أيمن دي

ثالثاً فعلاً أيش قعدك مع مثل هذه البنات

في كثير من العوائل أو العائلات ( كلاهما صحيح ) عندهم التدخين أمر عادي

والكثير من الشباب يقولك لما أتزوج لازم أعلم زوجتي التدخين . يعني شغل مراق

وبالمقابل أيضاً الكثير من العائلات أو العوائل ( وكلاهما صحيح ) يرفضون مبدأ التدخين

شب كان أو بنت والأمر عائد لنوع البيئة التي يعيشونها ولا أقول التربية

ما يعجبني بالدول المتحضرة ( اسمحوا لي أن أقول متحضرة )

مثل بريطانيا والنمسا وباقي الدول يللي ببالي أشم هواها

أن التدخين ممنوع منعاً باتاً في كل ما هو مسقوووف

لدرجة أن المواقف العامة التي تنتظر فيها الناس الباصات ووسائل الركب

ممنوع فيها التدخين أيضاً ...

ليش ؟؟؟

لأنهم جماعة بيفهموا ... ما قدروا يمنعوا التدخين فوضعوا ضوابط له

.............

أمراض التدخين والشيشة وغيرها معروووفة لدى الجميع و ما من داعي ذكرها

لكن ... التدخين أو النرجيلة ليس بحرية شخصية أبداً

كيف يرى أحدنا أخاه يضر بنفسه فيتركه عدا عن ذلك اثم الفعل أمام رب العالمين

انا جاتني حاله (هول الصدمه) واكيد رفضت لا لشئ

بس لأنووو انا (انثى) ومستحيل اجرح انوثتي بشي زي كدا

جميل جداً محافظتك على أنوثتك أختي لكن الأجمل

ذكرك لله عز وجل وتركك لها بسببه ولوجهه ...

مالي حأعمل فيها شيخ عليكي أو أني بفهم أكثر منك لا والله

خليني احكي شامي واخلص وريح راسي

يعني تركتيها وتركتيها ليش عما تقولي أنوثتك

قولي لوجه رب العالمين وعلى الحالتين تاركتيها

علماً أن التدخين بنظري مرض مو أكثر والمدخن مريض وبحاجة لمعالجة نفسية كانت أو غيرها

بانسبة لتقبل الشارع للأنثى المدخنة ...

عندنا بالشام أقل من عادي وبنشوفها بأي مكان لكن كما قلت الموضوع يرجع لطبيعة المعيشة التي عاشوها مو أكثر

يا شيخة بالأهاوي بتلاقي الولد عمرو 10 سنين وبيمسك الأرجيلة بإيد وورق الشدة بإيد تانية

وبيقول ليللي عم يلعب معو ( يلعن ................ إلعب متل الناس والعالم )

نفس المشهد السابق للنسوان بتشوووفيه بالحدائق العامة وغيرها

ولا نقول سوى لا حول ولا قوة إلا بالله

ما بدي طول أكتر من هيك ...

بس بدي أتشكرك من كل ألبي على موضووعك

الله يبارك فيكي وبمواضيعك وبكتاباتك وبأفكارك وبعمرك

أخوكي موفق


[/align]

[*amula_beauty*]

[align=center]يا اهلآ وسهلآآآ ومية مرحبآ بالشيخ :

[fot1]زادي [/fot1]

منور [/align][align=center]

كأنك بتجيبي رجلي في الموضوع ياست ( أنثى )

اكيد بجيب رجلك .... دا المهم اني اناحلك


وبعدين لو سمحت انا مو انثى .....

انا رمز الأنوثه

شوووووووووفي يا أمة الله

عجبتني دي الجمله

أول هام , إيش فكرك بموضوع من سنة ؟؟؟

يا ويلي ع اللقااافه ^_^ راسي وانا حره

على كيفي يا عمووو

يابنتي أنا ناسي إيش فطرت اليوم ! ! ( سندويتش طعمية مية مية مو لدي الدرجة معايا زهايمر

ركز مزبوووط ... متأكد انو طعميه ؟؟؟؟

التدخين وما أدراك مالتدخين زيو زي أي زنب تاني , يعني مضر بالصحة

يا رااااااااااااااقــــــــــل ( بالمصري )

وفعلاً العملية انتشرت بين البنات بشكل مرة مو مقبول !!!

اخيرآآآآآآآآآآآآ كلمه رائعه ومؤيده لوجهة نظر سعادتنا

أحياناً آخذ ( الحليلة ـ يعني الزوجة ) وأروح على كافي حلو وأعيش شوية رومانسيات أيام البدايات وألاقي والله بنات شكلهم حتى حقين ثانوية قاعدين يشفطوا في المعسلات ولا أجدعها راقل

كفشتك ....
تقول ايام البدايااااات

ايش المانع تكون ايامكم كلها عسل << كتر الحلى يجيب الغثا

يعني مو بس بالبدايات تمشي زوجتك المصوووون

اتاريك من الرقاااله ايهام اللي يمشي مرتو مره وحده

ويمسكها عليها طول العمر >>> الشر برا وبعيد عني

الموووووهم مو دا الموزووووووووووووووع

منجد نشوووف بنتا صغاااار خاربينها

شي محزن والله

بصراحة منظر مؤسف وغريب وشاززززززززز ونشااااااااااااااااز

اي والله

والأدهى والأمر من كدا , تلاقي حتى ستات كبار في السن كل وحدة شابكا اللي في فمها وشغالة نفخ ماكأنو عندها رئة , كأنو عندها دينمو ,,, والله أنا يتعبني المعسل وهادول ولا شي .

هههههههههههههههههه

اي والله
تعال المدينه وشوووفهم

يا ابني هدي اصووولها
تجييك ام عراااااااااام وبيدها الشيشه
وي يا ولدي ايش تبغى انتا

كدا الحياه عندهم

اللهم لا شماته

بس دي اعراف عند كبار السن

ما الومهم للجهل اللي عندهم

إزا كانت الخطيبة حلوة ومسمسمة ( ماهي دبة يعني ) وإزا كانت نانسية الوجه هيفاء الجسم وإليستو القد
أخذنا ها وصبرنا على بلاويها إلين تبطل أو العصا لمن عصا

على كدا سوووق البنات اللي (لك عليهم) ماشي

يعني اخربها وانتظر واحد له نفس وجهة نظرك ويآخدني على علاااتي

؟؟؟؟؟؟؟؟؟؟؟؟؟؟؟؟؟

<< على انو المواصفات الصاروخيه تنطبق عليا



مالت على هيفا ونانسي ومريم نور << ايش جابها هدي؟؟؟

وفي طرق تانية أخليها تبطل , مثلاً أسوي عقد جواز جديد مزور ومضروب وأقولها أتجوزت عليك عشانك تعسلي تلاقيها تكره أم المعسل وإللي علمها تعسل

هههههههههههههههه

والله انتا طيييييييييييييييييييب

اسألني انا عن مكر النسااااء
(ان كيدهن عظيم)

أقول خارج دحين من العمل باي باي, أم العيال مجهزة راص الشيشة في الموعد , سلامين وحتة

مو على اساس الفلتر حقك مصدي؟؟؟؟؟




الله معاك خيوووو

وربي يسعدك

سعدت بمرورك

وسامحني لو اسلوبي اهبل

بس ادري امووون ^_^[/align]

[Sana]

احنا يا أمووله انثى مو انسى يعني والله منظر البنت وهو يطلع منها الدخان من اكثر المناظر الي بكرها يعني ليه هالعوج ليه اتارجل يعني شطاره ولافهامه
بس ربصراحه تعجبني ريحت الارجيله
وبعدين والله انك عجبتيني ما ارجلتي بطله والله يهديها هالشله وبعدي عنها احسن لالك
تسلمي على الموضوع ماقصرتي حياتي

[*amula_beauty*]

[align=center]اختي العزيزه :

[fot1]نوسااااا[/fot1]
اهلين يا عسل ^_^

ومادري كيف يكونوا عارفين إنه ( سُــمّ ) ويكيّفوا عليـه !!! >> ( ياترى أي سلك في الدماغ مفصول ؟!! )

السؤال دا موجه لكل مدخن بالمنتدى !!!

اللي يقهر انو اغلبهم مثقفين ومتعلمين وتلاقي كمان دكاتره

واذا سألتيهم دا السؤال

يقولو والله اننا مبتلين فيه بلوه ... ادعيلنا بالهدايه

طيب انتا اعقد النيه وبعدها بدعيلك

أساسًا الرجال اللي يدخن يطيح من عيني تمامًا كيف البنت؟!!!

يا لهوووووي
دنتي قاااسيه اووووووووي

مو لدي الدرجه ياقلبووو

هي صارت عــادة "بالذات للكبار"

معاكِ حق

والله يتوب عن كل مُبتلى

آمين يارب العالمين


نورتيني يا قلبي

بجد مرورك على مواضيعي له وقع جميل على نفسي


ربي يسعدك[/align]

[*amula_beauty*]

[align=center]يا هلا والله ومرحبا بالغالي :

[fot1]ســـُهيل [/fot1]
ايشبك اتأخرت بالرد ... بالعاده الأول يا كسووول ...

ماعلينا ^_^


ان تصل متأخرآ ..خير من ان لا تصل

رجعت لنا الثرثاره بمواضيعها الحلوه والمسليه واللي تنعش الذاكره الفلسفيه ..

لا تنسى كمان ان طلتي تنعش القلب

<< ما تنعطى وجه نهاااااااائي

شوفي يا أموله .. من ناحيتي .. صحيح اني انسان مدخن ..(الله يتوب علينا) .. لكن منظر البنت المدخنه اقترن بعقلي بالبنت الداشره مدري ليه .. (يمكن هذا تاثير الافلام والمسلسلات المصريه) ..

اي والله وانا كمان اقترن معايا بكدا ^_^

اصلآ التدخين ... والشيشه والمعسل مو كويس للبنت


تدري اني لاحظت انو كل اللي يعسلووو

صوتهم خشن

منجد مصيبه

الأنوووثه ضاااعت والصووت الحلو راااح

الله يهديهم

التدخين سيء للجميع اناثا وذكورا .. لكن منظره شين على البنت لانه ماتعودنا هالشي اننا نشوفه خاصه عندنا بدول الخليج .. وبعدين البنات مخلوق طيب وجميل .. وما يحبون الا الرائحه الطيبه والجميله بالغالب .. مو مثلنا يالاولاد .. بعض الشباب عندنا هنا بماليزيا اذا الغرفه حقتهم ماهي معججه من زود دخان الارقيله والسجاير مايرتاحون ..

منجد البنت حلوووو تكون نعوووومه ومليانه انوووثه

وريحتها ترد الروووح

مو ريحة جراك ودخاخين

اااااه من القهر

وبعدين يا مخ ابعد عن دولا الشبااب اللي شقتهم موبوووءه

الله يبعد عنك كل مكرووه ويرجعك لأهلك ولينا وانتا بخير وسلامه

لكن الرأي الصح .. ان منظره سيء على البنت وعلى الشاب بنفس الشي .. يعني الاثنين مشتركين بمقدار البشاعه ..

وجهة نظر

بس انا ما استنكر اشوووف شاب يأرجل او يشيش

يعطيكي العافيه يالثرثاره .. وعلمي ابوكي يمكن اسير عنده بيوم من الايام نجلس جلسة معسلات سوا ..

الله يعافيك ويرضى عليك

وبعدين تدل البيت تعال بأي وقت

تعرف مكان بابا للتعسيل


ربي يسعدك يا ســـُهيل

مبسوووطه بمرورك الشماااااالي

^_^[/align]

[طالبة الجنة]

هلاااااااااااااااااا بالغالية " أمولة" كيفك يا قلبى ؟؟؟؟؟؟؟

والله عليكى شوية مواضيع للنقاش إنما إيه " فى الصميم" يا حليلك والله يا أمولة

إحم إحم إحممممممممممممممم >> إخلصى يا ختى إيه حتغنى ؟

المهم............. أنا أصلا بكره المدخنين كره العمى >> واسعة شوية

بقرف منهم لا أحب أكون فى مكان هم بيكونو فيه

وبحتقر لما أشوف شاب مثلا يدخن وببقى مش طيقاه

كيف بقا لو كانت بنت بجد شئ مؤسف ومخجل

البنت اللى هى رمز للرقة .... رمز للأنوثة .... رمز للعفاف تقعد ماسكة " الشيشة" فى إيديها وعمالة

تشفط فيها زى المعلم "حنتيرة" >>> ههههههههههه حلوة

بالله عليكو دا منظر ولا كأنها شبه الجزارين ولا المعلمين >> مع إحترامى

عيب أوى لما بنت تعمل كده وللأسف فى بلد عربى مثلا " السعودية" أرض الطهارة والعفاف

طبعا دا من ناحية إنه عيب وبيخالف قوانين الأنوثة

أما من ناحية الشرع والدين فهو شئ لا يرضى عنه الله جلا وعلا

حيث قال " إن المبذرين كانوا إخوان الشياطين "

غير إنه ضار جداااااااااااا بالصحة ويسبب الوفاة

أمولة أرجوكى لا تصاحبى البنات دول ولا تقعدى معاهم أبدااااااااااا فالصاحب ساحب

وإنتى ما شاء الله عليكى مثال للأخلاق والعفة و الأنوثة وطبعا طبعا البراءة والطفولة >> يا بتاعة الإنمى يا نونو

حاولى بس تنصحيهم لوجه الله تعالى و تكون علاقتك بيهم من بعيد لبعيد

أسأل الله أن يتوب على كل مدخن ومدخنة

"أمولة" ربى يسعدك يا قمر على موضوعك الراااااااااائع ويارب دااااااااااااااائما للأمام

دمتى بحب الكريم المنان

[{البحر}]

كرّهتي الناس فينا ياثرثارة
بس للحق مواضيعك صارت تعمل حنه ورنه
التدخين والكارثة
شوفي ياستي
مافي فرق بين الرجل والمرأه في مسألة التدخين بس هي حاجة تعودنا عليها ومثل ماقال احد الاخوة في رده اننا نشوف البنت الي تدخن او تشيش انها مستهترة وصايعه
لكن في الحقيقة -ولان الحقيقة في الغالب يكون طعمها مرّ وعلقم-ان الذكر والانثى في هذا الامر سواسية (افرحوا يا اهل المساواة بين الرجل والمرأه)
في مره من المرارير واحنا مجموعه قاعدين ومستانسين نشيش الا وواحد من مركز الدعوة والارشاد داخل الاستراحه ويوزع اشرطة لخطبة جمعه لشيخ والله اني ناسي اسمه على كل الموجودين وكان منظرنا بصراحه مخزي لدرجة ان كل جلسة مر عليها كان الشباب يرمو الليات على الارض ويقوموا يسلموا عليه وهو مبتسم ووجهه بشوش الله يرضى عليه..المهم بعد ماطلعت شغلت الشريط وكانت خطبة مؤثره وفيها من المعلومات والحقائق مايشيب له الراس <<< (الي يسمع هذا يقول الاخ بيبي) ... طريقة جديدة وحلوة للنصح

الظاهرة موجوده يااموله انتي والشايفين (نقلا عن زادي) ومنتشره بين الشباب والبنات بشكل كبير وما اعتقد احد يقدر يخبي الشمس بالمنخل
ونحتاج الى طرق مختلفة للنصح والإرشاد ونترك عنا السب والشتم والتوبيخ الي لايودي ولايجيب بل بالعكس يزيد العناد والتمادي

انا مره من المراريرات كنت في مكان ما في جدة والمكان كان كل شي فيه فري لكن الفري زياده كان في طاوله قاعدين حواليها عائلة مكونة من الاب والام والاولاد والبنات وكان طبيعي ان الاب يطلب ارجيله ولكن الي لفت نظري بعد كذا ان الام كمان طلبت ارجيله وبصراحه انا حزنت على الوضع لكن الكارثة الكبرى الي الجمتني ان البنات كمان طلبوا ارجيلات وماسكين الليات وهاتك ياشفط ونفخ فيها بطريقة عجيبة والاب والام متشققين من الضحك والفرحة..ساعتها بس تذكرت اغنية ابوشنبات عبدالله الرويشد على الدنيا السلام

اسال الله ان يتوب علينا وعلى كل مبتلى وان ينصرنا على انفسنا الأمارة بالسوء ويشافي كل مريض انه على كل شيء قدير

تحياتي