صباح الخير & الإحساس & الطيبه ..
صباح ما يليق إلا بأحبابي ..
نطل عليكم اليوم بإطلاله جديده ..
ومع مسجات أتمنى إنها تكون حلوه وجديدة عليكم ..
ياللي سكنت أجمل زوايا كياني...
ياماعلى نفسي لجلكـ تحاملت.....
مرات.. أحس انك معي شخص ثاني...
ومره.. أحس انك حبيبي ولازلــــــت...
عشان عشرتنا الطويله وعشاني..
حاول تشيل من الوفا ربع ماشلــــــــت...
أتعبت قلبي من جفاك وتغليك
وتاهت بي الشرهه ولا أحد ذكرها
المشكله قلبي حلف مايخليك
ومدري متى ظروفك توقف ضررها
قلبي وعقلي والمشاعر تباريك
وروحي هوت روحك وحبك سحرها
الذنب ذنب الحب
ماهو خطا فيك هذا خطا
نفسي وهذا قدرها
اسألك بالله وش مـعـنى الـصـمـود
............لاغـدى (مـاي الـبـحر) جـمر بيدي
واسألك بالله وش مـعـنى الـصدود
...........لاغـدى مـوتي يـساوي مـولـدي
خذني جريح شعور يعشق وصالك ...
ينزف جروح العشق وايامه شهود ...
خذني غريق أحلام عانق خيالك ...
يرجي سحاب ايديك والشوق موجود ..
خذني بقايا إنسان كلي حلالك
وأسكن عروق القلب والعشق موجود
أمنتك الله لا يطول غيابك
وش تنفع الدنيا بليا وجودك
يمكن غيابي ما يسبب عذابك
لكن عذابي يا عذابي صدودك
حاسب ضميرك لا تعجل عتابك
وين الأماني وين باقي وعودك
غالي وتبقى غالي في غيابك
لكن يزيدك من غلاتك وجودك
علمني
لا صارت الدنيا تعاندني المن أبوح ؟
علمني
لا صاروا اصحابي أغراب وين أروح ؟
فهمني
اذا احتجتلك في ليل اسود ومالقيتك
كيف اعيش ؟
فهمني
لو ضاع الوقت مني ورحت مني
ليه اعيش ؟
خايف ان الزمن يبعدك عني
تقفي وتزيد من نزف الجرووح
خايف ان الغير يسرقك مني
على صدى صوتك تتركني انوح
بحق الغلا صارحني وعلمني
عطني من الامل قصر وصروح
دخيل عيونك ريحني وطمني
هو انا استاهل قربك والا اروح؟؟!
مثل الجبل عالي ولا أحدن يوطيك
والكل تحتك ماوصل حد سورك
انت الغلا دايم على البال طاريك
وانت الهوى وأحلى هوى في حضورك
حتى القمر لاغاب شفته يناديك
تقعد مكانه ويجهر القلب نورك
تذكر صاحبك وأرجع
تقرب له ولو بالصوت
على أخر نفس واقف
تجي وإلا يجيه الموت
وأشوف الموت أحرص منك
وأشوف انك تبي موته
وأخاف إنك بعد موته
تحن وتفتح التابوت
وأخاف من القهر يقفل
بوجهك باب تابوته
كاس مليته بالوفا لاتكبه
خله يبلل بالوصل يابس الريق
صبه بقلبي ثم مله وصبه
وان كان ودك غرق القلب تغريق
دام الهوا راسي وراسك يهبه
خذ سجه ترى زمانك توافيق
ترى حلاوة العمر مع من تحبه
شخص يريدك عن جميع المخاليق
أنا رفيق الجرح من صغر سني
والجرح له في داخلي الف عنوان
ياسيدي هم البشر صارو مني
وصبحت أنا تمثال لهموم الأنسان
كل الوجيه تشابهت حد ظني
ماعدت أميز بين صادق وخوان
ياصاحبي لاتنشد الجرح عني
كل السوالف كذب صمت وحرمان
لميت جرحي واحتضنته وسافرت
ما للواداع بخاطري غير تجريح
ودي ولكن انصدمت وتصبرت
واقفيت اشد اخطاي بالغصب لا اطيح
ما هو جفا.. انا وفي ما تغيرت
عقب الوداع.. فراق ما هو بتلميح
ياليتني دمعة فراق وتبخرت
لا( احساس) لا ( وجدان) لا (قلب يصيح)
امشي على ذكراك ولا تعثرت
يا ساكن الوجدان من دون تصريح
ولو خيروني من الملا ما تخيرت
غيرك حشا وش فيه؟.. من هبت الريح
قـِـسَـت وادري قساوتها على شخصي بلا اسباب
سوى انه تبي ّ عذر ٍ يبرر بعض اهدافه
رجيته لا تهين الحب ّ ولا تفتح لهميّ باب
ولكن صدّت وراحت ... حراااام الرب ّ ما تخافه
ابتعد في صمت وارحل في هدوء
واترك جروحي تنام وتلتئم..
وان حصل عني العواذل وانشدوا
قل لهم خان المبادئ والقيم..
سمني غدار أو سمني عدو
وانت سمي نفسك ب ((سيد الشيم))
اترك احزاني وارحل
يمكن جروحي تطيب وتلتئم
ورا قلبك كسر لهفة غلاي وشح ّ بوصاله
بعد ذااااك الغرام اللي كتبنا بأروع فصــوولــه
أنا ودّي ولا ودّي ... غرامك أقطع نصاله
ولكــنــّك زرعتي القلب وبيدك صــار محصوولــه
اللي تنشّدني .. عن احوالي .. وانا جداً حزين
منها اشتكي .. أسباب حزني .. واٍ اليها المُشتكى
ياليت .. عيني ماتـهاب الدمع .. واذرف دمعتـين
وياحـظ منهو لا بغى يبكي على خلــه .... بكى
قلت : اصبري ، قالت : انا اقولك زين ؟
قلت : اتمنى ماتكوني بخيله
ضمت يديني .. قلت: توك تحنيــــــن
قالت يدينك بس ؟ هذي قليله
يوم احضنتني دمّعت ، قلت : تبكين
قالت : اظن الدمع (أصدق وسيله)
ردّت ، وقالت : وشعذاب المحبـــين
قلت : الغياب ! وفي عيونك دليله
الله يرحم ماضي الوقت وياك..
كان الوله زايد بقلبك عشاني..
واليوم مدري
(( ياهوى البال ))
وش جـــاكـ ؟
مات الوله في داخلك أو نساني..؟
حسبي على الي غرك اليوم وأغواك..!
هذا جزا حبي وشوقي وحنـــاني..؟
بودعكم انا هاليوم وداع بشوق نلقاكم..
ولاتجوني بعتب أو لوم انا مااخترت فرقاكم..
انا برضى بهالمقسوم ولكن والله منساكم..
بودعكم وانا ملزوم فمان الله يرعاكم..
غلطانه أمي يوم على الطيب ربتني
تحسب ناسي مثل ناسها طيبين
قالت سامح كل من عليك يخطي
الناس تخطي وهم عن القصد ساهيين
مسكينه أمي من غير قصد ظلمتني
ما درت إن الطيب وحده المسكين
هذا يا يمه واقع زماني
نفس إلي ضحك اليوم ،،بكره يطعن بسكين
يا قلب أنا وياك نار ٍ ودله
من حزنها تشرب وأنا قد تقهويت
أصبر على بلواك والجرح شله
أدري ترى ماجت على ما تمنيت
اعاهدك لهجر عنا الحب كله
ونسى سنين ٍ ماضيه يوم حبيت
وان جا مع الأيام طاريه قله
أني بعيد ٍ عنه من يوم قفيت
ابلفظ انفاسي الاخيره وابرحل
لا مات قلبي عاد لا تنتظر شي
وابدفنه واخفيه في راس هالتل
واعرف مكانه واطمئن مات لو حي
ماعاد ابيه وماابي عنه تسال
اللي جمعني فيك ما عاد له ضي
نوره تلاشى ومات من قبل يكمل
ولامات نورالقلب لاترتجي شي
