حاجه تبكي القلب قبل العين
لما يكون العجوز واقف والشباب هما اللي قاعدين
والله دنيا غريبه بكل مافيها
مش عارف ازاي احنا كدا عايشين
فين طيبة زمان والحب اللي كان
للأسف كان في زمن الأحلام
الزمن اللي تشوف فيه عطف الأنسان على أخوه الأنسان
والله عندي أمل أنه يكون موجود
ويخلص بقى زمن الجحود والعصيان
حاجه تبكي القلب قبل العين
لما تكون حاجات كتير مفقوده..ومنها الأمان
عندك مثلا شهداء عبارة السلام
ناس بعد الغربه والشقى في البلاد
راجعين وكلهم شوق وحنين
راجعين بعد سنين غربه وحرمان
يرضيكم بقى بعد كل كدا
يروحوا كدا في غمضة عين
دا بس يرضي مين
حاجه لا ترضي دنيا ولا دين
مافيش قدامنا الا اننا ندعي ربنا ونقول
يارب أغفر لهم خطاياهم وأرحمهم أجمعين
حاجه بجد تبكي القلب قبل العين