شوفوني...أحباب وخيلان غنولي..

[DANiA]

السلام عليكم

كيفكم.!!

دوبني خارجه من المطبخ..

انتو معايا؟.

كننننننت في المطبخ..

وماادراك مالطبخ؟.

نمت امس بدري الساعه1..

عشان الماما قالت بكرة دانيا بتقوم تطبخ..

<جاك الموت ياتارك الصلاة..

انا احب اطبخ بس بكيفي ..

المهم

جات اختي من المدرسة10 الصبح تقولي قومي من النوم اطبخي..

الله اكبر.. ..شروط الأخت..

خسرتها وماما جات قومتني 11 ونص..

قمت..جبت كتاب الطبخ..

وانا معصبة..

ماما قالتلي اعملي زربيان

قلتلها لا..لونه احمر في الصورة انا مااحب الكبسات

أحلى يادانيا....زربيان سار كبسات..

المهم

مررررررررررريم..غسلي الدجاج وقطعيه 4 اجزاء..

وقطعي 4 بصلات و4 طماطم..طويل طويل..

الطماطم مربعات..

وخرجي اللبن الزبادي من الثلاجة..

طيب..!!

عملت كل شي..

دخلت المطبخ وشمرت.. ..

جبت القدر لا حظو اننا بنتعامل مع قدر..

حطيت شوية زيت والبصل جلست العب انا والبصل ..

اوديه يمين وشمال..إلين ماسار ميت..

حطيت الدجاج..وجلست اقلبه..ربع ساعه..

بعد كدا حطيت في زبدية لبن الزبادي والطماطم والبهارات والملح وموية كادي مع زعفران..

لخبطهم وحطيتهم مع الدجاج..

بعد كدا ماما دخلت.. <مااحب احد يعلق..

المهم..

عملت الرز وحطيتو في قدر مع موية ونسيت الملح..

خليتو يستوي شوية فقط..

ورحت الصالة قلت لماما احطو فوق الدجاج .؟ينطبخ معاه؟

قالت:. بعقلك؟.؟

طبعاً

قالت:.الدجاج مهو مستوي..

قلتلها هما كاتبين ربع ساعه..

هزئتني..ربع ساعه يعني تحطيه للناس مهو مستوي..

قلتلها يستوو مع بعض..

لالالالا..

ماينفع..

الدجاج بطئ..والرز بيسير سليق..

طيب.. ..

استني الدجاج حضرتو إلين مايستوي..

وحطيت الرز فوقه..وزدت شوية موية ..(البنت فنانه)..

والملح؟.

نسيته من اول خلاص خليني اكمل..

عملت كل شي..

وضبطو..

ونسيت اني حطيت الزعفران كلو إلي دايب مع الكادي في الأول المفروض ابقي شوية..

رحت حطيت موية ونقطة زعفران..ورشيتو فوق الرز وهو في القدر..

خليتو على راحتو ينطبخ..

وجلست اعمل سلطة لبن بالخيار..حطيت مع اللبن شوية نعناع مطحون وملح وكمون..

طلع لزيز..

جهزت كل شي..(وبابا مابيحضر حفلتي<مسافر)

ورحت غرف النوم اقول

غداااااااااااااااااا قووووومووووو

ورحت أئزي كل واحد واضربهم عشان يصحو وياكلو..

انا شاطرة صح؟.

والكارثة حتى بكرة بطبخ..

الله يخارجنا..

[رحاب]

والأهلـ ...كلهم بخير؟؟
يعني لاعوارض صحية....
أها صح هو بعد24 ساعة بالتمام تظهر العوارض ..بسم الله عليهم أتمنى جد يكونوا بخير.....
بس كمحاولة منك جيدة ياعسل ليت الأمهات كلهم كده ينصحوا بناتهم على المطبخ


دانو فيه نصيحة لطيفة
أطبخي بيض دااائما ...أعرف وحدة في الدرر اللله يستر عليها ماتعرف غير البيض وممشية أمورها.........إشراقة أبد ماجبت سيرتك ياقلبي


كوني بخير وننتظر وصفة بكرة

[أم إياس]

مبروك ياختي عقبال الغوزي

البنية كبرت وبأت عروسة وعرفت تطبخ

فرأوا الشربات

بس ما قلتي لنا كيف كانت الطبخة

صحيح انها ضبطت والا صارت سليق

وعلى قول اختنا رحاب الكل بخير ما صارت حالات تسمم والعياذ بالله

[DANiA]

هلا رحوبتي..

طبعا بخير..ماشالله أكلو الرز كلو..

ترا لزيز..بس كان يبغالو أكتر الخلطة شوية..تسلملي هاليد ..

رحاب ترا انا مني بليدة....والله اعرف أطبخ..

بس شوفي بعد طبخة اليوم قلتلهم طفشانه بأخرج...ماما قالت قوميي اعملي كيكة,,

شفتي..

المفروض ماادخل المطبخ من الأول.. ..

الله يستر بكرة ايش الغدا..

..

انتي بتطبخي في السكن؟.؟؟

[DANiA]

هلا بجروح..

مبروك ياختي عقبال الغوزي

تقصدي الكوزي؟.ماافتكر شكلو..اها إلي يعملو الطباخيين وقت العزايم..

البنية كبرت وبأت عروسة وعرفت تطبخ

فرأوا الشربات

الله يبارك فيكي يااختي..

عندك عريس؟؟

بس ما قلتي لنا كيف كانت الطبخة

صحيح انها ضبطت والا صارت سليق

مية مية..

وعلى قول اختنا رحاب الكل بخير ما صارت حالات تسمم والعياذ بالله

بخير ويسلمو عليا كمان..

لزيزة تعالي ددوقيها..بس تعرف الواحد لمن يطبخ يشبع مع ريحة الطبخ..فمااكلت كتير..

..

يلا الله يخليكي لنا..ساعديني بطبخاتك..

قوليلي ايش عندك اشياء جديدة لأن الوصول للقلوب بالأكل..

[ألنشمي]

000

00

0

غنولي0000وش الاغنية الي تبينا نغنيها لكِ 000

000ما يطلبه المشاهدون00 بانتظار طلبك000

0

0

0

اوخيتي 0000 بارك الله فيك000 اول الطريق خطوة0000هم بيقولوا كذا 00

يعني اول دخولك المطبخ 000اول طبخه000 والله يعين 000 الاكيله000

0

0

0

وفقك الله

0

0

تحياتي

[DANiA]

ماشالله عليا

[عمر باعقيل]

اش هاذي الحركات يالمتألقه طلعتي مب هينه خلاص ياستي بكره تسوي عزومه وتنادي نبضة ورحاب وتخليهم يذوق وبعدين نحكم احنا عشان اذا صار شيء ما اروح فيه

بجد يعيطك الله الف عافية

دمتِ وعين الرحمن ترعاكِ

[DANiA]

أحم أحم..لحد يكلمني

[جمال الروح]

احم ,, احم ,, رز بلحم,, كنت مارة قريبا من هنا ,, فشميت ريحة دجاج ورز وووو ويا عيني انفتحت نفسيتي فعلى طووول دخلت ..

والله امتعتينا بوصفتك الشهية .. شكلو طلع لذيييييييييذ..


صحة وهنا على قلبك وعلى قلب الاهل..


تابعي التجاارب وانشالله تصيري افضل طباخة وخصوصا "في بيت الزوجية"



تحيااااتي

أختك

جمال الروح

[DANiA]

معليش نسيت مااعزمك..بس كلو لمصلحتك..

ان شالله أكمل تجاربي....وافيدكم
واسير طباخة ماهرة..

وبعدين مو قلت أحم احم لحد يكلمني...<<بمزح..

[فلة]

بتعرفي انك روووووعة

ضحكتينا واعطيتينا وصفة لاكلة اول مرة بسمع فيها

انت عسل ومتألقة يا متألقة

بننتظر طبخة بكرة تخبرينا عنا بكل شوق

[DANiA]

شكراً يافلة....

غداً ستكوني في داري وتأكلي أحلى أكلااتي....

شكرا لمرورك العطر