!!!][ انا رومنسي ... بدليل اني نزلتك السوق ][!!!

[*amula_beauty*]

[align=center]


مساء النور ...



اعذروني ع الانقطاع بس موقع الدرر ماصار يفتح معايا .. << معذور زهق مني

ودحين مرات يفتح ومرات لا

الموووهم .... بما انو فتح خليني افتح معاكم دا الموضوع ...


امس كنت اكلم خالتي << نحش كالعاده ....



او بالأحرى هيا تشتكيلي من زوجها .... بس المشكله تشتكيلي قداموووو


هيا كبيره وهوا كمان كبير ... اقولو ياعمو من كبروو

ودار بيننا الحوار التالي :


خالتي : اموله يارب يسعدك ... صباحيه مباركه << زارنا خطيبي





اموله : الله يسلمك يا خاله << بخجلي المعتاد



خالتي: يابنتي ان شااااء الله زوجك بس ما يطلع زي ابو محمد اللي ما يفهم بالرومنسيه


اموله : وي يا خاله مو قدام عمو تتكلمي دا الكلام بعدين بيني وبينك





عمو ابو محمد: الله يكملك بعقلك يا اموله قوليلها انو ما يصحش كدا تنشر غسيلي



اموله:

<< ساكته

عمو ابو محمد : شوفي خالتك تقول اني مو رومنسي وانا موديها السوق ثلاااااااااااااث مرااااااااااااات


اموله : << تضحك ع الصامت


خالتي : وداني ثلاث مراااات ولا كلف على نفسو يجيبلي هديه .... يا بنت حتى اغراضي انا ادفع فلوسها



اموله : الله لا يكتبها عليا << وبيني وبين نفسي



****************************** ****

بعد دا الحوار حابه اناقشكم بدا الموضوع

انا عن نفسي اكره شي بحياتي هوا السوووووق .... ولما ابغى شي ... ما اروح مع اخواتي

لا امسك اخويا واقولو ابغى اروح للمحلين الفلانيين بس ... واسمي المحلات باسمها
ادخل السووووق داايركت عليها .... لقيت شي كان بها ..مالقيت شي مع السلامه ... لأني ادووخ من الفرفره بالسووق

واذا رحت مع اخواتي اكيد بيفحطوا فيا تفحيط



*************

نفسي انو ابو راكان ما يكون زي باقي الرجال اللي اذا نزلوا مع زوجاتهم السووووق .... الزوجه تدفع؟؟؟

ليه طيب؟؟؟ مو انتا الرجال .... انتا اللي تدفع

الراتب من حقق الزوجه



اولآ : ليه الرجال دايمآ عقدتهم هيا (السووووق) ؟

<< ما ينلامو شي يرفع الضغط


ثانيآ : هل انتا تودي زوجتك للسوق ولا تخليها تروح لوحدها ؟؟؟؟

ثالثآ: انتا اللي تدفع ولا هيا ؟؟؟


رابعآ : هل تشوفها جميله انك تودي زوجتك للسوق؟؟؟ يعني انتا متجمل كدا؟؟؟؟

خامسآ : لما تودي زوجت للسوق يعني انتا رومنسي وتفهم ؟؟؟؟؟<< يا ويلي منكم تقهروا


باختصار ايش هيا طبيعة علاقتكم بالسووووق




وبالنسبه للبنوتات ؟؟؟



تحبوا تفرفروا ؟؟؟

ولا زيي محل محدد واخرج ؟؟؟



ربي يسعدكم

يلا قولولي آرائكم


بالمناسبه ..

فيه بعض النساء الله يهديهم ... آخدين السوووق تمشيه



متى ما طفشت تنزل السوووق...وتتأخر فيه تأخير يقهر

مع احترامي لهم ... هدي الحركه هي قمة الفراغ .... واللي تسويها انسانه فارغه بنظري



والله يهدي كل مدمن

^_^

************************[/align]

[طالبة الجنة]

[align=center



خامسآ : لما تودي زوجتك للسوق يعني انتا رومنسي وتفهم ؟؟؟؟؟<< يا ويلي منكم تقهروا


[/align]

هلااااااااااااااا أمولتى كيفك يا قمر؟؟؟؟

ههههههههههههههههههههاااااااااا اااى أصلا موضوع الرومانسية دا مشطووووووووب من قواميس الرجال

يا حبيبتى مفيش رجل عنده رومانسية ،،، يمكن >> بقول يمكن

أيام الخطوبة يجى على نفسه شوية ويقول كلمتين عدليين

لكن بعد الزواج بيظهر على حقيقته

النكد ،، الغم ،، الخناق ،، رفع الضغط ،،اللا مبلاة ،، تكبير الدماغ

[align=center]
[/img]



تحبوا تفرفروا ؟؟؟

ولا زيي محل محدد واخرج ؟؟


[/align]

لا لا لااااااااااااا أكره روحة السوق جداااااا

ولو رحت ،، أروح محلات معينة وأشترى وأمشى على طول >> مالى خلق نهائيا

وعلى فكرة عندنا ،،النساء هى اللى تروح لوحدها الأسواق

والرجال ،، مكبرين مخهم على الأخر


إن شاء الله يارب " أبو راكان" يكون غير عن كل الرجال اللى ترفع الضغط

ربى يسعدك يا أمولة ويجعله لك نعم الزوج والأخ والأب .... اللهم أمييييييييييييييين

[سارونه]

احس الموضوع مايخص العزابية هااع وداخله لقافة اقرا ثرثرتك

بس شدتني كلمة الزوجة تدفع ؟؟

في اي قانون
اللي اعرفه اللي تنزل مع زوجها يدفع هو وحتى لو راحت مع اهلها تكون ماخذه التموين قبل
اللي اشوفه من اخواتي وزوجات اخواني وصاحباتي وكل اللي حولي

والله الزوج اللي يدفع اغراضها وبزرانها


الله يهنيك ويسعدك ياشيخه ويرزقك الذرية الصالحة يا رب
قررتي كل شي وكيف بتكون حياتك مو كل الرجال ابوك

ترى كل شي يتخربط وتلاقين نفسك في عالم اخر

لكن الله ينولك اللي في بالك ولا يحرمنا

[لست بكاتبة]

[align=center]وحشتينا ياوحشه............أكيد من يقرا يقول هي تعاتب من محبه ولا تخاصم
بس أمووووووووله حبيبتي من مدينتي وعارفه أسلوب هرجتنا احنا البنات
على العموم بجد وحشتيني ..
والله ياأموووووووووله وطلعتي ما تحبي السوق وانا اللى كنت أقول عنك فله
على العموم هذا صفه حلوه ..كثر الدوران بالسواق ماهو طيب
انا كمان عندي محلات معينه وخلاص كمان بجد مجمع النور ماقصر والراشد ماحبوا لكثرة الشباب فيه
أما قصة زوجك يصرف عليك وراتبك؟
اللي يقول زوجتي موظفه وماخذ من راتبها كذااااااااااااااااب
حتى لو ماخذ إلا ماتصرف في البيت أو مصروف العيال أو...أو...واهم شيء راتب الشغاله عليك هذا معروف ودستور عندنا بالمدينه
شوفي اللي تبغى زوجها يصرف عليها ماتشتغل من أصله ..
ومن واقع بحثى وتطالعي باحوال اللى عندي وإستنتاجي الشخصي
اتضح مايأتي ..حشا قعده اكتب ........
أنه اللي ماهي موظفه زوجه ماهو مقصر معاها
شغاله .. لبس بزوجات واعياد أحلا منه مافي هي وبزورتها ...خرجات وناسه مطاعم سفر
مشاء عليهم حتى بيوت ملك..اللهم لاحسد
والموظفة ..خصام هي وهو كل شهر خصوصا صباح يوم 26 ...بس دحين طلعوا رجاله يسلام سلم
يخصمها طول الشهر يوم 24 يصالحها سبحانه وقدره عليه...
بس تبغى وجهة نظري
الحياه دحين صعبه وكل شيء غالي والحرمه لازم تساعد ..وياما ناس ياأمووووله
يساعدوا بعض وحياتهم حلوه المهم الاتفاق والاتحاد وقلبنا نادي رياضي
تشكري أموووووووووله على الموضوع[/align]

[To0ofy]

أموووولة ياهووو وينك يابت..

على حكاية انه الرجال لازم يصرف على مرته وماياخد من فلوسها شي..

هادي هرجتها مفروغ منها لأنه هذا حق واجب للمرأه من قبل زوجها أوحتى ابوها أو أخوها أو ولدها..

كلا حسب قدرته استطاعته..

أما إذا كانت المرأه طلبتها ..<<<عدي واغلطي

ورجالها مايقدر عليها كلها ليش ماتاخد منه اللي يقدر يدفعه والباقي هي تسدده ..

عاد طلباتها تستاهل خليها تدفع..

وما اشوف مشكله اذا الزوجه ساعدت زوجها في المصاريف برضى منها بدون إجبار..

في النهايه دا بيتها وبيت عيالها زي ماهو بيته وبيته عياله..

هي مابتصرف عالجيران...

وحكاية لفلفت السوق إذا مو رجالها نزلها السوق من راح ينزلها <<<أكيد السواق

طيب أوكي ينزلها السواق بس ماتخاف يارجال على حرمتك على الأقل نزلها

السوق واجلس استناه بكوفي على الأقل تكون جمبها اذ احتاجت شي

وعلى نزلتي السوق انزل كل شهرين تلاته شهور مره هذا لللفله

واذا نزلت بينهم يكون بس لغرض معين لا أكثر..


جزاك الله خير يا اموووله على دا الموضوع..

تحياتي.

[SOUTHSTAR]

الله حي الثرثاره الغاليه اموله ..

تجين مثل النحله .. تلسعينا بموضوع حلو .. وتغيبين ..

وجهة نظري راح تكون من ناحيتين ..

اولا .. انا اشوف ان الرجل هو المسؤول الأول عن تلبية طلبات زوجته مهما كانت .. منزليه او غيرها .. لاني والله ماطيق زوجتي ولا امي ولا اختي تروح لغيري وانا موجود ..

لكن بصراحه .. بعض الحريم يمصخونها بالحيل .. بعض الحريم سبحان الله .. لا راحت السوق .. ماتخلي محل يشره عليها .. وما يكون براسها شي محدد .. بس تدخل وتفرفر وما كانه وراها واحد طول بعرض قاعد يمشي وراها وهو مدربي راسه .. والاخس بعد .. يوم انها هي اللي تسوي كل شي .. تفاصل البايع .. وتتكلم .. والزوج بس يشيل بهالاكياس .. كذا الواحد يطفش ونص من الاسواق ..

الشي الثاني مسألة الدفع .. هنا تعتمد على اشياء كثيره .. لكن لو انا مقتدر وعندي خير ولله الحمد .. ماراح اخلي زوجتي تدفع شي ابد .. شامل اغراضها واكسسواراتها والشغاله والذي منه .. فهذي من واجباتي كزوج وكرجل ..

لكن ان الرجل يكون مطفر .. وماحيلته الا 3 او 4 الاف يمشي فيها اموره .. ووراه فواتير وايجار وقروض .. وتجي الزوجه وتقول ابي وابي وابي وابي .. هنا لابد يكون فيه تفكير ثاني .. والزوج لابد يعود زوجته على اللي يقدر عليه .. واذا كانت هي موظفه .. تقدر هي اللي تدفع اذا كان من طيب خاطر .. ولا يكون شي مفروض عليها .. لاني بصراحه اعتبر الفرض على الزوجه مصاريف معينه تقليل من الرجوله من وجهة نظري ..

ايه كذا يالغاليه .. تعالي دايم واتحفينا بمواضيعك الجميله .. خلنا نتفلسف شوي ..

دمتم بخير ،،

[((كــــــــادي))]

[align=center]هلا // امــــــــــــــولــــــــــــ ــــة


السوق و الحريم حبايب

[align=center]
نفسي انو ابو راكان ما يكون زي باقي الرجال اللي اذا نزلوا مع زوجاتهم السووووق .... الزوجه تدفع؟؟؟

ليه طيب؟؟؟ مو انتا الرجال .... انتا اللي تدفع

الراتب من حقق الزوجه

[/align]

قمة الإحراج لمن يسألني ... معك فلوس !!

ساعتها يا استحي و اقول : معايا

او اقول : انت كريم

بس والله في حريم ما يستحوا .. تقول بكيفو خليه يدبر نفسه و يدفع .. وهي عارفة مقدرته المتواضعة

[align=center]
اولآ : ليه الرجال دايمآ عقدتهم هيا (السووووق) ؟
[/align]

اكيد ما يكره السوق إلا من طول الوقت المستقطع لطلعة السوق ..

او لأنه عارف انها ما راح تخلي ولا تبقي ... اكسسوارات على مكياج على لبس على على على

و يرجع البيت و جيوبه منفوضة

[align=center]

رابعآ : هل تشوفها جميله انك تودي زوجتك للسوق؟؟؟ يعني انتا متجمل كدا؟؟؟؟
[/align]

هذه على حسب المزاج .. إذا متعكنن او راضي

ساعتها تعرفي إذا حاسبها تجمّل او واجب.

[align=center]

تحبوا تفرفروا ؟؟؟

ولا زيي محل محدد واخرج ؟؟؟

[/align]

والله إذا بشوف ايش الجديد في السوق .. لازم افرفر

اما إذا حاجة معينه ..اروح لمحلها بسرعة و ارجع ماله داعي فرفرة

~*~*~*~*~*~*~

وبس

دمتِ بخير

[/align]

[*amula_beauty*]

[align=center]اهلين بالعسل ... طيبة القلب

[fot1]عشوقه [/fot1]
^_^

هلااااااااااااااا أمولتى كيفك يا قمر؟؟؟؟

ههههههههههههههههههههاااااااااا اااى أصلا موضوع الرومانسية دا مشطووووووووب من قواميس الرجال

يا حبيبتى مفيش رجل عنده رومانسية ،،، يمكن >> بقول يمكن

آآآآآآآآآه يا قلبي

دايمآ الزوجات بيعاانوا من شح الرومنسيه عند الزووج

مررررررررره يقرفووو

يعني ما يعرف يرضي غرورها الأنثوي بكلمه حلوه ؟؟؟

يشبع اذنها بالغزل

قهر بس قهر
<< مجننها اللي عندها .... بدون احساس

أيام الخطوبة يجى على نفسه شوية ويقول كلمتين عدليين

لكن بعد الزواج بيظهر على حقيقته

والله كويس يابنتي ع الاقل احسن من اللي ما تشووووفي منو ريق حلو الا بالمناسبات السعيده

النكد ،، الغم ،، الخناق ،، رفع الضغط ،،اللا مبلاة ،، تكبير الدماغ

يا بنتي فرستيني

بجد نكد

لا لا لااااااااااااا أكره روحة السوق جداااااا

ولو رحت ،، أروح محلات معينة وأشترى وأمشى على طول >> مالى خلق نهائيا

والله اريح شي
^_^

وعلى فكرة عندنا ،،النساء هى اللى تروح لوحدها الأسواق

عندنا وعندكم خييييييييييير

إن شاء الله يارب " أبو راكان" يكون غير عن كل الرجال اللى ترفع الضغط

ربى يسعدك يا أمولة ويجعله لك نعم الزوج والأخ والأب .... اللهم أمييييييييييييييين
__________________

آآآآآمين يارب

ويرزقك بالرجل الصالح اللي يرضي ربي ويرضيكي


ربي يسعدك حبيبتي ع الطله الحلوووه

منوره ياعسل

^_^[/align]

[*amula_beauty*]

[align=center]اهلين بالعسووله :

[fot1]سارونه[/fot1]
منوره ^_^

في اي قانون
اللي اعرفه اللي تنزل مع زوجها يدفع هو وحتى لو راحت مع اهلها تكون ماخذه التموين قبل
اللي اشوفه من اخواتي وزوجات اخواني وصاحباتي وكل اللي حولي

يا قلبي كويس انك شايفه نمااذج حلوه

بس والله فيه حريم هما اللي يدفعوا ... حتى لو راحت معاه

قمة القهر

اصلآ انا بعترف باعتراف خطير نهاية الردووود

ترقبوووووووا ^_^

الله يهنيك ويسعدك ياشيخه ويرزقك الذرية الصالحة يا رب
قررتي كل شي وكيف بتكون حياتك مو كل الرجال ابوك

ترى كل شي يتخربط وتلاقين نفسك في عالم اخر

لكن الله ينولك اللي في بالك ولا يحرمنا

آآآآآآآآمين يارب العالمين

ويرزقك اللي يرضيكي ويرضي ربك اولآ ....

ويريح بالك يا قمر

ان شاء الله نتعووود

من دحين النفسيات تعبانه ....

الله يعين بس

نورتي حبيبتي

ربي يسعدك^_^[/align]

[*amula_beauty*]

[align=center]اهلين ببنت بلااادي :

[fot1]لست بكاتبه[/fot1]
وحشتيني مرررررررررررره ^_^

وحشتينا ياوحشه............أكيد من يقرا يقول هي تعاتب من محبه ولا تخاصم
بس أمووووووووله حبيبتي من مدينتي وعارفه أسلوب هرجتنا احنا البنات
على العموم بجد وحشتيني

وي ياقلبي ... اكيد فاهمين بعض

والله ياأموووووووووله وطلعتي ما تحبي السوق وانا اللى كنت أقول عنك فله
على العموم هذا صفه حلوه ..كثر الدوران بالسواق ماهو طيب

ههههههههههههههه

تجنني ... بالله شكلي حقة فله؟؟؟؟

والله مو برااااسي .... من البيت للجامعه .... وزيارات عائليه بس

بس بجد الفرفره بالسوووق مو طيبه ... شريره

اللي يقول زوجتي موظفه وماخذ من راتبها كذااااااااااااااااب

للأسف معاكِ حق

المعظم يآخد من راتب زوجتو سواء برضاها او غصبآ عنها

أنه اللي ماهي موظفه زوجه ماهو مقصر معاها
شغاله .. لبس بزوجات واعياد أحلا منه مافي هي وبزورتها ...خرجات وناسه مطاعم سفر
مشاء عليهم حتى بيوت ملك..اللهم لاحسد

والله صادقه وماشاء الله على اللي كدا

عشان كدا ما ابغى اتوظف ... ابغى ادرس الين تمل الدراسه من وجهي ^_^

وخليه يكرف

واحس بأنوثتي بقاااااااااااااا

الحياه دحين صعبه وكل شيء غالي والحرمه لازم تساعد ..وياما ناس ياأمووووله
يساعدوا بعض وحياتهم حلوه المهم الاتفاق والاتحاد وقلبنا نادي رياضي
تشكري أموووووووووله على الموضوع

معاكِ حق كمان

لازم يتفقووو

بس هوا كمان يستحي مو يآخد وجه وخلااااص يعتبرني مسؤوله زيي زيووو
المسؤوليه الاولى والاخيره عليه لوحدوو


ربي يسعدك يا حلوه ع الطله الحلوووه

كعادتك تجنني بردوودك ^_^[/align]

[*amula_beauty*]

[align=center]العسل الطيوووبه :


[fot1]توووفي [/fot1]


وحشتيني ... زمااااااااااان عنك

أموووولة ياهووو وينك يابت

انتي اللي فينك؟؟؟؟

انا الدرر صارت تفتح معايا بمزاجها ...

وما اشوف مشكله اذا الزوجه ساعدت زوجها في المصاريف برضى منها بدون إجبار..

برضاها ... بس مو مسؤوليتها

البيت بيتو هوا

في النهايه دا بيتها وبيت عيالها زي ماهو بيته وبيته عياله..

هي مابتصرف عالجيران...

كلام منطقي

بس انا ما يرضيني ... انو اصرف من عندي ... بينما هوا عندو قدره يصرف ..

ومخلي فلوسو للوناسه

والطلعات

يا قلبي خليه منتف احسن

لا ينحرف
ما تآمني للرجال

اشرار << مو كلهم اكيد

وحكاية لفلفت السوق إذا مو رجالها نزلها السوق من راح ينزلها <<<أكيد السواق

طيب أوكي ينزلها السواق بس ماتخاف يارجال على حرمتك على الأقل نزلها

السوق واجلس استناه بكوفي على الأقل تكون جمبها اذ احتاجت شي

اكتر شي اكرهووو ... الرجال اللي ما ينزل السوق مع زوجتو

شي يقرف

مو حلو كدا ...

ولا ارضى يستناني بكوفي

يلف معايا

ايش يضمنني انا ؟؟؟؟

ترا بنات الاسواق شي تاااااااااني

الله يكفينا شرهم


ربي يسعدك يا قلبي ع المداخله الحلوه

واكيد مو غريبه على توفي ^_^[/align]

[*amula_beauty*]

[align=center]الغالي العزيز :

[fot1]ســُهيل [/fot1]

الله حي الثرثاره الغاليه اموله ..

الله يحييك ويديمك ^_^

تجين مثل النحله .. تلسعينا بموضوع حلو .. وتغيبين ..

يا سلااام عليك


تشبيه بليغ

اولا .. انا اشوف ان الرجل هو المسؤول الأول عن تلبية طلبات زوجته مهما كانت .. منزليه او غيرها .. لاني والله ماطيق زوجتي ولا امي ولا اختي تروح لغيري وانا موجود

لك تؤبرني شووو رجااااااااال

لكن بصراحه .. بعض الحريم يمصخونها بالحيل .. بعض الحريم سبحان الله .. لا راحت السوق .. ماتخلي محل يشره عليها .. وما يكون براسها شي محدد .. بس تدخل وتفرفر وما كانه وراها واحد طول بعرض قاعد يمشي وراها وهو مدربي راسه .. والاخس بعد .. يوم انها هي اللي تسوي كل شي .. تفاصل البايع .. وتتكلم .. والزوج بس يشيل بهالاكياس .. كذا الواحد يطفش ونص من الاسواق ..

اي والله قمة التوتر


يارب زوجتك ما تصير منهم << بقلبي يارب تصير زي كدا وتتعبك

لكن ان الرجل يكون مطفر .. وماحيلته الا 3 او 4 الاف يمشي فيها اموره .. ووراه فواتير وايجار وقروض .. وتجي الزوجه وتقول ابي وابي وابي وابي .. هنا لابد يكون فيه تفكير ثاني .. والزوج لابد يعود زوجته على اللي يقدر عليه .. واذا كانت هي موظفه .. تقدر هي اللي تدفع اذا كان من طيب خاطر .. ولا يكون شي مفروض عليها .. لاني بصراحه اعتبر الفرض على الزوجه مصاريف معينه تقليل من الرجوله من وجهة نظري ..

مو مفروووض عليها تدفع هلله


الا لو كان غير مقتدر تساعدوو
بس مو يآخدها حلاااا


وشوووف وجهة نظري بنهاية الردوود

^_^


ربي يسعدك ع الطله اللي تفرح قلبي

ايه كذا يالغاليه .. تعالي دايم واتحفينا بمواضيعك الجميله .. خلنا نتفلسف شوي ..

خجلتني والله

بس من عيوني كل ما فتحت الدرر بطفشكم ^_^[/align]

[*amula_beauty*]

[align=center]اهلين بمشرفتنا القمر :


[fot1]كــــــــــادي[/fot1]
شوحتيني على وزن وحشتيني ^_^

قمة الإحراج لمن يسألني ... معك فلوس !!

ساعتها يا استحي و اقول : معايا

منجد احراج

يلا دبريني .... لو مو موظفه بالله من فين لي فلوووووس؟؟؟؟؟


انا الحمدلله اهلي بيرسلولي مصروووفي حتى بعد ما اتزوج


منعآ للاحراج

يا شيخه لو 500 ريال شهريآآآ

ولا دا الاحراج

اصلآ اخجل اقولو اعطيني

والله إذا بشوف ايش الجديد في السوق .. لازم افرفر

اما إذا حاجة معينه ..اروح لمحلها بسرعة و ارجع ماله داعي فرفرة

كلام جمييييييييل


يعجبني عقلك يا كادي


ماشاء الله تبارك الله ... يا بخت زوجك ^_^

يبغالي اخد دوره عندك


ربي يسعدك يا قمر

نورتيني

واسعدتيني[/align]

[*amula_beauty*]

[align=center]وجـــــــــــهـــــــــة نظر



فيه وجهة نظر مقبووووله جدآآآ بالنسبه ليا

امس سمعتها من وحده واقتنعت بيها ^_^

الزوجه مو مطلوووب منها تسوي اكتر من اللي تسويه ببيت اهلها


لأن خدمة الزوج مو واجبه عليهاا...

اجتهاد من الزوجه فقط

والمرأه للفراش....

<< مو معناتووو اني مررررررررره مستانسه بس حشتغل ببيت زوجي شغلات اقدر عليها


وما عجبتني حكاية (انها للفراش فقط ) لأن فيها تنقيص من كيان المرأه واحنا مو جواري

طبعآ من مصادر واحاديث ما جبت شي من عندي

يعني اكيد ما تدفع ..
ولا تخدم
ولا تغسل

ولا تطبخ

الا اجتهادآ وكرمآ منها


وتؤجر عليها ان شاء الله


اعذرووني .... كلام مخجل


ولكنه الصحيح

ربي يسعدكم

^_^

[/align]

[SOUTHSTAR]

[align=center]

[align=center]وجـــــــــــهـــــــــة نظر



فيه وجهة نظر مقبووووله جدآآآ بالنسبه ليا

الزوجه مو مطلوووب منها تسوي اكتر من اللي تسويه ببيت اهلها


لأن خدمة الزوج مو واجبه عليهاا...

اجتهاد من الزوجه فقط

والمرأه للفراش....


طبعآ من مصادر واحاديث ما جبت شي من عندي

يعني اكيد ما تدفع ..
ولا تخدم
ولا تغسل

ولا تطبخ

الا اجتهادآ وكرمآ منها


وتؤجر عليها ان شاء الله


اعذرووني .... كلام مخجل


ولكنه الصحيح

ربي يسعدكم

^_^

[/align]

امل فيه شوية تحفظات على ردك .. شكلك الله العالم ماخذه برأي الشناقطه بالمدينه .. لانهم بالفعل المراه عندهم ما تسوي ولا شي .. الرجل هو اللي يطبخ وينفخ ويجيب الاغراض وكل شي ..

لكن مقولة المراه للفراش فقط ما حبيتها منك ..

صحيح ان الرجل بعض الاحيان ملزم انه يوفر للبنت اللي متعوده عليه في بيت اهلها .. لكن الزواج اعتبره شي اكبر من كذا ..

الزواج يالغاليه مشاركه بالحلوه والمره .. تعاون وتعاضد .. الرجل يوفر للمراه ماتحتاجه حبا لها وسعي لاسعادها .. والمراه تلبي طلبات الزوج حبا له ايضا .. واذا كانت المراه للفراش فقط .. صدقيني هالفراش راح يتحول الى مجرد فعل روتيني بغيض ..

ما اقول ان المراه ملزومه ومفروض عليها هالاشياء .. لانها اذا جت بالغصب .. فماراح يكون لها طعم .. لكن لانحط براسنا ان المراه لهالشي فقط .. ولنكن على طبيعتنا ..[/align]