يا جماعه انا فاهمه عليكم وعارفه الفروقات العقائديه عند ( بعض ) الشيعه !
لكني مااحب قوانين التعميم ! في امريكا احتكيت بالفئتين ( الشيعه و الاسماعيليه) وشفت بعيني التفاوت .. واعرف انو كلهم عندهم شئ واختلاف عقائدي لأنهم يقولوا ( اشهد ان لا اله الا الله وان محمداً رسول الله وأن علي ولي ّ الله )
لكن في نفس الوقت انا مو حابه احكم عليهم على اساس دا الشي .. لأن في التعميم ظلم كبيييير !! انا اعرف بعضهم معترف ومقر بأن عندهم خزعبلات واشياء ما انزل الله بها من سلطان ..
لكن زي مافيه ناس يقولوا عن نفسهم بأنهم ( سنييين عن اقتناع ) فيه ( شيعيين عن اقتناع) وفيه ناس سنيين وشيعيين على الفطره ومو داريين هما ليه شيعه وهما ليه سنه !!
انا مو حابه افتي بشي انا ماتعبت فيه هدي كل المسأله !!
انا ما ابحرت في العلم ودرست الدين واتعمقت فيه بالشكل لاكافي عشان اختار من اي الى اي فئة انتمي الآن ! ان انولدت سنيه !! وادري انو الواجب عليا ابحث وادور حتى اصبح سنيه عن اقتناع مثلآ مو لأني فقط انولدت سنيه !
عشان كدا اقول (انا مسلمه) بدون اخضاع نفسي لأي تصنيف
ومعارضه وبشده لفكرة التصنيف !!
يمكن تقولوا انو كلامي كلام غير ناضج وفيه بعض من السذاجه .. لكن انا اقول فلندع الخلق للخالق ! يكفينا منهم اسلامهم !
وحكايات الطوائف والمذاهب هدي انا ضدها جملة وتفصيلا !!
مسلمين وبس !

الله يعطيكم العافيه =)