الشعر والسياسة والفقر

[عاشق البيت]

[align=center]قصيدة بالعامية للشاعر امين الديب
اعجبتنى
-------------
أخر كلام
بعد مابقلع هدومى
قبل نومى
لازم أقرا كام مقاله
نرفزونى..سخنونى
حفزونى..إنى أكتب
عن ولاد الكلب
والسفاح شارون
قول سهرت
نمت..بعد الفجر ما إدن
والعيال بيقومونى
صحصحونى
قمت مفزوع من منامى
هجت فيهم
جت مراتى قالت لى..مالك
إيه جرالك؟
ليه بتشخط فى العيال
قلت باحلم
كنت باحلم إنى ميت وانفزعت
انبسطى..؟
كشرت وبسرعة قالت:
إيه دا أصله. طب وماله
يستحق الموت وأكثر
اللى يهرب من عياله
كنت فين م المغربية؟
تيجى بعد الفجر مادن؟
إنت فاكر إن دا ح يخيل على
شعر إيه؟
واللا إيه بتهببه.. وتقول قضيه
هى فين هى القضيه؟
هم يعنى كلمتينك.. اللى حى يحلوا
القضية؟
هيه ناقصة
وإحنا مالنا
ما انت شايف . كله خايف
والمدافع همسه حايره..عالشفايف
وانت عارف
الصهاينة ناس قويه.. ومفتريه
واللى أدهى من داكله
لما يبقى الكل نايم.. وانت قال تكتب
قصيده!!
عن ولاد الكلب والسفاح شارون
أبقى نايمه!!
أسمعك بتقول شارون؟
من غير سلام ولا يحزنون!
انت فاهم إنه ح يهمه الكلام؟
واللا دول عايزين سلام؟
واللا ح يخاف من كلام؟
هو همه من كلينتون. واللابوش
واللاهمه من باراك.. واللاهمه من...!
واللا عايز تبقى شاعر؟
واللا من أبنود جنابك؟
واللا عايز تقديريه؟
قلت طبعاً
أى شاعر يستحق التقديريه
يستاهلها عن جداره
مش خساره
ليه يا خويا
هو طلع إسرائيل؟
واللا عمر فى الصحارا
حاجه تانيه!!
والقطاع العام بيخسر
كان منع عنه الخساره؟
واللاسكان المقابر
كان بنالهم كام عماره؟
واللاشغل ألف عامل
أو منعهم من الدواره؟
واللا وزع عالغلابة
ألف طن من الدقيق
واللاحتى كام شيكاره؟
فوق لروحك
هو خدها عن وهيبه
والأغانى لعبد حليم
مش عشان حل القضيه
القضية هى.. هى
واحنا فى الخيبه القويه!
قلت جاهله.
إنتى جاهله
انتى فاكره الشعر ساهل؟
دا اللى ينكر فضل شاعر
يبقى جاهل
قلبك ابيض
مش حترجع الا لما يحبسوك
عالكبر ويبهدلوك
انت بتقول يا سادتنا يا قادتنا..
ارفضوا تهديد أمريكا والتحيز لليهود؟
طب ولو زعلت أمريكا
طب منين حيأكلونا؟
والحكومة نفسها بتمد إيدها
ويقولوا لهم شحتونا!!
انت عايز يحبسونا ؟
لوعايزنا نقب اكتب
حط همك فى الأغانى
فطر الشعب بأغانى
نيم الشعب باغانى
والأغانى..
بيبعوها بالدولار الأمريكانى
واللا يعنى جت علينا
واشتهينا الفقر.. تانى؟
عيش وهيص
شجع الأبطال ولادنا
اللى رفعوا راس بلدنا
مسخروا أولاد ناميبيا
واللا ليبيا.
عيش وهيص..
انت يعنى كنت غاندى..؟
واللا حافظ واللا شوقى؟
واللا بيرم أو جاهين؟
مانت طول عمرك بتكتب!
حد سمعك؟
قول لى مين؟
والا كام واحد بيحضر
فى النداوى ف أى حته
حتلاقيهم..خمسه سته!
أما لو تكتب أغانى
تبقى نجم ولك سماك
واللى جاى يطلب لقاك
واللى يتصور معاك
والصحافة والإذاعه
والبرامج..
كله ح يسجل معاك
زى شعبان عبدالرحيم
واللا شوف جمهور حكيم
تبقى شاعر زى صاحبك
كل واحد يرضى عنك
الحكومه والصهاينه والخلايجه
والتوانسه
والاجانب والذوات
بالخصوص صنف البنات
هو دا آخر كلامى
تمشى بيه.. أو تفارق من سكات
ميت يمين ماتقول قصيده
لاملا كل الدار صوات
واللى يسأل تانى عنك
راح اقول له غار ومات![/align]

قديمة

[zadi]

__________________


لا , مش قديمة يا أبو محمد ,,,

ستين سنة وإحنا بنتكلم الكلام دا ,,, لا رحنا بعيد عنو ولا أربنا ليه ,,,

إسرائيل هيه إسرائيل , والعرب هما العرب ,,,

لا دا إدر يمحي دا , ولا دا إدر يرمي دا في البحر ,,,

ومن ستين سنة , وصورة الست دي والشاعر دا والمفردات دي هيه هيه ,,,

دا حتى ولاة الأمر هما هما !!! من ستين سنة !!! ولمية سنة أُدام ياباشا ,,,

الحاجة الوحيدة إللي بتتغير هيه أنا وإنت والتاني والتالت والرابع كمان !!!

بنروح وبنلاقي في الآخرة إللي سبئونا بيسألونا , ها , عملتوا إيه ؟ طلعتوا اليهود ؟ رميتوهم في البحر ؟

بزمتك , حيكون إيه الجواب ؟؟؟

_____________

( تبقى شاعر زى صاحبك )

مين ده صاحبك ؟؟؟؟؟؟؟؟؟

_______________

أشكرك يا أبو محمد ,,, كلام جميل ومعبر وينفع ياخد مكانه زيو زي إللي أبلو , في سلة مهملات العرب للتاريخ !!!

تحياتي

زادي

[عاشق البيت]

[align=center]صباح الفل والياسمين
على زادى الخير
الحق ان هذا حالنا فعلا
اقصد قديمة القصيدة
ولكن مرارتها لا تزول من الحلق
بينما كانت اسرائيل منذ فترة بعيدة
تبنى استراتيجيتها العسكرية العصرية
كنا منهمكين فى المباريات والاغانى والمسلسلات
وسباق الابل والعمل على قدم وساق فى كل التفاهات
ضاعت الامانة عند الكبار بالتخاذل والتقاعس
والتثاقل الى الارض بل والخيانة
فترت الهمه وقل العزم وماتت الغيرة على الحق والكرامة
واصبح الولاء للاعداء جهرا بلا حياء
(يَا أَيُّهَا الَّذِينَ آَمَنُوا لَا تَتَّخِذُوا الْيَهُودَ وَالنَّصَارَى أَوْلِيَاءَ
بَعْضُهُمْ أَوْلِيَاءُ بَعْضٍ وَمَنْ يَتَوَلَّهُمْ مِنْكُمْ فَإِنَّهُ مِنْهُمْ
إِنَّ اللَّهَ لَا يَهْدِي الْقَوْمَ الظَّالِمِينَ (51) فَتَرَى الَّذِينَ فِي قُلُوبِهِمْ مَرَضٌ
يُسَارِعُونَ فِيهِمْ يَقُولُونَ نَخْشَى أَنْ تُصِيبَنَا دَائِرَةٌ
فَعَسَى اللَّهُ أَنْ يَأْتِيَ بِالْفَتْحِ أَوْ أَمْرٍ مِنْ عِنْدِهِ
فَيُصْبِحُوا عَلَى مَا أَسَرُّوا فِي أَنْفُسِهِمْ نَادِمِينَ
---------------
ان صفحة يعلوها اسم زادى هى صفحة تفتخر


[/align]

[قمر الغربية]

هذا هو القدر وهذه الحياة وهذا الجبن بعينه

[الحياة]

يسلموو عاشق البيت على القصيده

وننتظر مزيدك

خَواطرُ وقصائد يذرفُها قلَمِي

تقريبا للابيات المكتوبه من الدررين على ما افتكر وكان فى دره للنقل

[عاشق البيت]

الحياة
اهلا بك اخى الحبيب
شكرا على تشريفك صفحتى


القصيدة للشاعر
امين الديب
وقد ذكرت ذلك فى البداية

[الحياة]

لا اعتراض اخى العزيز عاشق البيت على الموضوع
ولولا ذكرك انها للشاعر امين الديب كنت ظننت انها لك
فانت عضو مميز
ولكن انا كنت بنهوه ان فى دره لكلمات وسطور اعضاء المنتدى وهى ما يميز المنتدى حقا
وهناك دره اخرى للنقل وهى تحتوى على ايضا على سطور وكلمات متميزه
ولكنه الشكل العام ( حبة ترتيت )
ولكن لا يهمك اخى الكريم

وننتظر مزيدك

دمت للمنتدى

دمت بحفظ الرحمن