المشاركة الأصلية كتبت بواسطة جـــــ JeDDaH ــــده
الصراحة الدخول بمعرفين له عدة أسباب
كل واحد على حسب نيتووو
في منهم زي ما قالوو الأخوان واحد رسمي والتاني للغزل وقلة الحيا
أما ناس تانين وكتير أعرفهم يستخدمو الحركة دي
يكوونو مشرفين أو إداريين ويخلوو بمعرف عضو عادي حتى يقدر ياخذ راحتوو وما يكوون رسمي << ياخذ راحتوو موو يعاكس والكلام الفاضي
أنا ممكن أعذر الإداري لوو سوا زي كدا علشان يكوون في إحترام ما بين الأعضاء والإداري وشوية رسمية
وناس تانين برضو أعرفهم وطبعا أنا واحد منهم بس موو في هذا المنتدى
ندخل بنكين << كإننا 4 أعضاء ولا 6 وفي الأساس إحنا 2 أو 3
ونقلب المنتدى فووق تحت وكل واحد يحش في التاني ولا يحش نفسوو << عندهم إنفصام في الشخصية خخخخخخخ
بس في منتديات فلللله وونسة ومافي شي إسموو ممنوع ولا حذف مواضيع وحذف ردود (طبعا ما فيها أشياء مخلة بالدين كلوو كلام وردود بس) وماهي رسمية زي منتدانا (منتدى واحة الدرر)
وفي ناس تستخدم المعرف الثاني وقت المشاكل والردود القوية تلاقييه معروف بردود عادية ومحترمة وما يكوون متحمس ومشاركاتوو كملت كم ألف ما يقدر يحرج نفسوو ولا يرد رد قوي ولا جارح في موضوع يخااف إنو ياكل باند وينطرد فيقوول أرد بمعرف تاني ولوو أكل باند عادي محد راح يسأل عنوو
وفي تانيين وخاصة يكوونو من الإدارة يا إنهم يسرقوو داتا بيس أو يشتروها ولا يسجلوو بمعرفات جديده علشان يكثروو عدد الأعضاء لأغراض متعدده مثلا يوم ما يفكر يعرض موقعو للبيع يقوول واللهي عدد الأعضاء في المنتدى وصلووو ..... وموقع جيد وفيه حركة ويحط عليه سعر مناسب له .
أنا كان ودي أغير معرفي وأدخل بمعرف جديد وطبعا أطلب من الإدارة تلغي المعرف القديم علشان لا أدخل بيه <<< لأسباب خاصة
لكن الإدارة رفضت فإضريت إني أغير اسمي وبس
هذا ردي بكل صرااااحة