نساء فوق القانون

[الملقوف]

سلام .

سلام ...

مساكم الله بالخير جميعا ..

الموضوع مهو غريب ويمكن الكثير شاهدو نفس المشاهدة اللي شفتها امس ...

امس كنت طالع البر وقبل البر بكم كيلو وقفت في اطراف الديرة عند بقالة انا اعتبرها في موقع

مأهول يعني مهو مكان نائي عن البلد .. وانا اشوف ذاك المشهد اللي صراحة للحين اذا ذكرته

ضحكت عليه ...

عجوز مطلعة يدها من نافذة السيارة وتشوف العروق في يدها كنها كوابل كهرب ..

طاقة البرقع .. ومسدلة هالرموش اللي ما فيها ولا شعرة .. ولابسة المقطع العنابي المنقط

بحبات الثلج ( مقطع = فستان عجايز ) ...

راكبة في ذيك السيارة الدادسن الونيت واعتقد انها السيارة اللي مرة على سيدنا يوسف .. حاولت

اتعرف على موديل السيارة عجزت ..

ضاربة بكل القوانين والاعرف عرض الحائط وهي تسوق سيارتها الخاصة بي ام دادسن 79 ..

في شارع مأهول بالسيارات والناس والكثير شاهد نفس المشهد .. حتى اني سألت صاحب البقالة

عنها .. قال هذي ماما ....... شرطة ما يقدر يسوي لها شي !!!!!!! والله غريب ....

** ** ** ** ** **

الزبدة والخلاصة . واللي علشانة كتبت هالموضوع .. تتمثل في اعتقاد من زمان انا مؤمن به ومسلّم ..

النساء اجرأ من الرجال واشجع منهم واقوى منهم في تطبيق قاعدة خالف تعرف .. وتطبيق قانون كل ممنوع

مرغوب وتطبيق قانون اذا غاب البس العب يا فار .. ومخالفة أي عرف وقانون دون ادنى حد من المسؤلية

..

[*نجـ سهيل ـم*]

مساء الخير ملقوف .

كيفك حبيبي ..

بصراحة الموقف جداً مضحك ..

لا وعاد هي مستعرضه بالدتسن .. ومطلع يداتها المكهربه .

لا وعاد لو قامت تسحب لها كم بريك ..

وتخمس .. وتجدع ..

والله إني خايف إنها رمت لك الرقم .. طييييييييييييييييييييييييب

[الملقوف]

سلام .

صباح الخير ...

حياك الله اخوي نجم سهيل ...

اي رقم واي بطيخ ...

والله لو ترمي دفتر العائلة هذي .. :moh:

يالله الله يحسن لها الخاتمة

[BackShadow]

هلا ملاقيفوا حبيبي


اقول الله يستر علينا بس

لا تستغرب اي شي حبيبي ...

الحريم دايم فوق القانون ... احنا اتعودنا على كذا

وبعدين مصدقات على طول ..

يعني لو اتلابشت انت ووحدة لا تعتقد انهم بيصدقونك لو حلفت ميت يمين

اما هي يكفي دمعهه وحده تنزل منها .


مع تحياتي

[* الـمـنـتـظـر *]

هلا ملقوووف .. انا شفت مثل هالمشهد مره وانا جاي من الرياض

بالسيارة .. شفت مشهد مقارب بالرويضه ..

بس حاجات صح ;) مهي بعجوز ..

وأقول شئ ولا تقول لأحد .. أتسابقنا في الخط ..

سبقتني




سلاااااااام

[هنو]

مساء الخير ملقوف
أهم شي إنه فيها حيل تأشر بأصابع يدها
وبعدين وش فيها لو ساقت؟!!
هاذي بايعتها يعني مالقيتوا تحدسون إلا كسرة عجيز؟
أنا أقول أهم شي الأخلاق والمقطع المنقط;) المسيكينة معرضة نفسها للتهلكة وبالأخير تلقى ها التعليق
أنا أدفع الي وراي وقدامي وأشوفها وهي ماسكة الدركسون بيدها اليمين و مسندة كوعها اليسار على الشباك ومميلة مراية الوانيت ومشغلة سعد جمعة
الله يحسن الخاتمة مانيب قايلة شي
لا يفوتكم بعد ما حشيت في الي خلفوا المسكينة قاعدة أدعي

[aljenny]

هلا ملقوف ..

صادق يبوي .. أنت صادق <-- (لاتصدق إني صدقتك ! بس عشان معك عائله بنقول صدقناك)


حتى ونا مره جاي مع طريق القصيم مر من جنبي قارب شراعي تسوقه بنت ولا صدقت (زيك أول مره) ولحقتها يوم وقفتني هي !

قالت : يالأخو .. أنت ياهيييه

قلت : سمّي يالعيون إللي تصيب وماتسمّي

قالت : ياجعل عيونك تفضخ بلى .. إلا ماعينت لي أرض مسوره للبيع ؟

قلت (كنت أستخدم لكنة أصحاب العقارات) : إلا عينت وحده على بند 105 بخخخخخ

قالت : أبووووووكم يالحضران ! .. أنا أقول ماشفت لي أرض مسوره يالماخوذ

قلت : آآآآآآه أوكي مدام .. إلا بس إنتي تبغينها للإستخدام الآدمي وإلا الأهل جايين يقضوا كم يوم في الرياض وحابين تعملوا رحله خاصه ؟

قالت : بخخخخخخخ ! لا .. أنا أبغاها مسوره عشان أضرب بعرض حائطها جميع الأعراف والقوانين


بالله ماجريتك يالملقوف تحسب وراي سنع ؟؟

أهنيك يبوحميد على هالموضوع الرائع .. أحلى مافيه إنخفاض منسوب غلطات الضاد إلى 2 بوصه عن مستوى سطح البر

إلا بالله لو جتك بنت سمها ضاد .. إييييييييه ياضاد بنت حمد آل ملقوف

[Sami96SA]

مساء الخير

هلا .. هلا بكبير الملاقيف

أنا بصراحه ماني شايف لا نساء ولا قانون صارو فوقه.

كل الحكايه .. أصل الحكايه ان دي العجوز حبت تثبت شي واحد بس وهو أنه مهما تقدم بهن العمر أرذله فسيظلون أصحاب كيد عظيم.

وإلا وش تفسر خروج يدها أم العروق من الدريشه!!!

مو عشان تفتن فيك وتخربك وتجرجر فيك إلى أيام المراهقه.

الله يصلحنا قبلهن.


حبيت أرد على موضوعك لأني من زمان ما رديت عليك في أي موضوع .. وحبيت بعد أقول للجني .. بسك .. بسك .. من وين تجيب هالكلام؟؟

الله يذكرك بالخير يا قيصر .. هذا وقته الحين يشوف وش انت كاتب.

--------------------

سامي

[الملقوف]

سلام

مساكم الله بالخير ..

حياك الله اخوي الظل والله لاني مستغرب ولا شي بس الله يستر

لا يجي شي اكثر من كذا والله الحريم هالوقت يخوفون ..

حياك الله المنتظر حبيبي ... والله مهي اول مره اشوف هالمشاهد

خصوصا اللي يروح البر دايم وزين اذا سبقتك بلاك اللي فحطت عليه

. حيالله هنو ... انتي لو شايفتها وهي تبي تلف بالدركسون

عضت برقعها ومسكت الدركسون بيديها ورجولها وبغت تطلع

روحها بس في لفه ... هذي لو تغرز والا تبنشر وش تسوي !!!!

الله يستر بعد ماتنام وهي تسوق ...

هلا بك يالجني .. يا خي لو مره بس حسسني انك صادق

حتى انا احس اني ماني صادق ...

وابشرك الضاد وخويتها ام عصا بتركها بكتب كل مواظضيعي

من دونها .. وش شفت عاد منها قال لغة الضاء مدري الضاد.... :moh:

والبنت اذا جت بأذن في اذنها وبقيم وبصلي

وليتنا نسلم منكم يا لجنانيا ..

مساك الله بالخير اخوي سامي ...

هالعجوز لوني شايفها ايام المراهقة كان تلقاني اما مسجد الحين

استغفر الله ..

[الشيهانة]

ملقيفو..

اقصر الشر وخل الحرمة تشوف اكل عيشها


ابي افهم انت شحارق رزك


ادعمتك

داست على طرفك

ادعمت احد من الماره حلوة الماره



ولا تكون عاجبتك وحاط عينك عليها وماعطتك وجه وانقهرت عليها:bhrt:
معليش هذي الدنيا ماتنول كل الي تبيه





سلااااام وحته

[الملقوف]

سلام

صباح الخير وبعد شوي يكون مساء الخير ...

حيالله الشيهانة ..

قبل ارد بقول .... :moh: :moh: :moh: :moh:

وانتي الحين معينة مديرة شؤون خلق الله

والا المحامي الرسمي عن الحريم ؟؟؟

والله انا شايف مهو الرز اللي احترق حتى القدر اللي فيه رزك

ذاب ...

ولا يقهر الا بعض الناس اللي شايفه كل الرجال يطيحون عند الحريم

اقول يا عمة ترا انقلبت السالفة والحريم الحين شعارهم تزوج وحده

تحصل على الثانية مجانا .. الحين الرجال اللي الله يفكهم

من الحريم ..

قالت عاجبتني !!! :moh: