باك

كونكورد / يالله اسقه أعجبتني بالحييل خلاص حطيتها ضمن قاموسي :b
حبيبة أبوها / ههههههههه من جد الناس وصلوا القمر وأنتم للحين نخل :b
أمزح الله لا يخلينا من التمر () <- ولو إني ماآكله كثير بس يكفي كلام رسولنا عنه - اللهم صلي وسلم عليه -

-

مم إذا أحد سوا لي معروف أو شي أقول : يامال العافيه , طبعاً يامال هذي تمشي عندي 2000
وعباره دارجه كثير خاصه عندنا البنات يعني مثلاً شفت وحده من زمان عنها أقول اشتقت لك يامال السعاده :b
وعلى طاري شفت وحده من زمان عنها بعد نقول بعد الترحيب : عاش من شافك , وترد : عاشت أيامك ..
وإذا وحده بتقول سالفه تبدأ بـ : إسمعي , ونرد : اسلمي

و إذا سمعنا أحد فيه شي نقوله : سلامات ؟ , ويرد : الله يسلمك .. ويردف السبب إذا يبغى أو يكتفي بالصمت

و إذا وحده قالت لوحده مثلاً : شعرك حلو , ترد : عيونك الحلوه أو هذا من ذوقك وإذا ماعندها شي مرّه تقول الله يسلمك
أو يرد : ماعليك زود <- هذي أكثر شي عند الرجال والناس الزره وكذا :b

و الرجال اللي يصب القهوه يقول مع مدّ الفنجال : سَم , ويرد : تسلم
وإذا المتقهوي يبغى فنجال زياده يمد فنجاله ويقول : تقهو < يعني صب لي

ومن باب الاحترام إذا نادانا أحد نرد سَم , ويرد علينا : سم الله عدوك ؛
وإذا أحد نادى أبوه بـ : يبـه وكان الأب معصب عليه يرد : وحطـبه < عادي تنفع ثقافه

وبس هذا اللي أذكره الحين