قصيدة لأحد مروجي المخدرات

[نبضة الخير]

قصيدة لأحد مروجي الخدرات الذين تم قصاصهم





[ALIGN=CENTER]أخاف ان الموضوع قديم شوي بس قريت القصيدة واعجبتني وحطيتها علشان تشوفونها


سمعت قصة واحد بالسجوني
..........يقول انا للذبح بالسيف هايب
يقول افضل بالرصاص اقتلوني
..........والعين من دونه تحول النصايب
لعل بعض الناس ما يعرفوني
..........ودي لو التنفيذ والنور غايب
انتم عرفتم قصتي وارحموني
..........اخشى على ابويه تطول المعايب
لو يعرف اني مروج للفيوني
..........واني لشره لاهل الاسلام جايب
ومدمن حشيش ومثقلن بالديوني
..........يدعي علي وادعاه لاشك صايب
ولاتخبرون اللي بطبعه حنوني
..........الوالدة تكثر عليها المصايب
اخاف لادريت يصيبها جنوني
..........وتصير معتاله على راس شايب
من ضاع عقله ماتفيد العيوني
..........والعقل من رب الخلايق وهايب
واللي جرحني وزاد في الطعوني
..........قلبي عليه من اول العام ذايب
جماعتي من لبنتي قاطعوني
..........وكيف الفتي ينساه حتى القرايب
كله سبايب شلة دهوروني
..........وصار الثمن راسي عليه النصايب
حسبي عليهم شلة ضيعوني
..........الموت حان وشد يمي كايب
ومشيت في درب السراب مغبوني
..........والعقل في درب المهاميل سايب
الله يرميهم مثل ما رموني
..........موت المهونة شلتي به سبايب
ما طعت يوم الطيبين انصحوني
..........ولاينصح الانسان غير الحبايب
يالله وامرك بين كاف ونوني
..........خلقتني مابين صلب وترايب
عوض علي دنياي واحسن ظنوني
..........واغفر لمن قلبه عن الشين تايب
ياللي حضرتم مقتلي سامحوني
..........هذي نهاية قصتي بالسبايب
==========================

لاحول ولاقوة الا بالله
لعن الله المخدرات ومصنعيها ومروجيها وشفى الله من ابتلى بها \

$نبضة الحب$
والله يهدي من طاح فيها ويصلحه ان شاء الله [/ALIGN]

[سعد الجريسي]

نبضة الحب ..

القصيدة جميلة ..
عبر صاحبها عن المأساة الحقيقية لضحايا المخدرات بطريقة رائعه
شكرا لك اختي

اخوكم : سعد الجريسي

[نفسي عزيزه]

مشكووووووووورة أختي على
القصيدة الجميلة

تحياتي