إلي كان في منتدى الحياة يتفضل .. وبعد إلي ما كان يتفضل :)

[إيمان]

أول شئ أنا مقهوره إنه المنتدى هذا راح علي ولا وصلت له قبل كذا ..

رغم محاولاتي بالبحث بأسماء الأعضاء .. قلت يمكن ألاقيهم لكن للأسف محاولاتي كانت دون جدوى ..

المهم ..

إنقطاعي الحقيقي عن منتدى الحياة كان بعد دخولي الجامعه بأسبوعين تقريباً ..

وتم إغلاق الحياة .. لا أذكر بالتحديد متى ..

إلي أذكره إنه إتسكر بداية ما إنعرض برنامج ستار أكاديمي ..

لأنه قبل لا يتسكر كان في موضوع طُرح عليه .. وحليوه كان لها رد وبعد أعضاء ثانيين ..

حنيـــــن .. أكلمها ومتواصلها معاها ..

وبعد غصـــون .. نفس الشئ ..

العبيــر أعرف أخبارها من غصون بس ما تواصلنا ثاني لأني نسيت كلمة السِر من بعد إغلاق المنتدى بعد إنقطاع .. وراحت كل العناوين ..

وقدرت ألاقي حنيــــن وغصـــون لأن إيميلاتهم مسجله عندي ..

بس أهم شئ إني مطمنه عليها وأعرف أخبارها ..

طبعاً حليوه ونور أعرف أخبارهم لأنهم أخوات حنيــــن ..

وصلني خبر من حنيـــــن إنه جريح القلب بخير ومرتاح في شغله حسب ما قال لحليوه ..

أخبار بالتفصيل

باربي قدرت أوصلها في الفتره الأخيره .. ومشغوله مع دراسة الطب الله يوفقها ..

الباقيين ما أدري عنهم شئ ..

هيا

الأطلال

شعشبونه

الصامت إطمنت لم قالي أبو فهد إنه بخير ..

ومضه تزوجت والله يوفقها في حياتها وأسمع أخبارها بعد ..

المتمرد .. الله يرحمه

شعاع .. صديق المتمرد .. أستبعد إنه ما يكون له صله بهذا المكان ..

وينك يا شعاع؟

الوايلي .. أتذكره على أيام الحروب .. الله يذكره بالخير ..

كان في أسير الأحاسيس .. أمير الحُب .. أبو فهد ..

إيمان؟ .. هذه حبيبتي .. الفرق بيني وبينها علامة إستفهام ..

وكانت عضوه قبلي .. الله يذكرها بالخير هي بعد ..

مــــــلاك صديقة غصــون والعبير ..

بنت شعنونه مالي علاقه فيها .. بس كانت من الأعضاء القدماء إلي أسمع عنهم وأشوفهم في النادر ..

الأخيـــــــر .. ما أدري وينه؟

اليوم خفت وقلت لا يكون صار له شئ ..

يعني ما يشارك بالمنتدى أوكي ..

بس ما يدخل ..

ولا يرد على تلفونه ..

وحتى إيميله مسكر ..

وآخر تواجد له في 2005م ..

هذا إلي مخوفني ..

أرجوكم حاولوا إلي يعرف عنه شئ ..

محد عنده رقمه في السعوديه .. رقم أهله ..

أبو فهد .. وباقي الأعضاء .. إنتوا شباب وأكيد لكم تواصل مع بعض ..

أدري ما بتقصر .. بس جد غيابه مخوفني ..

أخاف يكون صار له شئ هو الثاني

الأخيــــر له معزه مثل باقي الأعضاء .. بس يتميز بشئ واحد ..

إني أول ما جيت منتدى الحياه .. كان من أوائل الناس إلي رحبت فيني ..

سوى لي موضوع وخلاني ضيفه وباقي الأعضاء يطرحوا علي أسئله ..

مسكين راسلني وقالي شوفي في موضوع سويته إسمه ضيفة المنتدى أعتقد إيمان بس بدون علامة إستفهام؟ ..

أنا إستغربت وقلت بسم الله كيف عرف إيميلي ..

وإنتبهت بعدها إني من غبائي سامحه لإيميلي بالظهور ..

كنت جديده وقتها عالنت وما عدلت ملفي الشخصي الله يهديني ..

عشان كأذكر إيميله بس مو بالضبط ..

الأخيـــر من الشخصيات إلي كنت أحس إنه فيها تشابه مو طبيعي من شخصيتي ..

بس طبعاً عُمري ما قلت له ولا للأعضاء ..

كنت أقول في شخص يشبه شخصيتي لهذه الدرجه ..

كتاباته مُمتعه .. وكلامه مُمتع ..

وياما سوى مواضيع وحرضنا نهجم على إدارة المنتدى بأسلوبه الرائع ..

وكان ينادينا بالأسماء ..

في كثير ما قلته عن هذا الشخص ..

بس جد حابه أطمن عليه وأعرف أخباره ..

ووين وصل ..

وهل بعده في أمريكا ..

يعني أنا خلصت جامعه وخلاص يمكن سنه و ............

المهم أتمنى يرجع بأسرع وقت ويرجع الباقيين عشان نسترجع أحلى أيام ..

وإذا كانوا محتفظين بمواضيعنا هناك يهدوني هي .. لأني للأسف مسحت كل شئ حلو شفته بالحياه .. مسحته بالماوس .. بس ما مسحته من قلبي وعقلي ..

كان ومازال .. وقلتها قبل لو يذكر الأعضاء هناك ..

منتدى الحياه جزء لا يتجزأ مني ..

حد يتذكر كلمتي هذه ..

ومشكورين على الكلام الحلو إلي شفته ..

أبو فهد .. لك كل الشكر والله .. ما أدري من بعد الله مين كان راح يساعدني ..

راجية الهدايه .. كلامك حلو والله ..

بس بأفهم قصدك روايتي مع منتدى الحياه ..؟

بيتـــــالز .. مشكوره حبيبتي ..

عابده لله .. تسلمي أختي الغاليه من كل قلبي ..

منتظره ردودكم

في شخصين ماراح أقول أسماءهم لأنهم خيبوا ظني في وقت .. بس ما أدري إذا هم هنا أو لأ ..

المهم أدري إني ناسيه كثير أسماء بس الأسماء إلي قلتها هي إلي شفتها أول ما جيت المنتدى .. وأتذكرهم ولا نسيتهم أبداً ..