..( تَـعَـلّـمْـتُ فــي المَـــطْبـَــخ )..

[saroonah]

السلام عليكم ورحمة الله وبركاته

مساء التشيز كيك




اليوم تعلمت أشياااااااااااااااء يانوسا.. الله لا يفشل مسلم

أول مرة أسوي تشيز كيك.. وأنوااااااااااااااااع الأنواع


تعلمت إني لمن اسخن الفرن أتأكد أنه مافيه سكينه ولا شيء داخل الفرن ((لا تطالعوا كدا تراني اشتغل وأنا متنحة خالص))

اليوم كانت في سكينة بلاستيكية.. وأنوااااااااع الروائح



تعلمت كمان.. إني لمن أحط صينية ذات قاعدة تتفكفك.. لازم أحط تحتها صينية ثانية عشان ما تنقط.. وتعمل بلالالالالالاوي زرقا

اليوم ريحة المطبخ.. ربي لك الحمد



كمان تعلمت إني أتأكد إن كل الأشياء موجودة قدامي قبل ما أبدأ أشتغل.. لحسن الدنيا تصير لغوصة



بس.. هذا ماتعلمته اليوم

دمتم

والسلام عليكم ورحمة الله وبركاته

[Oscar]

السلام عليكم ورحمة الله وبركاته..

× تعلمت في المطبخ×

Smil to the Kitchen,the kitchen will smil back

× تعلمت في المطبخ ×

انو أكل ماما ما في زيو>>

× تعلمت في المطبخ×

انو تحت النار الهادية

كل شي ينطبخ ويستوي<< حتى المخططات الأوسكارية

× تعلمت في المطبخ×

كيف أعمل بيتزا في 5 دقايق

المقادير:

* صلصه

* جبنة مازريلا

* عيش شامي << بدل العجينة

.

.

و بالعافية عليكم أحلى بيتزا للعجزانين الي زيي

شكرًا شيف Nooosa

الله يديكي العافية على الموضوع اللزيز

و في أمان الله..

[DANiA]

ياهو يا طبيخات..

والله انكم حركتات يلا اجتهدو..دحين الإجازة جاية ...

[Nooosa]

السلام عليكم ورحمة الله وبركاته

وعليكم السلام ورحمة الله وبركاته


مساء الفل نوسا.. وكل من في الموضوع

مساءك فلافل >>> مشتهيتها




ممممممممممممم

افتكرت اني تعلمت في المطبخ أشياء.. لا تضحكوا عليّا بس

* تعلمت في المطبخ.. إني لمن أسلف المعكرونة أو الاسباجيتي.. أحط عليها شويه زيت عشان ما تتلصق في بعض.. وكمان ما تتنفخ مرة وتصير كلها موية
<<<<أول مرة عملت اسباقيتي.. الله لا يوريكم

ممتـاز .. ( المكرونة والرز ) شوية زيت مهمّ لها .. برافو يا سارة شطورة


كانت ماما مسافرة.. وقال قال عزمت بنت جيراننا تاكل معانا.. راحت جابت اكلها من البيت

عــــايدي جـــدًّأ


* تعلمت في المطبخ.. إني لمن اسوي كيكة بيتي كروكر لازم ادهن الصينية زيت

لا تقولوا شيء بديهي.. تراني ما كنت اعرف.. وسويناها انا وبنت جيراني.. وماحطينا زيت

بعدين لمن حطيناها في الفرن.. قعدنا نقرأ الكرتونة ولقينا اننا ما دهنا زيت.. ورحنا سألنا أمها طالعت فينا بـ .. في أحد يسوي كيكة وما يدهن الصينية زيت

رحنا رجعنا قلبنا الصينية.. وأنواع اللغوصة.. استغفر الله

ياي أحلى شي في المطبخ اللغوصة ..( شيؤن كشختن وممتعن )

هذا ما افتكره.. ربما لي عودة

ونحن ننتظـرك

دمتم بـ خير

والسلام عليكم ورحمة الله وبركاته

وعليكم السلام ورحمة الله وبركاته ..

[أميرة العرب]

[align=center]السلام عليكم ورحمة الله وبركاته


مساك فل وياسمين غاليتي الشيف *نوسا*


اما انا فتعلمت في المطبخ (عن خبرة شخصية)

ان تكون الاضاءة في المطبخ ساطعة

عشان لما استعمل السكين ما افرم اصابيعي


ان استعمل دفة الفرم خشب مش بلاستيك
عشان الصحة العامة


تعلمت ان لا اترك الطعام الذي يحوي على رب البندورة في اي وعاء من الالمنيوم
لانه بجد يفرز سموم قاتلة


ولي عودة لاخبركم بالمزيد [/align]

[Nooosa]

تعلمت انو ماافتح الفرن عالكيكة عشان ماتهجد....

عليكِ تعبيرات خطيــرة ..

صح ممتازة يادنّو >> عاملة فيها أبلتهم

لأنه الهوا اللي بيدخل بيهبّط الكيكات

لازم لمن تعملي طبخة تنزلي الكمية كلها من الكاسة مثلا ماتسيبي بقايا كتيرة لأنة بيأثر ..

ممتـازة .. وقصدك بيأثر على المقدار

اتعلمت اني لمن أسخن الحليب مع الخلطة السرية تبعي ..إلي هيا ملعقة صغيرة نسكافة وملعقه صغيرة نسكويك وملعقه كبيرة كاكو مر.. المهم لازم أجلس جنب الحليب عشان لمن يغلي ماينكب على العين حق البوتوجاز,,,وحوووسة ومين ينظف بعدين,,,

ياعويييله

اتعلمت في المطبخ لازم يطلع ريحة للطبخة ولا ماتسير طبخه,,,

ياســلام صحّيـن .. وخصوصًا ريحة الكُشنة

نوسة اتعلمت أعمل طبخة من عقلي تجنن,,,, ....حتى عماد إلي مايحب الأكل عجبتو,,,

بالكيشب,,..وأسبكها مرررة ..بس بدوقك هيا ان شالله..

يم يممي أحبّ المسبّك

تعلمت أعمل كوكيز لزيز,,,

علميـــــني >>>>> وأنا أتعلمت أعمل براوني يجنن

وتعلمت اني أحط الفنجان القهوة بيدي اليمين واصب باليسار....

لأ لأ لأ من جـــد .. حقيــــقي دا وحــده ( إنجــــــــــــاز )

ولي رجعه,,

رائعة مشاركاتكِ حبيبتي .. واصلي كلنا متابع

[Nooosa]

السلام عليكم ورحمة الله وبركاته

بصراحة موضوع ممتاز جدن اوي خالص مرتن بالحيل

إستمري عزيزتي

فالكل هنا يتعلم

لك كل الود

.
.
وعليكم السلام ورحمة الله وبركاته

أهلاً أهلاً بأبلتي الحلوة إللي علمتني أسوي مندي ( مُبخّر )
حياكِ الله سعيدة بحضورك ( جدن أوي خالص مرتن بالحيل )
وفي انتظار مشاركاتك وخبراتك

[Nooosa]

حلوين مرة
ومتابعة بس صبرا اخلص امتحانات وافضى لكم
أحبكم

.
.
إلهي يوفقك ويفتح عليك ويسهل كل أمورك يا رحاب
وتعالي أفضيلنا .. ما ننفع بدونك
إنتِ الأحلى

[Nooosa]

انا تعلمت في المطبخ

طبعا هاذي الاشياء لمن كنت ادرس الجامعه تعلمت اسوي كبسة تونه واعمل قهوة تركي على كيف كيفكم وكمان تعلمت اعمل اندومي بخلطه خاصه فيني

وسلامتكم

د/ نوسا

الف شكرعلى هذا الموضوع الجميل

دمتي وعين الرحمن ترعاك

اسير الاحزان

.
.
الله يسمنك
همس الوجـود ألفين عفوًا ..
وألفين شُكرًا تانية على الحضور
وفي المطبخ نتعلّم

[عمر باعقيل]

تعلمت اليوم في المطبخ

اني اعمل (تقاطيع) بالحجازي او اليمني ( حميس ) بالنجدي ( كمونية ) بالسوداني

اذا تبون الطريقه انا في الخدمة بس ترى طريقتي مولعه بفلفل 280 درجة تخلي الواحد يفرفر من كثر الحراره

[DANiA]

تعلمت أعمل بسبوسة لزيزة اوي..

أطعم من هديك يانوسة

تعرفي ليش؟
<< لأن الفرن جديد..

[السحابة البيضاء]

مساء الخير
أحلى شي إنك يا نوسا إني متخيلة شكلك واقفة في مطبخ ومسيطرة عالوضع تمام >> المنظر اللي متخيلته يموّت ضحك
والله يختي " منكم نستفيد "
أما عن نفسي
تعلمت في المطبخ إني ما أمشي كلامي على رأي ماما لأن النتيجة أكلة طريقها لأقرب " سلّة مهملات "

سارة .. انتي طول عمرك حاااااااااااايسة !!