كل مرة اقرا مواضيع مثل كذا احس اننا خارج التكوين
وبنفس الوقت احمد ربي على امي وتربيتها يا ربي لك الحمد

عشان كذا بأقول لك
مايسلك الا هالنوعية مع الرجال
ومايحبون الا هالنوعية مو حب بس تقدير وتقديس وكل شيء يتلبى
اللي توريهم جميع أنواع الفطريات والكسل ونفشة الكشة والأخلاق المخيسة << من نوم النهار طبعا خخخخخخخخخ

مانشوف سالكة وحياتها زي الفل الا اللي كذا
كل يومين تقط اغراض البيت من الوسخ ويغير لها اثاث
بناتها مقملات ولهم وللبيت ريحة ممييزة عطور تخصهم بس هع اجل ريح بخور !!
لدرجة اني اعرف حرمة ماتغسل الملابس وتقط الملابس لما تتوسخ وتشتري غيرها
وهي عند زوجها الملك المقدس !! وترك أمه عشانها

حظ الملايح فوق الصفايح وحظ القبايح بأعلى السماء لايح << مثل قديم

والدليل شوف المتزوجين الان
البنات مايعرفون يطبخون طبعا غلط من الام
الرجال يجيب حلول
مطعم \ اهله \ اهلها \ نواشف وبس
ليه مايخليها تجيب الحلول هي من داخل البيت وتعتمد على نفسها

باختصار كان اول الرجال يهتم بخارج البيت والبيت مسؤولية الزوجة
الحين الزوج مهتم بكل شي داخل وخارج بمساعدة الشغالة طبعا لو موجودة
فيتزوج الشغالة اوفر له


زمان أول بعد فيه الجيدة والدعلة
ومنطبق عليهن الوضع أحد تشم ريح قهوة وهبة ريح وأحد تشم ريح خماج ولبن مصيخ
الجيدة مهانة والدعلة متكرمة
فلاتغيرون وضع الحريم ويعنسون البنات وتتسبب ياأبوفهد
لانه بجد مايسلك الا هالنوعية وأكثر من حالة شفناها كذا


لاأحد يسوي منتقد والكل مايعجبهم الوضع اللي يشوفه من الحريم الان

واللي بيقرا ردي يفر له فرة باللي حواليه
جارات
اهل
جماعة
ويشوف
يلاقي نماذج بنت العز للي ماتدل أغراض المطبخ بأي درج
واللي كافيته بكل شي ومدبرة حالها بالعربي مالها قدر

فخلوكم يابنات وسخين ونايمين ومريحين واكتشفوا لنا فطر جديد أسفل مجلى المطبخ
ومعلومة طبية ترى ولد الوسخة هههههههههه أصح صحيا من اللي تمسح وجهه طالع نازل



وسلامتكم
الله ينومكم بالهنا والعافية