- الإهدائات >> ابوفهد الي : كل عام وانتم الي الله اقرب وعن النار ابعد شهركم مبارك تقبل الله منا ومنكم الصيام والقيام وصالح الأعمال والله لكم وحشه ومن القلب دعوة صادقة أن يحفظكم ويسعدكم اينما كنتم ابوفهد الي : ابشركم انه سيتم الإبقاء على الدرر مفتوحة ولن تغلق إن شاء الله اتمنى تواجد من يستطيع التواجد وطرح مواضيع ولو للقرأة دون مشاركات مثل خواطر او معلومات عامة او تحقيقات وتقارير إعلامية الجوري الي I miss you all : اتمنى من الله ان يكون جميع في افضل حال وفي إتم صحه وعافية ابوفهد الي الجوري : تم ارسال كلمة السر اليك ابوفهد الي نبض العلم : تم ارسال كلمة السر لك ابوفهد الي : تم ارسال كلمات سر جديدة لكما امل ان اراكم هنا ابوفهد الي الأحبة : *نجـ سهيل ـم*, ألنشمي, ملك العالم, أحمد السعيد, BackShadow, الأصيـــــــــل, الدعم الفني*, الوفيه, القلب الدافىء, الكونكورد, ايفا مون, حياتي ألم, جنان نور .... ربي يسعدكم بالدارين كما اسعدتمني بتواجدكم واملى بالله أن يحضر البقية ابوفهد الي : من يريد التواصل معى شخصيا يرسل رسالة على ايميل الدرر سوف تصلني ابوفهد الي : اهلا بكم من جديد في واحتكم الغالية اتمنى زيارة الجميع للواحة ومن يريد شياء منها يحمله لديه لانها ستغلق بعد عام كما هو في الإعلان اتمنى ان الجميع بخير ملك العالم الي : السلام عليكم اسعد الله جميع اوقاتكم بكل خير ..
إضافه إهداء  

آخـــر الــمــواضــيــع

صفحة 2 من 4 الأولىالأولى 1234 الأخيرةالأخيرة
النتائج 16 إلى 30 من 56

الموضوع: ][ بيـ‘ّــت الشعـــ‘ّــر .. فنجــ‘ّــال .. وعلــ‘ّــوم رجــ‘ّـــال][

  1. #16
    الصورة الرمزية ((كــــــــادي))
    تاريخ التسجيل : Mar 2002
    رقم العضوية : 80
    الاقامة : نكهة مميزة
    المشاركات : 5,604
    هواياتى : القراءة ،، اشياء اخرى :)
    My SMS : كلكم احبابي و نظر عيني :)
    MMS :
    إم إم إس
    mms-77
    الحالة غير متصل
    معدل تقييم المستوى : 1213
    Array



    هلا // southstar


    خلاص انا بسميك من اليوم و طالع ..


    ~ الـراوي ~


    بس حرام تحط الموضوع دا هنا !!

    يحتاج منك جهد و وقت وفي الآخر ما تطلع بولا مشاركة محسوبة <<< شكلك مافهمت

    طيب افهمك ..

    في قسم التجارب و قسم الترفيه المشاركات ما تتحسب ... العداد معطل

    ايش رايك ننقل لك موضوعك في قسم الأدب العربي ..

    و امريكا و بلاويها تفتح لها موضوع تاني وننقلك المشاركة الخاصة بها فيه .!؟

    ~*~*~*~*~

    دمت بخير

  2. #17
    الصورة الرمزية SOUTHSTAR
    تاريخ التسجيل : Mar 2009
    رقم العضوية : 53213
    الاقامة : ماليزيا .. حاليا ..
    المشاركات : 336
    هواياتى : القراءة .. والشعر الشعبي
    MMS :
    الحالة غير متصل
    معدل تقييم المستوى : 104
    Array



    [align=center]




    صبحكم الله بالخير والمسرات ..

    اليوم باذكر لكم قصه فيها شيء من الطرافه والحكمه .. صارت للشيخ راكان بن حثلين العجمي .. وهو شيخ وشاعر معروف .. ولد في عام 1814 م .. وتوفي عام 1892 م .. الشيخ راكان أشهر من نار على علم .. ومعروف بالشجاعه والحكمه والفروسيه .. والشعر أيضا ..

    هالسالفه صارت للشيخ راكان .. في آخر أيامه .. يوم بلغ فيه العمر مابلغ .. والشيب تمكن منه ومن معالم شكله ..

    المهم يا طويلين العمر .. الشيخ طلع لطلعه من طلعاته للصيد والقنص الظاهر .. وكان مخاويه بهالرحله رجل في ريعان شبابه .. مفتول العضلات .. حسن المظهر .. واثنينهم من قبيلة العجمان .. المهم يا طويلين العمر .. بطريقهم حسوا بالتعب والجوع .. وتمكن منهم الجهد .. فقالوا لبعض خلنا نشوف أقرب بيت موجوده .. ونقيل عندهم ونرتاح .. ثم بعدين نكمل طريقنا ..

    وبالفعل بدأوا يتشاوفوا عل وعسى يلاقون أحد بطريقهم .. وهم بهالحاله .. يلمحون بيت بعيد شوي .. فاتفقوا وقرروا انهم يروحون له يرتاحون عنده .. يوم قربوا من البيت .. مالقوا رجال حوله .. وقربوا أكثر عسى يطلع لهم احد من راعيين البيت يستقبلهم ويستضيفهم .. لكن ماش ماطلع لهم احد ..!!

    وهم بهالحاله تطلع لهم راعية البيت .. حرمة راعية واجب ونشميه وتفهم بالسلوم والعادات والتقاليد .. وكانوا البدو أول اذا جا الضيف وما كان فيه رجال بالبيت .. تقوم راعية البيت وتستضيفهم وتقدم لهم المقسوم من الاكل والشرب .. وتقول لهم حياكم باسم راعي البيت فلان ابن فلان .. ومثل كذا ..،،

    المهم طلعت لهم راعية البيت .. لكن قبل لا تكلمهم وتحييهم .. التفت الشاب المرافق للشيخ .. وقال له .. : يالشيخ .. وش رايك باللي يقول لك ان هالحرمة بتحسبني الحين الشيخ وانت المرافق لي وخادمي .. وراح تقول لك انت سوي القهوة وقدم القدوع؟؟ .. رد عليه الشيخ وقال : والله اذا البنت فاهمه وراعية نظر .. فراح تميز بيننا وراح تعرف منهو الشيخ ومنهو المرافق .. !! واتفقوا انهم مايعلمون راعية البنت منهو الشيخ .. ومنهو المرافق ..،،

    المهم .. حيتهم راعية البيت .. وضيفتهم .. ورحبت وهللت .. وقالت من العبارات الترحيبيه الكثير والكثير .. وفرشت لهم فرش الضيوف وقلطتهم .. وقامت تمقل بوجيه الضيوف .. وتدقق فيهم .. وتسال نفسها وتفكر وتقول ..: منهو الشيخ من هالضيوف الاثنين ..؟؟ .. ثم توكلت على الله وجابت الفأس ودلة القهوة .. ورمتها على الشيخ راكان بن حثلين .. وقالت له ..: قم احطب لمعزبك وشب النار وسنع القهوه .. ناظر الشيخ للشاب المرافق له .. و اشر له بان يسكت ولا يتكلم .. وبالفعل قام الشيخ بنفسه .. واحتطب .. وشب النار .. وصلح القهوه .. والشاب متكي وجالس .. وكانه هو الشيخ وكبير القدر .. واستانسوا وارتاحوا وانبسطوا .. واخذهم الحتسي والسواليف مع بعض .. والحرمه جالسه تناظرهم وتراقبهم .. بعد ما تقهووا الضيوف وعينوا من الله خير .. ناظر الشيخ راكان بن حثلين للمرأه وقال لها هالابيات..

    يا زيـن يللـي في ذراعـك نقاريـش

    الحكم حكم الله وحكمـك على الـراس

    إن شيتني حشـاش سيـد الحواشيـش

    وإن شيتني حطـاب قـرب لي الفـاس

    وإن شيتني خيـال أروي المعاطيـش

    واثني وراهم يـوم الأريـاق يبـاس

    الفرخ لا يغـويك في صفـة الريـش

    طير الحبارى يا اريش العين قرنـاس



    انصدمت راعية البيت من كلام الشيخ راكان .. وتفاجأت .. وقامت تفكر وتحوس وتلوس .. فالتفتت للشيخ راكان وقالت له ..: داخله على الله ثم عليك يا وجه الخير .. أبيك تعلمني .. انت الشيخ راكان بن حثلين ..؟؟ .. رد عليها الشيخ وقال ..: اي بالله انه انا .. فقامت الدنيا تسود بوجه راعية البنت .. وخجلت .. وقامت تأسف للشيخ وتعذٌر .. وانها ماتقصد شي باللي سوته .. فضحك الشيخ راكان .. وهداها وخفف من روعتها .. وعلمها انه هو ومرافقه الشاب متفقين على هالشي بالأصل ..،،

    نستفيد من هالقصه يا طويلين العمر .. اننا لانحكم على الشخص من منظره وملبسه ومظهره .. صحيح لنا الظاهر في بعض الأحوال .. لكن لانحكم عليهم ونسيء فهمهم على اساس هالشي ..

    دمتم بخير وعزه ،،
    [/align]

  3. #18
    الصورة الرمزية SOUTHSTAR
    تاريخ التسجيل : Mar 2009
    رقم العضوية : 53213
    الاقامة : ماليزيا .. حاليا ..
    المشاركات : 336
    هواياتى : القراءة .. والشعر الشعبي
    MMS :
    الحالة غير متصل
    معدل تقييم المستوى : 104
    Array



    [align=center]
    اقتباس المشاركة الأصلية كتبت بواسطة ((كــــــــادي)) مشاهدة المشاركة
    هلا // southstar


    خلاص انا بسميك من اليوم و طالع ..


    ~ الـراوي ~


    بس حرام تحط الموضوع دا هنا !!

    يحتاج منك جهد و وقت وفي الآخر ما تطلع بولا مشاركة محسوبة <<< شكلك مافهمت

    طيب افهمك ..

    في قسم التجارب و قسم الترفيه المشاركات ما تتحسب ... العداد معطل

    ايش رايك ننقل لك موضوعك في قسم الأدب العربي ..

    و امريكا و بلاويها تفتح لها موضوع تاني وننقلك المشاركة الخاصة بها فيه .!؟

    ~*~*~*~*~

    دمت بخير
    حيا الله مديرتنا كادي ..

    يا طويلة العمر .. شرف لي اللقب اللي لقبتيني فيه .. القصد يا طويلة العمر اعادة صياغة بعض القصص ليسهل فهمها وتكون مستساغه .. والاستفاده منها بعد ..

    وبيني وبينك .. ما فرقت ان المشاركات تنحسب ولا لا .. اهم شي الواحد يكون له مرجع يعني بهالمنتدى .. وهالبيت مو دايم يكون فيه قصص .. ابيه مثل المجلس .. تكون فيه سوالف عن كل شي .. وابي اضيف فيه اي شي خاص من افلام انزلها فديو .. او مقاطع .. او مشاركاتي في المنتدى .. او حتى بيت واحد عجبني .. يعني تقدري تقولي .. مجلس سهيل .. وانتم ضيوفه وحياكم باي وقت ..

    القهووووووووووه ..
    [/align]

  4. #19
    الصورة الرمزية ((كــــــــادي))
    تاريخ التسجيل : Mar 2002
    رقم العضوية : 80
    الاقامة : نكهة مميزة
    المشاركات : 5,604
    هواياتى : القراءة ،، اشياء اخرى :)
    My SMS : كلكم احبابي و نظر عيني :)
    MMS :
    إم إم إس
    mms-77
    الحالة غير متصل
    معدل تقييم المستوى : 1213
    Array



    As u like…

    It's up to u

    It's your decision.

  5. #20
    الصورة الرمزية لست بكاتبة
    تاريخ التسجيل : Feb 2009
    رقم العضوية : 52208
    الاقامة : قلـ منتديات واحة الدرر ـب
    المشاركات : 2,826
    هواياتى : .......
    My SMS : ــــــــــــــــــــــــــــ
    MMS :
    الحالة غير متصل
    معدل تقييم المستوى : 813
    Array



    برغم من أني عارفه أن رؤوس البدو ما
    بس حقول لك دا الكلام ...بصراحة كادي
    صادقة موبس من ناحية المجهود كمان الفائدة تعم الجميع فمن تقديري الشخصي أنه موكثير على مستوى اليوم بيدخلوا درة التجارب يعني عندك الساحة ودرة الأداب أكثر
    ععععارفه أنك حترفض بس حبيت أرسل لك نصيحة أمام المجهود المتميز الذي تبذله هنا
    وهناك تنبيه!!!!!!
    البدو زمان مايرد طلب الضيف فكيف تبغاها تشرب قهوتك؟؟
    ومع أصدق التمنيات بمزيد من الزوار إلى بيتك الكريم
    عفـــــواً
    ماأشرب القهوة عندك موكاهـاااااااااااااات

  6. #21
    الصورة الرمزية SOUTHSTAR
    تاريخ التسجيل : Mar 2009
    رقم العضوية : 53213
    الاقامة : ماليزيا .. حاليا ..
    المشاركات : 336
    هواياتى : القراءة .. والشعر الشعبي
    MMS :
    الحالة غير متصل
    معدل تقييم المستوى : 104
    Array



    [align=center]
    اقتباس المشاركة الأصلية كتبت بواسطة لست بكاتبة مشاهدة المشاركة
    برغم من أني عارفه أن رؤوس البدو ما
    بس حقول لك دا الكلام ...بصراحة كادي
    صادقة موبس من ناحية المجهود كمان الفائدة تعم الجميع فمن تقديري الشخصي أنه موكثير على مستوى اليوم بيدخلوا درة التجارب يعني عندك الساحة ودرة الأداب أكثر
    ععععارفه أنك حترفض بس حبيت أرسل لك نصيحة أمام المجهود المتميز الذي تبذله هنا
    وهناك تنبيه!!!!!!
    البدو زمان مايرد طلب الضيف فكيف تبغاها تشرب قهوتك؟؟
    ومع أصدق التمنيات بمزيد من الزوار إلى بيتك الكريم
    عفـــــواً
    ماأشرب القهوة عندك موكاهـاااااااااااااات
    الله حي بنت ديرتي ..

    والله بيني وبينك .. عندي تحفظ على كلمة بدو .. لان عندي قناعه ان هالزمن مافيه من ينقال لهم بدو .. او كل واحد ينتسب لقبيله صار ينقال له بدوي ..؟؟ ..

    ثانيا .. فكرت والله اني احط هالموضوع بدرة الأدب .. واقتراح كادي والله على عيني وراسي .. تامر امر.. واشكرها على اهتمامها .. لكن مثل ماقلت لك .. لو حطيته بدرة الادب .. راح يخلي الموضوع يسلك مسار معين بس .. ويهتم بامور معينه .. وانا ابيه شامل لاي سالفه ممكن تنقال في المجالس ..

    ولاجل اهل المدينه .. نكسر المعتاد ونجيب بدل القهوه العربيه موكاهات .. بس شلون تنشرب ذي ؟؟

    حياكي ونورتي بيت الشعر ..
    [/align]

  7. #22
    الصورة الرمزية ((كــــــــادي))
    تاريخ التسجيل : Mar 2002
    رقم العضوية : 80
    الاقامة : نكهة مميزة
    المشاركات : 5,604
    هواياتى : القراءة ،، اشياء اخرى :)
    My SMS : كلكم احبابي و نظر عيني :)
    MMS :
    إم إم إس
    mms-77
    الحالة غير متصل
    معدل تقييم المستوى : 1213
    Array



    [align=center]يعطيك العافية ..[/align]

  8. #23
    الصورة الرمزية SOUTHSTAR
    تاريخ التسجيل : Mar 2009
    رقم العضوية : 53213
    الاقامة : ماليزيا .. حاليا ..
    المشاركات : 336
    هواياتى : القراءة .. والشعر الشعبي
    MMS :
    الحالة غير متصل
    معدل تقييم المستوى : 104
    Array



    [align=center][/align]





    [align=center]السلام عليكم ..

    مساكم الله بالخير والسرور .. حبيت اسرد لكم هالسالفه .. قبل مباراة الهلال والاتحاد .. عسى الله يكتب الفوز للهلال اليوم .. ويزيد افراحه افراح ..

    المهتمين بالشعر الشعبي .. لابد وان سمعوا القصيدة المعروفه .. لي بنت عم ماوطت درب الادناس .. وان لم يسمعوها كقصيده .. فأكيد سمعوها كاغنيه من راشد الماجد غناها منذوو مبطي ..

    هالقصيده ابطالها الشاعر .. شرعان بن رمال الشمري .. وبنت عمه .. والقصيده تحمل الكثير من كلمات الحب والوله والشوق .. وسرد القصه له فايده وحكمه ..

    السالفه ياطويلين العمر .. ان بنت عم شرعان .. بنت جميله ومزيونه .. ويضرب بها المثل في زينها بين ابناء القبيله .. و ولد عمها شرعان .. مجنون بحبها لدرجة كبيره .. ويبيها حليلة له وام لعياله .. وهي بنفس الوقت تبيه .. وتحبه .. وتبادله نفس الشعور والحب ..

    بالفعل تقدم شرعان لعمه طالب يد بنته .. ووافق عم شرعان على الزواج .. طبعا بعد ما اخذ راي البنت .. لان الامر يرجع لها اولا واخيرا .. وبيدها هي لوحدها الحل والربط .. وتم الزواج بين شرعان وبنت عمه .. وعاشوا فتره مبسوطين سعيدين .. هو يشيلها بعيونه .. وهي ماترفض له طلب .. وتصونه وتصون حبه لها ..

    المهم يا وجيه الخير .. اتفقت زوجة شرعان انها تورد هي وخمس من بنات للبير .. يجيبون الماء لبيوتهم .. لان البدو اول كان ما يجيب الماء الا بناتهم .. ويستخدمون هالماء في الطبخ والغسيل والشرب واحتياجاتهم اليومية .. وصلوا البنات للبير.. وكل وحده حامله معها قربتها .. وقعدوا يسولفون ويضحكون .. ويحشون (البنات هذا طبعهم من يوم يومهم) ..

    وفجأه طب عليهم قاطع طريق وهم عند البير .. رجال أقشر شايل معه بندقيته .. وحزامه متوسط بها شبريه .. و قام يهددهم ويتوعدهم .. البنات ارتعبوا وخافوا .. وكل وحده قامت تولول وتعلي صوتها .. يمكن احد يسمعهم .. اللي تقول يا زوجي .. واللي تقول يابووي .. والللي تنادي يا فلان .. المهم .. ما طلع في المحاولات فايده .. وسكتوا وهديوا بعد ما هددهم قاطع الطريق بالقتل ..

    يوم سكتوا البنات .. قرب لهم قاطع الطريق الخايس .. وقال لهم : يالبنات .. والله ثم والله .. اللي ما تخليني الحين ابوسها .. قسم بالله غير اقطع قربتها .. اول البدو كانوا في فقر شديد .. والقربه كانت تسوى لها ثمن مو هين .. قاموا اتفقوا البنات بين بعضهم انهم يسمحون له يبوسهم .. علشان يفتكون من شره .. ويضمنون قربهم ..

    وبالفعل .. جا قاطع الطريق وقبل كل بنت من البنات الخمسه .. الا زوجة شرعان الشمري .. رفضت انها تسمح له يقبلها .. وتمنعت شديد التمنع .. فقام الخايس وشق قربتها .. وترك البنات وراح ..

    المهم .. يوم رجعوا لديارهم .. بقية البنات خافوا من الفضيحه .. وقالوا الحين زوجة شرعان تروح تعلمه .. ويقوم هو ويفضحنا بين ازواجنا وابائنا .. فاتفقوا بين بعض .. انهم ينشرون شائعه يقولون فيها ان زوجة شرعان خلت قاطع الطريق الخايس يتمكن منها .. وينول منها اللي يبيه .. وانتشرت هالشائعه بين ابناء القبيله .. وصارت هالسيره على كل لسان ..

    شرعان بدوره .. انصدم يوم سمع الخبر .. وراح وكلم زوجته يستفسر منها عن الصحيح والصدق .. وقالت له وش صار بالضبط .. لكن كثرة الكلام من ابناء القبيله .. ونظرتهم له .. ما ريحته ابدا .. وخلته ما يصدق كلام زوجته .. ونتيجة هالحاله .. والوسواس .. قام وطلقها طلقه صغرى .. ووداها لبيت اهلها ..

    المهم يا طويلين العمر .. مرت على هالحاله ثلاث شهور .. الا ان جا يوم .. وجا للقبيله رجال غريب .. ودخل بيت عم شرعان .. وقاله له : يا شيخ .. انا فلان ابن فلان وجايكم لاجل اعترف بغلطتي بحق بناتكم ذاك اليوم .. وابين لكم القصه الصحيحه .. لاني والله حاس بالذنب وابي منكم العفو والسموحه ..
    وقال لهم السالفه من طق طق .. للسلام عليكم .. وانصدم شرعان مره ثانيه .. وندم اشد الندم انه ما صدق زوجته يوم قالت له السالفه .. وعزٌم اليوم الثاني انه يروح لعمه علشان يرد زوجته وتتصافى النفوس ..

    اليوم الثاني راح لعمه .. ودخل عليه .. وطلب منه انه يرد له زوجته .. وتأسف شديد الاسف على موقفه المتسرع .. وظلمه لبنت عمه وزوجته .. لكن عمه صعب عليه انه يردها بعد ما سوى فيها هالسوايا .. وجارى كلام الناس .. و باع سمعة عمه وبنت عمه بوسط القبيله .. قام طلع شاعرنا مقهور ومتنكد ..
    وقال هالقصيده يبين حالته .. والبيتين اللي بالاحمر .. هي اشهر بيتين بهالقصيده ..


    ياراكب ثنتين يشدن الاقواس **** من دار ريضان الحجر حركني

    مافوقهن كود الدويرع وجلاس **** وسفايف بين اربع يلعبني

    تحركنا من عندنا حين الامراس **** ومضى سواد الليل مابركني

    حكن علم عذفا يسارن من الرأس **** والظهر مع ورد الحفر يشربني

    وحطو لهم مع هقلة الحضر بلاس **** عن الحضر واللي بالخلا يسرحني

    وليا لفيتوا عند مدقوق الالعاس **** الجادل اللي بالمحبه محني

    قولوا على حبل الرجا نطوي الياس **** ولبيض غيره كلهن يحرمني

    ولو يندوي جرحي دويته بزفواس **** ولا بني رفاف البيت منكم ومني

    والله يعلم بالخفايا والآجاس ***حيث مضى من صغر سنك وسني

    وياعم اللي طعت بي هرج الانجاس *** طاوعت هرج الناس واخلفت ظني

    طعت بي ياعم دايس ودرباس *** وعوارض صدقتها وابعدني

    ومن لااخذ من درس الاسلاف نبراس **** تمضي حياته بالرجا والتمني

    واقفيت ادير بظامري كل هوجاس *** على وليف بالحشا غاب عني

    تكبي خواطرهم ليا جيت عساس **** ولاتقل انا منهم ولاهمب مني

    ومريت دار ماتقل جنة الاوناس **** وونيت ودموع العيون ذرفني

    جيت المراح اللي بالعشب محتاس **** العشب في مضرب وسادة معني

    محذا شبة الناس ومشتاقة الراس *** وثلاث لايبكن ولاينبكني

    لي بنت عم ماوطت درب الادناس **** ولادنست يوم النساء يدنسني

    ضربتها وانا احسب الضرب نوماس **** طلقتها يوم افخت العقل مني


    ياناس كيف العين تبكي على ناس *** وكيف العيون بلا رمد يسهرني

    لو ينشكي حبي على ذيب لاخماس *** يسرح مع الطليان مايجفلني

    ولو ينشكي حبي على طير قرناس *** اضحى الضحى بمويكره مستكني

    ولو ينشكي حبي على قب الافراس **** عين نهار الكون لايفزعني

    ولو ينشكي حبي على الميت ماناس **** يثور من بين النصايب يوني

    ولو البيوت مشددينه بالامراس **** عين مع الخفرات لاينبنني

    وحتى النجوم اللي مع الليل غلاس **** لو ينشكي حبه لهن وقفني

    ولو ان غوطة (دم سلمان ) واضراس **** يدرن بماقلبي لقلبه يكني

    تلقى سهل جبة هضاب ومنحاس **** وحتى الجبل بالقاع صار متثني

    اشرفت رأس ضراس من فوق الاطعاس **** ولالوم طراد الهوى لو يجني

    هليت دمع العين واوميت بالراس **** ورافقت كور العيس ياما ابعدني

    ورفعت نفسي عن شبا كل وسواس **** البعد احلى من حياة التمني

    انا زبون الحرد للخيل مدباس **** ياكلشن شهب الشوارب نخني

    نفسي تشوم عن التدلبح مع الساس **** ولاعاش من هو عن رفيقه يكني

    من شيدوا (زينة ) على غيد واغراس **** ليا نسيت رسومهم ذكرني

    ياعم انا لي طلبة الراس بالراس *** ياعم شوف رسومهم ماانمحني

    ولو صرت ان القلاع ماشلت الاضراس ***** والموس مايقطع بليا مسني

    ياصار ماربعن على الرائ جلاس **** وجنحان طير السعد يلفحني

    نصير دوم للصقاقير مدواس ***** مثل اللي يسمع صفير المغني

    والله يلولا بكرة يبووناس **** حبه سكن باقصى الضماير محني

    والله لو هي ماتبيني فلا باس **** لاشك خبثان النفوس طردني

    وانا احمد اللي خالق كل الانفاس **** وجعل وساع القاع مافيه مني

    دار بدار ولامناخات الانجاس **** ياصار مايمناك عينك تزني

    في بلدة الغراف من جملة الناس ***** ولا نيب من يرجي الخلايق تحني

    دار به الاكرام والطيب به ساس **** دايم تذكرني ليال مضني




    وبعد ما سمع عمه هالقصيدة .. عطف عليه وحزن .. وحاس بألمه وندمه على اللي سواه .. فقرر انه يرجع له زوجته .. وبالفعل رجعت له زوجته .. وعاشوا بعدها في صفاء وحب طول عمرهم ..


    اللي نستفيده يا طويلين العمر من هالسالفه .. اننا لانتسرع باتخاذ القرارات على اي خبر يجينا من مصادر غير موثوقه .. ولابد نتثبت من هالخبر ونستعلم .. علشان لانبني قرارات مغلوطه .. وينتج عن هالقرارات ظلم لاناس نحبهم ونغليهم ..

    دمتم بخير ،، ويارب الفوز اليوم للهلال ..



    ..
    [/align]

  9. #24
    الصورة الرمزية SOUTHSTAR
    تاريخ التسجيل : Mar 2009
    رقم العضوية : 53213
    الاقامة : ماليزيا .. حاليا ..
    المشاركات : 336
    هواياتى : القراءة .. والشعر الشعبي
    MMS :
    الحالة غير متصل
    معدل تقييم المستوى : 104
    Array



    آآآآآآآآآآآخ يالقهر .. مشكله لا كان عندك عقول مثل عقلية عزيز في الفريق بعض الاحيان ..

    مبروك للاتحاديه .. وان شاء الله نعوضها بالاسيويه ..


  10. #25
    الصورة الرمزية *amula_beauty*
    تاريخ التسجيل : Jan 2008
    رقم العضوية : 30460
    الاقامة : المدينه المنوره....
    المشاركات : 3,943
    هواياتى : اجوب بساتين الطفوله ^_^
    My SMS : و يمتـــد الصمْـــت ، كغيمـــة مُثقـــلة تنتظر من يستسقيهــا ..
    MMS :
    الحالة غير متصل
    معدل تقييم المستوى : 704
    Array



    [align=center]ههههههههههههههههه


    مشي حالك يا سُهيل


    خيرها بغيرها


    بس دا هزازي خطير [/align]




    “I Read Because One Life Is Not Enough”



    ][ يارب تخليلي حبيبي وحياتي وتاج راسي ( بابا ) الله لا يحرمني منو ][


    [/align]

  11. #26
    الصورة الرمزية ((كــــــــادي))
    تاريخ التسجيل : Mar 2002
    رقم العضوية : 80
    الاقامة : نكهة مميزة
    المشاركات : 5,604
    هواياتى : القراءة ،، اشياء اخرى :)
    My SMS : كلكم احبابي و نظر عيني :)
    MMS :
    إم إم إس
    mms-77
    الحالة غير متصل
    معدل تقييم المستوى : 1213
    Array



    [align=center]قصة معبرة و جميلة ...

    حسيت يدي اتعبتني وانا اقرا

    الله يكون في عونك

    ~*~*~*~*~*~

    اقتباس المشاركة الأصلية كتبت بواسطة SOUTHSTAR مشاهدة المشاركة

    وقعدوا يسولفون ويضحكون .. ويحشون (البنات هذا طبعهم من يوم يومهم) ..
    اقتباس المشاركة الأصلية كتبت بواسطة SOUTHSTAR مشاهدة المشاركة
    [/align]

    لا إله ألا الله ...

    انتو ما تتركوا خلق الله في حالهم



    بصراحة القصيدة " احس انها حلوة " لولا بعض المطبات اللغوية اللي ما فهمتها..

    اقتباس المشاركة الأصلية كتبت بواسطة SOUTHSTAR مشاهدة المشاركة

    ياراكب ثنتين يشدن الاقواس **** من دار ريضان الحجر حركني

    مافوقهن كود الدويرع وجلاس **** وسفايف بين اربع يلعبني

    تحركنا من عندنا حين الامراس **** ومضى سواد الليل مابركني

    حكن علم عذفا يسارن من الرأس **** والظهر مع ورد الحفر يشربني

    وحطو لهم مع هقلة الحضر بلاس **** عن الحضر واللي بالخلا يسرحني

    وليا لفيتوا عند مدقوق الالعاس **** الجادل اللي بالمحبه محني

    لي بنت عم ماوطت درب الادناس **** ولادنست يوم النساء يدنسني

    ضربتها وانا احسب الضرب نوماس **** طلقتها يوم افخت العقل مني

    ..
    [/align]
    بجد .. مجهود تشكر عليه[/align][/color]

  12. #27
    الصورة الرمزية SOUTHSTAR
    تاريخ التسجيل : Mar 2009
    رقم العضوية : 53213
    الاقامة : ماليزيا .. حاليا ..
    المشاركات : 336
    هواياتى : القراءة .. والشعر الشعبي
    MMS :
    الحالة غير متصل
    معدل تقييم المستوى : 104
    Array



    [align=center]حيا الله مشرفتنا كادي ..

    سعيد اشد السعاده باعجابك بالقصه .. ولانه خوياي من اهل حايل .. كثير من هالالفاظ متعود عليها .. ودايم اسمعها .. فعلشان كذا راح اقول لك اللي اعرفه من معاني كلماتها .. واللي ما اعرفه .. اعذرينا طال عمرك ..

    اولا سالتي وش يعني الدويرع .. الدويرع يا طويلة العمر شي كانوا يزينون فيه الابل اول .. كان اللي يركب فوق الابل يعتمد برجله على هالدويرع .. وكان منظرها حلو وجميل ..

    الشي الثاني كلمة الامراس .. الامراس معناها حبال .. لكن حبال خفيفه الله العالم .. لكن بهالقصيده يقصد فيها ان حبال اختلاط الليل مع النهار .. يعني حول وقت المغرب .. لانه يختلط حابل الليل والنهار ..
    والله اعلم ..

    عذفا هذي يا طويلة العمر ديرة حول حايل .. من ديار شمر .. وكانوا اول يروحون لعذفا لانه فيه الابار والماء ..

    الكلمتين هقلة وبلاس .. والله للاسف ما مرت علي قبل ..

    كلمة مدقوق الالعاس .. تنقسم لقسمين .. مدقوق يعني نحيف .. وتلاحظين انه دايم نقولها هالايام .. مدقوق القوام .. مدقوق الخصر .. ومن هالاشياء .. اما كلمة الالعاس فمعناها الخدود .. والخدود النحيفه كانت من علامات جمال المراه .. يعني باختصار مدقوق الالعاس يعني المراه الجميله ..

    كلمة افخت .. مقرونه غالبا مع الطير .. يقول افخت الطير .. يعني طار .. وتجي بمعنى هرب او فرك .. وجابها بالبيت يوم شبه عقله بالطير ..وانه طار من راسه ومشبكه ..

    واعذريني على الكلمات اللي ما اعرفها ..

    شاكر لك اهتمامك يا مشرفتنا .. والف الف مبروك وسام التميز اللي تستاهلينه ..

    دمتم بخير ،،[/align]

  13. #28
    الصورة الرمزية ((كــــــــادي))
    تاريخ التسجيل : Mar 2002
    رقم العضوية : 80
    الاقامة : نكهة مميزة
    المشاركات : 5,604
    هواياتى : القراءة ،، اشياء اخرى :)
    My SMS : كلكم احبابي و نظر عيني :)
    MMS :
    إم إم إس
    mms-77
    الحالة غير متصل
    معدل تقييم المستوى : 1213
    Array



    شكراً على الترجمة

    لو دريت انك بتترجم .. كان كملت على الباقي الكلمات المبهمة بالنسبة لي

    ~*~*~*~

    الله يعطيك العافية .. وشكراً ع التهنئة

    بس ودي اعرف ...


    مين اقنعك تجيب موضوعك هنا !!!


  14. #29
    الصورة الرمزية سارونه
    تاريخ التسجيل : Nov 2006
    رقم العضوية : 15993
    الاقامة : ديرة العز .. ~
    المشاركات : 1,672
    هواياتى : بس الموج مايساعد ولا الأقدار بتساعد .. ~
    MMS :
    إم إم إس
    11
    الحالة غير متصل
    معدل تقييم المستوى : 525
    Array








    متابعهـ ـ ـ

  15. #30
    الصورة الرمزية SOUTHSTAR
    تاريخ التسجيل : Mar 2009
    رقم العضوية : 53213
    الاقامة : ماليزيا .. حاليا ..
    المشاركات : 336
    هواياتى : القراءة .. والشعر الشعبي
    MMS :
    الحالة غير متصل
    معدل تقييم المستوى : 104
    Array



    [align=center]





    السلام عليكم .. ومساكم الله بالخير ،،

    عاد اليوم راسي مليان بالارقام والمعادلات .. توني مخلص مذاكره مادة Management Decesion Science.. وهالماده انواع التحليل والحوسه .. ادعولي باختبار باتسر الله لايهينكم ..

    اليوم قصتي بها ثلاث أبطال .. واحد منهم يصير من عمامي .. وهو العم الشيخ عباس العلي .. رحمه الله .. وقصتي هذي باقولها على حسب رواية الوالد الله يحفظه .. ورواية الراوي الغسلان ..

    السالفه يا طويلين العمر .. ان العم عباس رحمه الله كان امين مديرية مدينة تسمى الدويد .. وهي ماكانت مدينة بالمسمى الحقيقي .. لكن هي مجرد قريه صغيره .. تضم الدوائر الحكوميه الخاصه بمنطقة الشمال .. قبل لا ينقلون الدوائر هذي كلها لمدينة عرعر .. وانتقلنا حنا معها .. ومن بعدها صارت عرعر عاصمة الحدود الشمالية ..

    المهم يا وجيه الخير .. هالسالفه صارت تقريبا عام 1365 هــ .. يعني تقريبا قبل 55 سنة .. وكان فيه قرية جنب قرية الدويد .. اسم هالقرية لينا .. تسكنها بنت اسمها العنود .. و ينقال انها بنت حطاب النصافي .. لكن هالمعلومه مو متاكدين منها بالميه بالميه .. المهم .. العنود كانت تتصف بالجمال الباهر .. مزيونه بالحيل .. وكان العم عباس قلبه خضر بالحيل .. وكان معجب بها .. وساحره زينها ..

    المهم وهو في الدوام ذاك اليوم .. يتقهوى ويرتاح بعد ما استقبل المراجعين وخلص جميع المعاملات .. الا ويدخل عليه خويه محمد الخميس البقعاوي .. وكانوا الاثنين خويان بالحيل .. وكل واحد يحب جلسة الثاني ويحب مقابلته .. يوم دخل عليه البقعاوي .. سأله العم عباس : وين كنت يا محمد ..؟؟ فرد عليه محمد الخميس وقال له : والله يا عباس كنت عند العنود .. رحت ابي شوفتها .. فحزت بخاطر العم عباس .. وزعل شوي .. وقال هالابيات ..

    لا تجي بيت العنـود ولاتمـره
    والحذر ياللي على عمرك تداري

    فر قلبي يوم شاف الزيـن فـره
    فر طيرن شايفن جول الحباري

    قلت عطني من ثمانك بس مـره
    قال مايكسى العرا ثوب العواري

    العنود سهيل والبيـض المجـره
    فرقهن فرق الفتيل عن السواري


    بالحال .. وبنفس الجلسه .. رد عليه محمد البقعاوي .. وقال له هالابيات ..

    ليه يا عبـاس بيتـه مـا نمـره
    كيف تنحى واحدن للزين سـاري

    كنت اظن انك صديق وبك مبـره
    ما دريت انك عدوا لـي مبـاري

    الحيـا لـو انتحـا لازم نمـره
    وما قسم الله على المخلوق جاري

    العنود سهيل والبيـض المجـره
    بس يفرقها الزميـم والخـزاري

    يوم لبست ثوبها الاحمـر ومـره
    يا شبيهت مهرتن للشيخ ضـاري

    مع سواد عيونهـا محـلاه غـره
    مثل لون البدر بايـام الغـداري

    كم قلـب موجـل قامـت تجـره
    عرضتها الجال ودروب الخطاري


    المهم يا طويلين العمر .. اشتهرت هالابيات بين الناس .. وصار الكل يرددها .. ووصلت هالابيات لواحد ينقال له ..محمد الديري العتيبي .. يوم سمع الابيات .. ابرق وارعد .. وزعل بالحيل .. وقال شلون عباس يفضل هالبنت دون عن كل البنات .. فرد على العم عباس بهذي الأبيات ..وقال

    العنود سهيل والبيـض المجـره
    اخس ياعباس ماتدرى المـداري

    انت يا عباس غادي فـي مغـره
    قلت قولن مانت عن قصياه داري

    تحسب الدعوى على قانون حره
    وانت معك الفين ورادن مبـاري

    يمكن انك ذايقـن منهـم مبـره
    من طرف لازمك تمدحها جهاري

    حالفن ما اتركك يا عباس مـره
    لين تابس مثل دغلوب الخبـاري

    ما ظلمتك بس انا جيتـك بجـره
    والعرب بسلومها تتلي الأثـاري


    سمع العم عباس رد العتيبي على ابياته .. ففز يبي يرد عليه بابيات .. لكن خويه محمد البقعاوي وقفه وقال له : وش رايك يا عباس .. خلي الرد علي .. لكن ابيك تعطيني اجازه لمدة شهرين ..لاني بروح لاهلي بقريه بقعاء .. فوافق العم عباس على طلب البقعاوي .. فتهيض محمد الخميس ورد بهالابيات ..

    تو ماهب الهـوى والعيـن قـره
    واستراح القلب من كثر الهـذاري

    يـوم بـان الهـرج للفـزاع ذره
    تو هذي به يـدور لـه مبـاري

    فزعة الديري مثل غزو الصفـره
    تو يكرب محزمه عقب القطـاري

    يذكر انه موقفـن بالشعـر مـره
    والرخم سلطان في وسط الصباري

    جنب الديبان واترك عنـك شـره
    ياردي الفود وش لك بالخطـاري

    لو تحصل مثلها ما صمت غـره
    كان تسري بالظـلام وبالقمـاري



    وانتشرت هذي السالفه والابيات قديمها بشكل كبير .. خاصه بيت العنود سهيل والبيض المسره .. ويقال ان العنود الى الان موجوده ..

    دمتم بخير ،،
    [/align]

صفحة 2 من 4 الأولىالأولى 1234 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. مشاركات: 55
    آخر مشاركة: 10-08-2010, 12:02 PM
  2. رجــ "عباد بن بشر" ــال مخلدون (4)
    بواسطة My-Spirit في المنتدى الــدرة الإسـلاميـة
    مشاركات: 4
    آخر مشاركة: 12-05-2004, 08:41 PM
  3. رجــ"أبو عبيدة عامر بن الجراح" ــال مخلدون (3)
    بواسطة My-Spirit في المنتدى الــدرة الإسـلاميـة
    مشاركات: 6
    آخر مشاركة: 11-05-2004, 12:12 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
جميع الحقوق محفوظة لمؤسسة واحة الدرر 1432هـ - 2011م
كل ما يكتب في هذا المنتدى يمثل وجهة نظر كاتبها الشخصية فقط