مــركـــاز العمــدة للسنة الثانية علي التوالي

[*amula_beauty*]

على فكره وحشوني " كادي و ورده ورديه , ولست بكاتبه " كيفهم ؟
فين طبخاتك يا كودوووو ^.^ ,
ربي يسعدكم يارب

[الكونكورد]

ايش رايكم في الكلام هذا؟

_____________


في الماضي ..
كان الاقتراب من هاتف المنزل محظوراً وممنوعاً إلا على الأولاد ..
وإذا رن الهاتف تتعالى أصواتهم بالآمر من بعيد " ما حدا يرد " ..
فهذا الجهاز الساحر ارتبط بمفهوم الأخلاق والحياء ..
وكان اقتراب البنات منه يمثل خروجهن في الشارع دون غطاء رأس ..
من حيث الجرم والعقوبة ..

في الماضي كان أقصى ما يمكن أن يشاهده الصغار في التلفزيون :
أفتح ياسمسم .. والكابتن ماجد .. و زينه ونحول ..
وأفضل البرامج في رمضان :
بابا فرحان .. وفوازير رمضان بعد العصر ..
وحلقات الشيخ علي الطنطاوي بعد المغرب ..

في الماضي كان الأب عملاقا كبيراً :
نظرة من عينه تخرسنا ..
وضحكته تطلق أعيادا في البيت ..
وصوت خطواته القادمة إلى الغرفة ..
تكفي لأن نستيقظ من عميق السبات لـ نصلّي الفجر ..

في الماضي كانت المدرسة التي تبعد كيلومترات ..
قريبة لدرجة أننا نمشى إليها كل صباح .. ونعود منها كل ظهيرة ..
لم نحتاج إلى باصات مكيفة ..
ولم نخشى على أنفسنا ونحن نتجول في الحواري ..

في الماضي لم تكن هناك جراثيم على عربات التسوق ..
ولم نعرفها في أرضيات البيوت ..
ولم نسمع عنها في إعلانات التيلفزيون ..
ولم نحتج لسائل معقم ندهن فيه يدينا كل ساعتين ..
لكننا لم نمرض :]

في الماضي كانت للأم سلطة ..
وللمعلم سلطة ..
وللمسطرة الخشبية الطويلة سلطة ..
نبلع ريقنا أمامها .. وهي وإن كانت تؤلمنا ..
لكنها جعلتنا نحفظ جزء عمّ .. وجدول الضرب ..
وأصول القراءة وكتابة الخط العربي ..
ونحن لم نتعد التاسعة من العمر بعد ..

في الماضي كان ابن الجيران يطرقُ الباب ويقول :
[ أمي تسلم عليكِم وتقول عندكم بصل .. طماطم .. بيض .. خبز ]
أخوان في الجوار والجدار وحتى في اللقمة ..

في الماضي كانت الشوارع بعد العاشرة مساءاً تصبح فارغة ..
وكان النساء يمكثن في بيوتهن ولا يخرجن أبداً ..
وكان الرجال لا يعرفون مكاناً يفتح أبوابه ليلا سوى المستشفى ..

في الماضي كان النقاب غريباً ..
وكان الستر في الوجوه الطيبة الباسمة
وكانت أبواب البيوت مشرعة للجيران ..
والترحيب يُسمعُ من أقصى مكان ..
والدلة يُشمُّ بهارها في كل آن ..

كيف كنا .. و كيف أصبحنا !

[عاشق البيت]

كونك ..
رائحة بركة الماضى وبساطته وصدق الناس الفطرى
وادب العرف والدين
والامان ونقاء القلوب والحياء وجمال التعامل مع الجار
بلا حساسيات اوخجل
بالحب والعشم ومراعاة مشاعر الجار والمحافظة عليه ..
والله اقسم بالله ان رجلا بقريتنا كان اسمه على الحداد
جاءه اضياف ولم يكن لديه شئ يقدمه لهم
فطلب من خالى - وكان جارا له -
ان يعطيه اوزة كبيرة فاعطاه اياها وهو يضحك
اى بساطة وحب !!!
--
ان حدث مثل هذا الآن لكان عيبا ومصيبة وقلة كرامة
--
الف سلامة على العمدة ربنا يعافيه ويشفيه
ويقر اعين محبيه بشفاءه .

[همس الورد]

كون الدنيا تطورت والتطور دا لازم يكون شي منه ايجابي وسلبي
على سبيل المثال
انا ما اخلي بنتي تتفرج كابتن ماجد في اشياء غير لائقه بس اخليها تتفرج على قناة براعم ماعندي مانع لاني شفت القناه دي وعارفه محتواها
الجيل تطور ماسار يتفرج كابتن ماجد وسار المؤدب يتابع براعم لانها قناه تعليميه اما كابتن ماجد في عمرنا كان في اشياء عجيبه حب اعجاب البنات بماجد وووو
والطبيعي يتطور المجتمع ويرمى كابتن ماجد ويحط بداله شي ثاني وفي نفس الوقت اشوف انه قناة براعم فيها برنامج سخيف يخرب عقول الاطفال عن الحيوانات في الغابه مافي اي شي من الواقع لكن فيها برامج هادفه زيد والعلوم والحروف الهجائيه
كل شي له سلبياته واجابياته

اما بالنسبه لحكاية التلفون هذي تقهرني مره اش يعني البنت ماتكلم والولد مايكلم اذا فكرت فيها بمنطق مافيها عيب اذا كان الاب يخاف على بناته من معاكسات الشباب هو بس الي يرد ع التلفون اذا زميلة بنته يعطي التلفون بنته دحين تغير الوضع سارت البنت الصغيره تمسك جوال
اخ بس دوبني فاطره وبطني تعورني وابغا انام ما ابغا اقهر نفسي بزياده
انا مايقهرني غير الرجال حلال عليه كل شي والحرمه حرام عليها كل شي

[*amula_beauty*]

اما عاد ماتخلي بنتك تتفرج ع الكابتن ماجد ؟!!!
همس حبيبتي ... بوقتنا الحالي احس ماينفع تتحكمي من الان باللي بنتك تشوفو او ماتشوفو .. طيب فرضآ دحين يمكن عشانها صغيره مرا ويمكن يادوب تتكلم عادي اتحكمي , بس تكبر شويا تبغي تخليها على عماها كمان؟
صدقيني كل جيل وكل فتره له طريقته الخاصه في التربيه والتعامل , يعني ما ينفع تجي دحين وتطبقي عليها اشياء ما اتطبقت حتى في جيلك .. تكبر البنت وتنصدم بالمجتمع .. يعني انتي حتقفلي عليها بقوه مادام بدايتها " ماتتفرج ع كابتن ماجد" ! طيب لا تخليها تقرا قرآن كمان , ما بسورة يوسف النساء راودوه عن نفسه واعجبوا فيه .. هيا حليها دحين ؟؟ ايش بتقوليلها ؟
كلامك المرا دي كان " غير منطقي " !!

*^*^*^*^*^\\

كونـــ / ايام ماراح ترجع ... ايام جميله .. جميله ..

[همس الورد]

امولتي لمن تكبر غير
لازم ابنيها بطريقه صحيحه لكن لمن تبدا 4 او 5 سنوات اخليها تتفرج وتقرر لكن قبل صعبه شويه لانها تاخذ الكلام الي في التلفزيون كفايه عليها الناس سارو عندنا يتكلمو كلام جدا بذيء اذا هي عرفت من البدايه اش الكلام الصح والخطاء طبيعي انه مارح يكون في اي خوف عليها بعدين
اتذكر ايام ماكنت اشغل في الروضه جا طفل خلع كل ملابسه بيمزح مع صحبته والسبب انه امه وابوه فاتحين له التلفزيون وعندهم قنوات شوتايم لكن اذا هو من البدايه فهم الصح من الخطاء وقتها من نفسه يعرف اش الشي الي ينفعني واش الشي الي ماينفعني طبعا كان ابوه عادي عنده كل شي بس انصدم من حركة ولده بس هو الي كان السبب هنا الخوف
انا ما امنعها زي غيري يمنعو بناتهم من الجامعه بحجة انها مجتمع غير اخلاقي بالعكس لازم اوضح لها من البدايه اش هو مجتمع الجامعه وانواع البنات وطبعا معروف انه عندنا بنات ينادو بعض باسماء اولاد وحركات مايوسها غير متزوجين لكن اذا فهتمها ووعيتها وعلمتها الصح من الخطاء هي من نفسها مارح يكون في اي خوف عليها
انا ما امنع عنها شي بس قبل اي شي تبغا تسوي في حياتها لازم تكون عارفه وفاهمه ولمن تواجه الواقع مارح تخاف بالعكس تواجه الواقع والناس وتكون هي المثاليه بينهم لانها فهمت الصح من الخطاء وما اتصدمت من الواقع بعضهم لمن يتفتحو على الحياه ينصدمو ودا ياثر عليهم يخليهم ممكن ينحرفو بس عشان يواكبو الي حولينهم
واوضح لك اكثر مستحيل اخليها تتفرج على فلم رومانسي وهي صغيره اصلا حتاخذ الكلام وتقوله لولد عمها وهي مهي فاهمه معناه حتى بس الي حوليني ياخذوها بانها امها ماربتها وهذا غير عن حركات وبلاوي تشوفيها في الافلام لمن تكبر يكون وضعها غير

[عمر باعقيل]

ايمن اعطيني بريال بليله واتوصى

[ابوفهد]

ايمن اعطيني بريال بليله واتوصى

اخ منك يا ابو حضرم بريااااال
البليلة أقل سعر بريالين

[*amula_beauty*]

اكيد ماراح تشغليلها فلم رومنسي وهيا صغيره ..
بس كابتن ماجد !! مافيه شي يا نااااااااس << خبره بالكابتن ماجد ..
يا حياتي حتى الاعجاب اللي فيه فطري ويجنن ...
وبعدين بنوتتك صغيره لو شغلتيها كابتن ماجد ما حتفهم انو فيه شي مو كويس .. من وجهة نظرك ...
يسعدك ربي .. وانا مااااااااالي بنتك وانتي حره فيها يا ست الستات ^.^ ...

وبيني وبينك ياقلبي .. انا تقريبآ 75 % من اخلاقي الكريمه ..استوحيتها من افلام الكرتون .... وانا صغيره بابا كان يجيبلنا اشرطة فديو لكل فلم كرتون ينزل .. دا غير قناة art 3 الله يرحم ديكا لاايام ... اتعلمت من افلام الكرتون . الصدق والوفاء والاخلاص وايش يعني خيانه وليه الكدب مو كويس .. وكتير اشياااء .. وعلى فكره .ز سر بلاغتي في اللغة العربيه من الابتدائيه .. هوا بسبب افلام الكرتون .. لأني كنت اتكلم زيهم باللغة العربيه الفصحى ... وكنت احيانا اصحح للمعلمات الاخطاء النحويه في النطق .. مو من فلاحتي بالنحو . لا بسبب اني عارفه النطق الصحيح للجمل قياسآ على اللي كنت اسمعو بأفلام الكرتون ... لو انا ناجحه اليوم وعقلي متفتح .. فماراح انسى فضل افلام الكرتون عليا
*^*^*^*^*^*

هههههههههههه منجد ابو فهد صادق !! ريييييييييييييال يا عمر !!
ليييييه ؟؟؟ ايش يسوي الريال , دا حق السلطه بس هههههههههههه
اقلها 6 ريال , ودي على ايامي .. مدري وصلت لكم دحين ^^

[صدق الوفاء]

و ينشأ ناشي الفتيان فينا على ما كان عوده ابوه
،
،

الاطفال يحبو التقليد ايش تسوي قدامه راح يقلدك فيه

كلام السعه زين و ما في مثله

لكن الواقع ان الامانة ضيعت إلا ما رحم ربي

الأب مو فاضي من ضغوط العمل و الحياة اللي كل يوم انيل من اللي قبله

و الأم اصبح دور التربية لديها دور ثانوي تكميلي لا اكثر

و الحصيلة اطفال مرفهين معتوهين معزولين اجتماعياً لا يعرفون خالهم من عمهم

طفل في المرحلة الابتدائية ماسك البلاك بيري و هاتك يا شاتنق >> يعني بيكلم امه مثلاً و إلا يسأل صاحبه عن الواجب !!!

امه طالعه يا حبة عيني مع شوقها ( زمان يا فن ) اقصد زوجها يتمشو و يتعشو و ينسبطو و يغيرو جو يعني اني يعني

و طول المشوار و هي شغاله شاتنق >> ما ندري هي مراسلة اخباريه و إلا طالعه مع سواق ليموزين و إلا ايش الهرجه بالضبط !!!

للأسف الشديد و اللي زاد الطين بله ان الاعلام اصبح هو المربي الحقيقي

[ابوفهد]

أسألكم بالله هل هذا الأمام يصلي أم يغير زيت ؟



الحمد لله على نعمة العقل والإسلام

[عمر باعقيل]

يا ابو فهد لازم الواحد يوفر دي بقش مافيه مزح خلاص المره دي بدفع مقدما عشرة ريال ريال ينطح ريال عشان ماتقول عني بخيل لووووووووووووووووول

[ألنشمي]

السلام عليكم ورحمة الله وبركاته

وكل عام والجميع بخير

اعاده الله علينا وعليكم اعواما عديدة وازمنة مديدة بالصحة والعافية

تحياتي

[ابوفهد]

الحبيب الغالي أبو أيمن منور الدرر والمركاز
يا الله عاد لا تحرمنا من خبراتكم وفقكم الله

[صدق الوفاء]

هلا و مليوووووووووون غلا

حيا الله الحبيب القاطع القطوع

حيا الله ابو ايمن و ربي سعيد جداً يتواجدك الليله

طمنا عنك عساك بخير يا رب

و عسانا ما ننحرم شوفتك كل عام