[align=center]000
00
0
يا قلبي البُعد ما يرحم ولا الذكرى تسليني
00000والشوق ما يفهم يوقّد حتّى جمر إحساسي
يا قلبي من اللهفة ذابت بعروقكَ شراييني
00000ودمكَ النازف الجاري فيكَ يسابق أنفاسي
حبيبتي جيتكِ ناوي أشيلكِ بداخل العين ِ
00000لقيت العين ما توفي ولا يوفي بعد راسي
أفنيت أنا بغيابكِ صبري ووجدي والحنين ِ
00000ترى الحب لو قالوا لكِ حنون دايماً قاسي
يعلمنا الحنان لكنه علينا جاير ما يلين ِ
00000يهدّ آمالنا فينا ويبني له قصور من الياسي
بحبكِ عمري ابتدأ وفداكِ باقي سنيني
00000هواكِ يا حبي جنني ونساني نفسي وناسي
وأنتِ ياما قلتِ إنكِ هايمة ومجنونة فيني
00000وعلى طاري المجانين ترى أنتِ هوجاسي
دخيل الحب وعيونكِ ولو تبين خذي عيني
00000لا تسقيني من مر الغياب في حلو كاسي
الخميس 24/12/1428هـ
[/align]