- الإهدائات >> | |
إضافه إهداء |
________________
مسا الخير كادي
... هذا مو منطق ..اني اترك الجميلة مجرد لأنها جميلة
يعني اغلب العوانس عندنا من الجميلات ...!
إحنا مابنتكلم في المنطق , لأ , إحنا بنتكلم بدون منطق ,,, زي أي مظهر إجتماعي يخالف المنطق , مثلاً , عندك هل من المنطق إلزام البنت من الزواج من العيلة أو من ولد عمها تحديداً كما هو صاير في الكثير من العوائل في المدن والقرى والأرياف ؟؟؟
هذا عرف , وليس منطق أو شرع أو دين أو عقيدة .
و بعدين ممكن الواحد ياخذ وحدة مو جميلة او جمالها نص و نص و تكون اخلاقها كمان
مو جميلة او نص و نص،،، يعني لا حصل كذا ولا كذا
برضو الله يسلمك يا أم سلطان الكلام كان عن الجمال , مو عن الأخلاق ,,, إحنا خلاص خلصنا من الأخلاق والتدين والمال , بقينا في الجمال ,,,
اللي انت تشوفها وحشة ،، غيرك يشوفها جميلة ،، و القلب وما يهوى
و عين العاشق عميا
أنا أتكلم عن نظري أنا ,,, يعني لو شفت وحدة حلوة في نظري راح تكون أحلى من إيتو لاعب برشلونة قصدي أحلى من إنجلينا جولي هيه دي إللى أنا أقصدها بكلامي ,,,
إذا كانت جميلة و عندها عادي تتعرف على فلان و علان .. كتسلية و تضيع وقت ،، هذه اللي
ينخاف منها .. لأن المصايب تجي من ورا هذه الأفعال .
دي إللي قولنا عنها فوق مافي دين ولا أخلاق ولا تربية ,,, تكفون يالربع لاتخلطون الأمور
و اما إذا كانت بنت ناس متربية ،، فهذه ما ينخاف عليها ،، مو يقولوا في الأمثال :
امشي عدل يحتار عدوك فيك
إحنا بنقول بنقلق عليها , يعني بنغير , يعني تجيبلنا الجوناااااااااااان ,,, الموضوع مو شك في أخلاقها , لأ , الموضوع يتعلق بالرجل , وكيف يتعامل معاها وهيه ملكة جمال ,,,
بالعكس الحياة معها ما تجيب القلق
لان هذا يعتمد على اخلاقها اولاً ... و ثقتة الزوج ثانياً
قلنا أخلاقها سليمة وإنسانة محترمة وتخاف الله ,,, لكن القلق من ناحية زوجها لأنها جميلة , ويقعد هو يفكر ويتعب نفسياً في حكاية الغيرة والشك مو فيها , لأ , ممكن يكون في الناس إللي برا ,,,
لأن من غير المعقول ان اعطي ثقتي لأي شخص من غير ما اكون متأكدة من اخلاقه
كثير بيوت دمرها الشك و الغيرة الغير مبررة
صح , الدمار بسبب الشك والغيرة الغير مبررة , نعم , طب هنا لب الموضوع , كيف الواحد يقدر يتعايش مع وحدة حلوة مررررررررا وكيف يقدر يسيطر على غيرته وشكه ؟؟؟
أرجع وأقول هو مايشك فيها ,,, لكنه يغار عليها من الهوا الطاير بسبب جمالها ,,, ويشك في كل تصرف يجيه من برا ,,, يعني لو راح معاها محل ملابس يا إنو يقعد ( موصلاتي ) كلام بينها وبين راعي المحل أو يسيبها تتكلم مع الرجال وقلبوا ينحرق من الغيرة أو الظن في الراجل إنو قاعد يكلمها ,,,
وصلت الفكرة يا أخت العرب ؟؟؟
تحياتووووووووووووووو
« سُبْحَانَكَ اللَّهُمَّ وبَحَمْدكَ أشْهدُ أنْ لا إلهَ إلا أنْتَ أَسْتَغْفِرُكَ وأتُوبُ إِلَيْكَ »________________
_________________
أحمد ,,, صدق الوفا ,,, يا حيالله ولد مكة ,,,
تتذكر كلمة ( يو ) المكاوية ؟؟؟ ولا إنت تبغى تسويلي فيها ولد عتبان ويبغالك ديكشنري
خدلك وحدة يو على الطاير ,,,
يسعد صباحك وصباح الجميع يا أبو عبد الله
وصباحك ياعسل
وكونك تاكل حلا وياكل غيرك معاك احسن من كونك تأكل ..... لحالك
أبببوووووووو , من صدقك إنت يا أحمد ؟ دي تروح فيهعا رقاااااااااااب
موصيني عليك نواشف بيك وقال لي خلي بالك من خالك
أخصرك من الرمة , مواعدني دا الأسبوع نتقابل وسوا فيها سيدة أعمال قال عندو موعد في الرياض الساعة سبعطاش بعد المغرب مع أكبر موردة فصفص تكارين عشان المحل حقو إللي في ينبع يستعد لرمضان
شوف حبيبي المسأله مسألة دين وتربية واخلاق والدين كمان
والله إذا حصلت وحده فُل اوبشن وكنت انت في قرارة نفسك فُل اوبشن
فليس هناك اي مشكلة تذكر
وجهة نظر أحترمها , مع إنو الآن الفل أوبشن ميد إن سينقابور يعني بعد أول غسلة بالبرسيل تلاقيك مكتشف نفسك إنك .... يعني أنضحك عليك وراحت فلوسك ياصابر
والجميلة جمال حقيقي عمرها ما تخون
ياعمي والله ماقلت إنها تخون ولا جبت سيرة الخيانة بنوب بنوب
الثقة في النفس لها دووور كبير في الموضوع إضافة إلى ما ذكر وما ذكره الأخوان
لكن شوشو يدخلك من أضيق مدخل عندك , يعني يجيك من باب لعل وعسى يمكن إنها تعجب بمذيع تلفزيون أو مذيع التلفزيون يرميلها بوسة ( هذا في نظرك ) بينما هو راميها لشداد بن شديد السروالي إللي متصل فيه من رابغ فرحان عشان المشاريع الجديدة
اعطيك مثال بسيط وحي
هـــــــــــــــــــــــات !!!
عندنا في الحارة واحد اعمى بصر متزوج وحدة ماشاء الله تبارك الرحمن
قمة في كل شي تخيل يا زادي لما يكونو نازلين في الشارع يدورو على تكسي
حجاااب كامل وادب جم ما تشوف منها لو طرف اصبع >> على ايه يدل ؟؟
يدل على عدة اشياء لعل ابسطها هوا حسن اختيار هذا الرجل لزوجته
وما قال ما هي فارقه معي طالما اني ما راح اشوفها
وما قالت البس على كيفي طالما انه ما يشوفني ,,
هاااااااااااه , بس هنا , أرفع رجلك شوي عن الأبنص شوف ياطويل العمر ,,, أنا ما جبت سيرة الأخلاق , قلنا إن الأخلاق موجودة والدين متوفر و ( فل ) الفل ,,,
بس لو هوه من النوع الغيور كان تلاقيه يطين عليها عيشتها بسبب غيرته لأنها حلوة أحلى منو بكتير ,,, ويمكن لأنه أعمى مو عارف قد إيه هيه حلوة وعشان كدا ماهو شاعر بنار الغيرة ,,,
الله يذكرك بالخير ياوردة ,,, جرب نار الغيرة و قوللي ,,, إيه رأيك ,,,,
يا اخي انسان عجيب يجبرك على احترامه واحترام عقليته وروعة منطقة ودينه كل صلاة في المسجد
الله يزيده ويثبته ,,,
احياناً ا صير في حالة حيرة من فينا الأعمى أنا وإلا هوا ؟
الله يسعدهم ويحميهم من كل شر.
اللهم آمين
مرسي قوي يا خااااال
ونهارك اخر حلاوه يا رب
صدق الوفاء
HAVE ANICE DAY AHMED BASHA
_________________
ثاااااااامر
( ألحق الصلاة )
أي صلاة ياعمي الحج ؟ الساعة 5.20 عصر ,,, إنتو عندكم صلاة بين العصر والمغرب ؟؟؟
أنا شاطب المطوعة شطب....لا حول ولا قوة إلا بالله
الله يغفرلنا يا شيخ
ههههههههههههههههههههههههههه
اللهم آمين مع عصرية الجمعة دي ,,,
[align=center]واحد خطب واحدة جميلة
بيسال صاحبه بيقول: اعمل ايه فى خطيبتى
كل ما تشوفنى تتكسف
قال له اكيد شكلك يكسف[/align]
_________________
هههههههههههههههههههههه
بجد رهيبة يا أبو محمد ,,,
الله يسعدك يارب
سلاااام
هما كلمتين وماراح اطول كتير
ايش يمنع ان الرجال يتجوز وحده حلوة إذا هيا رضيت فيه؟
خلي الرجال يعيشو حياتهم
وبعدين هما رجال مايعيبهم شي, يعني لو أخد وحده حلوه وطلعت بطاله لاسمح الله, ياخي يرمي ويجيب غيرو. غيرو احسن منو
شكرا زادي
عمتووووووو
خالو زادي
يعني نقولك ثور تقول احلبووو
ياهوو اخلص علينا حدد
وبعدين الباب اللي يجيك منه الريح سدو واستريح
ياطويل العمر
كلنا بنقول طالما دين واخلاق وجميله معاليها قصور تمام التمام
وانت بتقول غيرة الرجال من الناس اللي حواليها
معليش معقد نفسيا اللي بيغار على حرمته ((مدينه وجميله)) لأنه رجال
بنظره وحده يرفع حاجب وينزل حاجب ويلعن ابو اللي يطل ومحد بعدين يقدر يعمل حاجه
طالما عارف حرمته وعارف انها ماراح تلف يمين وشمال خلاص
خللي اللي يتفرج يتفرج ((حرمتي وراها رجال))
وغير كذا مافي بالدنيا غير حرمته حتى لو الرجال اللي حوليه طلو فيها بيطلو ويبحلقو لين مايزهقو وحيدورو على اللي بعدها ليش انها مطنشتهم ووراها رجال
في النهاية ياخالووو اذا الغيرة ذابحت\ك<<<محد غيرك مو راضي يقتنع
خذ شينة عشان لحد يطل فيها
مو قلت كدا موافقتك الرأي في موضوعك لا بس عشان راسك يابس<<<المعذرة
<<<<<<<<<مدري ايش قلت ومدري ايش خبصت
________________
أهلين مسيو أمتووووووووو
مافي شي يمنع زواج الحلو ( إحم ) من الوحشة , وكمان العكس , مافي مانع شرعي ولاإجتماعي ولا حتى تحويلة طرق وإحنا ماقلنا إنو فيه موانع ولاجبنا سيرة موانع وسواتر ياساتر يارب
وزي ما الرجال بيعيشوا حياتهم كمان الحررمة ( بكسر الراء مرتين وإنتي عارفة كيف عشنك جداوية ) بيعيشوا حياتهم لمن يتجوزوا واحد مسمسم وكلالالالالاس زي حالاتي إيش , عندك إعتراض ؟
أما حكاية يرمي ويجيب غيروا قسم بالله أول ماجا في بالي الميكانيكي إللي غيرلي نص المكينة حقت السيارة مو عشنها خربانة , لأ , عشنو البعيد عنك ح م ا ر
والمصيبة إنو حتى بعد ماغير نص المكينة , برضو العيب موجود لأنه العطل ماكان في المكينة ,,,
الكفرات كانت ( منسمة ) خخخخخخخخخخخخ
يعطيك العافية عمة كل بزورة حارتنا وحارة أبو حسين إللي جمبنا
________________
خالو زادي
يانعمين يامناحلة
يعني نقولك ثور تقول احلبووو
هو ينحلب ؟ غريبة , على أيامنا كان حيوان داجن بياض
وبعدين الباب اللي يجيك منه الريح سدو واستريح
ياريت باب واحد , دي بلكونة بعرض العمارة
ياطويل العمر
طويل العمر إبليس ياشتورة
كلنا بنقول طالما دين واخلاق وجميله معاليها قصور تمام التمام
والنعم والله
وانت بتقول غيرة الرجال من الناس اللي حواليها
إيوه هادا شعور الراجل وإحساسه
معليش معقد نفسيا اللي بيغار على حرمته ((مدينه وجميله)) لأنه رجال
وإللي بتغار على جوزها غيرة عميا ويش نسميها , مريضة أو وجعانة روحانياً ؟؟؟
بنظره وحده يرفع حاجب وينزل حاجب ويلعن ابو اللي يطل ومحد بعدين يقدر يعمل حاجه
طالما عارف حرمته وعارف انها ماراح تلف يمين وشمال خلاص
خللي اللي يتفرج يتفرج ((حرمتي وراها رجال))
ها , هنا لب الموضوع ,,, الوسوسة إللي راح تدخل عليه من جمالها , هو دا لب الموضوع وقشره كمان
وغير كذا مافي بالدنيا غير حرمته حتى لو الرجال اللي حوليه طلو فيها بيطلو ويبحلقو لين مايزهقو وحيدورو على اللي بعدها ليش انها مطنشتهم ووراها رجال
وهو راح يستنيهم لحد مايزهقوا ؟ طب إللي نفسو طويل ومايزهق ؟ أرقصلوا يختي
في النهاية ياخالووو اذا الغيرة ذابحت\ك<<<محد غيرك مو راضي يقتنع
خذ شينة عشان لحد يطل فيها
وأعيش أغني ظلمووووووووووووووه
مو قلت كدا موافقتك الرأي في موضوعك لا بس عشان راسك يابس<<<المعذرة
يابس ولا ناشف كلو زي الدوم على رأي جف البحر ,,, بس إللي في راصي في راصي
<<<<<<<<<مدري ايش قلت ومدري ايش خبصت
زي العادة و يعني مو شي جديد خخخخخخخخخخخخخ
______________
فينك إنتي ياست هانم , لك كم يوم مو مبينة ؟ عسى خير !!!
الذين يشاهدون الموضوع الآن: 1 (0 من الأعضاء و 1 زائر)