سلام عليكم ورحمة الله وبركاته ...
الثلاثاء قرررت ادخل المطبخ
وأقوم بطبخ للغداء لأول مرة في تاريخي الحديث والقديم ...
صراحة شعور لايوصف ..
حسيت اني طباخة زي ماما تمام >>عاد صدقت نفسها
يالله طلعت الدياية اقصد الدجاجة شرايح الدجاجة المجمدة
وووووجبت البصل بكاني لمن قلت امين
اشتغل العقل اخيرا حطيته في الفرامة
وماما طبعا تركتلي المطبخ وراحت عند التلفزيون
بدأت بتجهيز الشوربة كل شئ تمام حطيت الدجاجة المقطع في القدر
ومعه بصل وزيت شوية سودنا البصل شويتين
ماما نحط موية للشوربة اجل كيف يابنتي تصير شربة
اكيد حطي موية <<<الله يستر من هالبنت وش راح تغدينا
خلاص حطيت موية وكل البهارات اللي عندي حطيتها
وهاتلك تقليب عشان يتمزج الموية وحطيت قشطة يميمي وبسرررعة
قلبتوووووووو عشان ماتكلكع عليا
طفيت من تحتها وصبيتها في الزبدية وبالهناء والعافية
نجي دحين عند المكرونة
هي بالاصل كانت باشميل لاكان عرق الكسل نبض فتحولت لمكرونة
عادية
خلطت طماطم وفرمت بصل وكشنتهم صاروا معجون طماط
المهم مقادير المكرونة العادية اللهم اللي زوت عليها
حطيت لها صلصة الباشميل
ومكونة من :
3ملاعق دقيق
وماء طبعا
و4ملاعق كبار جبن سايل
وكوب حليب سائل
واخلطيهم بالخلاط الكهربائي
وبعدين حطيهم على نار هادئة لمن تصير غليظة ..
وبعدين كبيها على المكرونة الاصلية وفوقها معجون الطماطم
طعم رهيب مافي منه ..
والاحلى انها مني
والاجمل انو ماما فرحاااااااااانة بنتها كبرت صارت تطبخ
لكن المطبخ انقلب راسا على عقب
ماخليت معلقة وكاسة ولاصحن ولاقدر ولاشوكة ولاشئ الاوسخته <<<شغالتنا كرهتني قالت ويييييييييين صدى (رحاب)
المهم انا صرت اسعد من سعيدان
فرحانة بطبخ وسوسو ماهي مصدقة اني طبختلهم
راحت تعلم بابا ايش اكلتهم وبابا بدوره كفأني بيشتريلي جهاز جديد
وانا قررت اطبخ كل يوم عشان احصل على جوائز