سلااااااااااااااااام يا بناتين...
كيفكم طيبين ...
تعالوا بنطق حنك وسالفه محد قدها...
دحين كل وحده ما شاء الله عليها مصيرها تروح بيت عريس الغفله زوجها..
طيب...
كل وحده والحمد لله تقول..
والله اذا جا أحد يتقدم لي بشوفو حلو ولا لأ...
واذا كان يشتغل وراتب حلو يخليني اسافر كل شهر باخدوا...
والمهم يكون عندو حساب في البنك شي وشويا ما ابغاه فاضي يد ورا ويد قدام...
ويكون واحد سبيشل يخليني اعمل اللي بدياه مايحبسني بالبيت...
ويجيبلي شغالتين وسواق وفله وطباخ اجل انا عروس...
ايوا وكمان لازم يدفعلي مهر وقدره...
وفرح ماحصلش...
أنا أقول للبنت مو هو يجي أول شي...
أبصم بالعشره انو اذا سمع دا الكلام حط ثوبو في فمه ودعس بنزين لرجله وحطها جريه...
و آخر شي سمعتو من البنات تبغ عريسها عجوز مكحكح يعطس يطلع تراب عندو هبرة فلوس علشان يموت على طول وهيه تورثو<<<<< قسم بالله دولا البنات مادري من فين جيبوا دي الأفكار..
واقلك كمان انو افرضي في دي كل المواصفات وماطلع حلو مثلا بترفضي..
أدري عندها بقلك عنستي يابت...
يا بنات ادري عن كل وحده فيكم كل وحده تحب يكون عريسها على ذوقها ماقلنا شي حتى انا مخطط لموصفات عريسي>>>>>>بلاهة بنات..
بس مافكرتوا بأخلاقوا مافكرتوا بدينو افرضي انو واحد على حسب الطلب بس ما يصلي صلاة ربو..
مايروح المسجد...
ما يزور أهله...
أكتر مافي انو أكبر كداب...
ذاك الوقت لما تتزوجي وطيح الفاس بالراس بتندمين ...
فأنا أوجه نصيحه لكل وحده بتخطط نسيت من أهم مواصفات عريس الغفله الدين والخلق...
أنا أقلكم عمركم مح تندموا اذا كان رجال يخاف ربه أخلاقو هي اللي رافعه راسه..
دحين يا بناتين...
كل وحده تعيد ترتيب أفكراها مره ومرتين وتلاته..
وانشا الله بتعيشوا حياة سعيده هنيئه ...
ارجو منكم يا بناتين عدم التسرع...
فهذا الشائع بين بنات اليوم ...
وألف مليون مبروووووووووووك...
تحياتي:
أبلة تيما...
المشاركة الأصلية كتبت بواسطة همس الوجود
[/align]
