السلام عليكم
زمان الواحد ما حش في خلق الله
اليوم فكيت ماسنجري وانا لي فتره مطنشه وجلست اتفرج في اسماء الموجودين والغير موجودين
طبعاً ثلاث ارباعهم ما ادري من وين طلعولي
المهم ... قلت افرجكم على كم واحد منهم وايش كاتبين وتعليق بسيط عليهم
ملك العالم
1426/12/28 ----> يا ام البلك ... من ذيك الايام مبلكني
طائر الدرر
لقياك صار الامل والحلم شوفتك ----> اموت واعرف ايش الفرق بين لقياك وشوفتك
المنتظر
من تقهويت صوتك ( سولف الزعفران ) عاد وشلون فنجان تمده يمينك ----> الاخ مغرم بقهوجي ؟!
بلوتوث
انا المجروح انا ... وين الطبيب المداوي ----> ياخوي شفلك اقرب مستوصف وبيصكوك بابرة عضل وانتهينا
نجم سهيل
نجم سهيل ----> تكفى يا باكشدو على غفلة ... ايش الثقة ذي !
همس المشاعر
ويجري هالعمر فينا يسرق منا مآقينا ----> ايييييييييييييييه ولا دايم الا وجه الله
المستشار
عليك قلبي من ظنا الشوق " خفَّاقـ " [ أبيـــك ] لـكن وين دارك ... وانا وين ----> ابشرك الجيل الثالث ما خلى لكم عذر
الاصيل
(Tell Me How could You make Me Strong !!) ----> تكفى يا ابو لا تدعس هنا
المحروم
>@<( اذا على الاحزان ماعد اهتم .. الحزن انا ويـاه علاقه قديمـه ..!!! )>@< ----> ترى بعض العلاقات خسارة اسمع كلام اخوك
دون جون
To Be Or Not .. to be ----> ما ادري ليش اذا شفت كلامك حسيت انك تقول " تحبني ... لا ما تحبني ... تحبني ... لا ما تحبني "
المحيا
محمد المحيا ----> ناقص تكتب بين قوسين ( ابو عبدالله )
ابو فهد
ابو فهد وبس ----> والباقي خس
وبعض الموجودين ايميلاتهم ما ادري منهم
واحد منهم
ايميلي انا ----> يعني احنا قلنا انك مستلفه ؟
الثاني
فرق الاأم عن الأمل غلطة املائية ----> هذي مشكلة الناس الللي ترسب في الاملاء
الثالث
باذاكر ادعولي ----> يا ام المذاكرة اللي على الماسنجر
من جد اشياء عجب ....
اتحفونا بايش عندكم
سلام