السلام عليكم ورحمة الله وبركاته
يامكثر الرجاجيل اللي كل ماسار شي ماعجبهم بحريمهم
قالوو هالجمله ..
حريم ناقصات عقل ودين
وداها السوق ماعجبها فستان قالو ناقصة عقل
مدري ايش سوت قالو ناقصة دين
مدري فين راحت قالووو احنا قلنا من زمان انها ناقصة عقل ودين
الموووووهم
انا ايقنت انو الرجاجيل موكلهم طبعا
مايعرفو غير 3 جملات<< انواع النحو
الشرع حلل أربعه والجمله الثانية اللي فوووق اللي كتبتها خمسمية مره
و المرأه خلقت من ظلع أعوج
ياهووووو
طيب فاهمين الهرجه انتووو
ولا بس زي الببغانات منتو دارين ايش معناها ترددوها
وخلاص ..
نفسي بمدري ايش
الموووهم
واذا قلنا لهم ليش؟؟ قالوا الرسول (اللهم صلي وسلم عليه) قال: "ما رأيت من ناقصات
عقل ودين أذهب للبّ الرجل الحازم من إحداكن "
شرح الحديث ياعنتر انت وهو
فهـو إجابته صلى الله عليه وسلم على سؤال النساء حين سألنه : وما نقصان ديننا وعقلنا يا رسول الله ؟
فقال : أليس شهادة المرأة مثل نصف شهادة الرجل ؟
قلن : بلى ، قال : فذلك نقصان مِنْ عقلها .
أليس إذا حاضت لم تُصل ولم تَصُـم ؟
قلـن : بلى .
قال : فذلك من نقصان دينها .
والحديث في الصحيحين .
شفتووو كيف الشرح لأن المرأه بطبيعتها تنسى مع التعب الحمل الولادة النفاس كرف البيت فعشان
كدا شهادتها بنصق شهادة الرجال..
وعشان تجيبلكم الوراعين وتغذيهم لازم تحيض ولا عادي عندكم حرمة ماتجيب وراعين
شرحنا الجملة اللي عليها الكلام الجملة التانية حقت الشرع حلل اربعه هرجنا فيها من زمان
ما ابغى ضغطي يرتفع ثاني
بقي الجمله الاخيرة عارفين ايش معناها
قول النبي صلى الله عليه وسلم عن المرأة : خُلِقت من ضِلَع ، وإن أعوج شيء في الضلع أعلاه . متفق عليه .
فهذه طبيعة خِلْقَتِها ، وأصل تركيبتها ، خُلِقت لطيفـة لتتودد إلى زوجهـا ،
وتحنو على أولادها ، وهي خُلِقت من ضلع ، وطبيعـة الضلع التقوّس لحماية التجويف
الصدري بل لحماية ملك الأعضاء ، أعني القلب ، ثم هي ضعيفـة لا تحتمل الشدائد :
( أَوَمَن يُنَشَّؤا فِي الْحِلْيَةِ وَهُوَ فِي الْخِصَامِ غَيْرُ مُبِينٍ )
وتلك حكمة بالغة أن جَعَلَ الله الشدّة في الرجال والرقـّة في النساء ، رقّة تُزين المرأة لا تعيبها ،
فقد شبهها الرسول صلى الله عليه وسلم بشفافية الزجاج الذي يؤثـّر فيه أدنى خدش ،
ويكسره السقوط ولو كان يسيراً
ها لسه حتجون وتتفلسفون
المقص جاهز هه اللي بس يقول نص حرف عن الحريم
ترا ما امزح ماعندي لعب أبد ابد
الإسلام كرمنا وحمانا
تجو انتو يابنو آدم تفسرون كلام الرسول على كيفكم
((البعض مو الكل))
الله يهديكم بس..
***********************
دحين ايش رايكم يا تماسيح بالكلام اللي فوق؟؟
راح تبطلووو تقولو دي الجُمَل؟؟
واذا لا ليش ان شاء الله؟؟
ويابنات حواء...لما يجي فليسوف زمانه ويقولنا دي الجمله ايش نرد عليه؟؟
***************************
آرائكم بالطبخة اللي فووووق..
وين دوايمة
**************************
دمتم بخير