مساء الانوار
سلام يا حلوين ====> جبر الخواطر على الله ;)
كيفكم ان شاء الله تمام ...
لمتابعين تتنيحات الجزء الاول هدا هو الجزء التاني
ترى كلها حقيقة و الدعوات مطلوبة
المهم
هدا الشيء حدث اليوم ..
بعد يوم مرهق في الكلية رجعت البيت و كانت الساعة تلاتة تقريبا
ما علينا دخلت غرفتي عشان بدي أنام .. و انا كل تفكيري الجوال و
نتائج الاضراب
المهم هو انا نمت او نمت و لمن دخل بابا قمت .. دخل بابا و قلي
اسراء كيف كان امتحانك ؟؟ قلت بابا مو مهم الامتحان في شيء اهم
تعال اقلك هو .. مسكين يا حياتي يا بابا مرة اتفجع . . و جا قعد
جمبي و قال ها خير يا بنتي ايش فيه ؟؟
رحت قلتله : بابا ايش هيا الكلمة السرية اللي الواحد يقولها قبل ما ينام !!!!!!!!!!!!!!!!
و قعدت ابكي الا بابا لازم في كلمة سرية
قلي خلاص الكلمة السرية هيا 1 2 3
رحت قلت : بابا طيب لو طلعت الكلمة السرية غلط و قفل و قعدت نايمة طول عمري؟؟؟
ساعتها بس بابا ما قدر يتحمل اكتر : وقال يا فرج الله ابرك ساعة
عادي جدا ...
الاسبوع الماضي اتصلت عليا خالتي و كنت يومتها سهرانة ازاكر
المهم .. اسراء كيفك ايش خبارك .. و كلام من دا . و انا ارد مرة عادي
الا فجأة قلتلها خالتي تسمعيني ؟؟
قالت : ايوة ايوة اسمعك واضح الصوت
قلت : سبحان الله مع اني مو قاعده اتكلم هدا و انا ساكته قاعده
تسمعيني كيف لو اتكلمت ؟؟
قالت : اسراء فيكي شيء ؟؟
قلت : لا بس مرة مستغربة الواحد كيف سار يقدر يتكلم و الناس
تسمعه و هو ساكت عالم غريب كل شيء سار فيه يسير
و الله ما اتزكر متى بس قريب كنت بايتة في بيت سيدي .. المهم كنا
سهرانين انا و اخويا و خالتي و خيلاني قاعدين نتفرج على فيلم
===> للدقة بٍس (Don't say a word)
و مطفيين الانوار و مرة خاشين جو مع الفيلم .. الا و الله شويه في نص
الفليم قام خالي يدور على ولاعته و طبعا الدنيا ضلام فمسكين قاعد
حايس يدور في الضلمة على و لاعته
و يسال في احد شاف ولاعتي ؟؟
و بكل برود ارد : خالي طيب بلا ذكاء و لع الولاعة و بنورها دور على
ولاعتك :cool:
اخر موقف بس مو انا اللي لوحدي كنت متنحة
كان علينا امتحان Math
رياضيات .. الا هنو تتصل
اسراء عرفتي تحلي المسالة ؟؟
لا و الله قاعده احلها
طيب تعالي نحلها سوى
طيب اوكي
و بدينا نحل
المهم
جا في وسط الحل 4-10
ها اسراء كم يساوي ؟؟
عادي هناء نضع اشارة الاكبر و نطرح يعني يطلع 6
لا اسراء ما يسير كيف حطي اربعة على اصابعك ما تقدري تطرحي منها 10
=============>
اللللللللللللللللللللللللللللل للللله يفشلك يا هناء قال بنات في الجامعة قال .
رحت انا مسكينة مرة صدقتها قلت ايوة صح ما يسير
و ليومكم المسالة ما انحلت ................
ضاعت بطاقتي الجامعية .. طبعا ممنوع اني ادخل اي امتحان من دون
بطاقة جامعية .. قلبت البيت فوق تحت عشان ادور على البطاقة و لا
لقيتها .. قلت خلاص بكرة اروح اسوي وحده جديده .. و طبعا لازم
ندفع 100 ريال .. المهم و هيا قاعده تسويلي البطاقة اقول يا ربي
في شيء ابغى اقلها هو في شيء في شيء بس مني قادرة اتكر
بعد ما طلعت من عندها اتزكرت انو ماما قالتلي انها لقتلي البطاقة
فما يحتاج اسوي وحده جديده
المهم ترى هدي مو تناحه واحد الله يطول في عمره قلي يمكن من كتر انا مو زكية قاعده افكر بطريقة غريبة محد يفهمها يعني مو تناحه ;)
المهم ...
احلى شيء انو ماما مسافرة و خلتني مع اخواني الصغار
الاخت الكبيرة ^-^
و اااااااااااااااااااااااااااااا ااااااااااه على اخت كبيرة
يا بختك المايل يا اسراء محد راضي يسمع كلامي لا اخواني
و لا حتى الشغالات الله اكبر دايرين على حل شعرهم و انا حايسة
===> ميري حسيت بشعروك و ربي
اتخيلوا ايش سوا اخواني ؟؟؟
خلعوا الستارة اللي ماما قعدت سنة تختارها و قلبوها فستان
فقعوا جالون الحليب جوة التلاجة
و بعدين في في المطلخ دولاب حق الحلاويات و خرابيط زي كده
المهم دخلوا اخواني و ما اعرف كيف كسروا الدولاب في وسط المطبخ
باللهي انا ايش اسوي !!!!!!!!!!!!!!!!!!!!!!!!!!!!!! !!
و اللي قاهرني انو الخدامات مهم راضيين يسمعوا كلامي ابدا
يقولولي احنا بس نسمع كلام مدام
خفت بابا يجي في الليل و يلقى البيت حايس قلت لا كده انا
ح تلطش .. قعدت ارتب البيت انا بنفسي و اصلح ما افسده الزمان
باللهي مو احزن ؟؟؟؟
ردود بايخة و شماته مااا ابغى اوكي ؟؟؟؟؟
عندكم حل ؟؟
سلاااااااااااااااااااااااااااا ام
