يا غايب ليه ما تسأل ؟
يا غايب ليه ما تسأل عن قلب ما يخفق إلا بحبك يا كحيل العين ؟؟
يا غايب ليه ما تسأل عن عين كل ما هزها طيف ذكراك هلّ دمعها
وانهمر وصاحت من وجد البين
يا غايب ليه ما تسأل عن عشق أدمى وجرّح قلب هواك وحبك وشاف
بين عيونك أسمى آيات الوله والشوق
يا غايب ليه ما تسأل عن حبيب إذا حل عليه الليل شاف قلبك يناديه
من بين الوجود شاف قلبك بطهره وحنانه يحضنه يقول أبيك أبيك
يا غايب ليه ما تسال عن غرام صار حبيبك اسير روحك يبكي بين يديه
يبي يسكن فيه يبيه من بين الخلايق وحده قلبك الطاهر
يا غايب أبي أسالك وشلون لو رحلت وصار قلبك وحيد بين الخلايق
وحيد ماله وليف يشتكي مرّ الرحيل والهجران
صار قلبك يشتكي ومامن من سامع أو مجيب
يا غايب ليه ما تسال عن حبيب يشوفك ملاك بين الأنام
يشوفك طريق حياته
يشوفك آخر أماله وأول طريقه
يا غايب ليه ما تسأل عن عيوني اللي شافت في قلبك طيور الحب
طيور ترفرف كل ما شدا صوت حبك
طيور تنوح كل ما صار خيالك بطيفي
تخيل طيور قلبي تنوح ؟؟!!
وعلى من تنوح ؟؟!!
تنوح على حبك
على عشقك
على غرامك
تنوح على لياليك الملاح
تنوح على ما بقى من عمري من أتراح
تنوح على صدى الأيام
يا غايب ليه ما تسأل عن حبيب إذا حل نهاره يدور بين المخاليق
وده يشوف لك عديل او حبيب
وده يشوف ملاك مثلك
يرجع آخر النهار
ينزوي في ركن البيت
يبكي ويتألم
يشجيه خيالك وحبك
وانت مبسوط
وهو تائه من يوم شاف عيونك
انت مرتاح
وهو عيونه مغروره دموع
انت ولا على بالك
وهو قلبه مدمي اشواك وجروح
يا غايب ليه ما تسال عن عشق ودموع
دخيلك اليوم اسأل
دخيلك اليوم حاول تسال
دخيلك اليوم حاول تسأل وين ديار محبوبك
يا غايب ليه ما تسأل عن قلبي اخاف لامن جاء بكرا انزويت
وبكيت
وتألمت وصحت من الضياع
اخاف هذي اللحظه تحل فيك
ما ابيك تبكي
دموعك عندي اغلى من اللؤلؤ المكنون
دموعك عندي ابهى من الدر المزيون
دموعك عندي ارقى من حب مفتون
دخيلك دموعك وفرها ليوم وفاتي
يوم تدفن بقايا حبك مع رفاتي
يوم تدفن عشقك مع بقايا جراحاتي
يوم تدفن آخر أوراقك مع ذكرياتي
يا غايب ليه ما تسأل عني وعن عيون جفاها النوم
هجرها
وهجر مضجعي
هجر غرفتي
هجر مملكتي
هجر دنيتي
نوم ارتحل مع آخر بقاياك
يا غايب احبك بس وينك ؟؟!!
يا غايب رسيت بشاطئك وجيت لديارك ابيك
بس ابيك
بس ابيك
رد مع اقتباس
,, 
