شرعت لـ هات الحقيقه في ضميري كل باب
ودقيت فوق اوتارها وتــر وتــر وتــر وتــر
جهزت حالي للسفر بدري وشديت الركاب
وكحلت عيني من تعب الأيام واطراف السهر
رفعت في وجهه المعاني كل باب له جواب
وجاوبت كل الأسله سطر سطر سطر سطر
الا السؤال كان مضمونه لا تبطي فالغياب
علقت اجاباته وانا صادق علــى كـف القدر
حيث المسافر سكته خطره وزاده بالزهاب
حتــى صلاة الله يصــليها كذا جمع وقــصر
سقت القدم للحلم وادرجت المتاعب فالحساب
وانا من أول عارف ادروب الوعوره والخطر
امشي ولامنه عرض لي شي من بعض السراب
اوحدني لاهــوب حـر القيظ فــي وقت الظهر
الد وجهي للسماالصافي وادور به سحاب
والقى الاجابه مثــل ماقالوا يجيب الله مـطر
وقدام اقرر قلت ابا اوقف لحظة قبل الذهاب
حيث الدروب اضـحت تشابه كلبوها فالنظر
قلت اقتحم سور المدينه لوعلى روس الحراب
عــل المدينه عندهـا عن حاجتي علم و خبــر
وصلت لـ طراف المدينه ونبحت كل الكلاب
ومن شان اسكت كلبها المسعور لقمته حجر
دخلت من باب المدينه وانفتح باب وحجاب
عن مجلس يجلس به الزاير مع شيخ القصر
قلت السلام ورد لي ثم قال علم الضيف طاب
قلت ابدوي يعشق الصحراء وعايش بالحضر
قال البداوه رمز قلت إلى شعار كالشهاب
قال الحضــاره قــلت نبـــراس العلا منها ظهر
قال البنادم قلت بالاخر مرده للتراب
ولآخــــره دار الــبقاء وأول مــنازلــها الـقبر
قال المســافر قــلت لا منه دعا الله مستجاب
مابيـن دعــواته وبـــين الله حجــاب ولا ستر
قال القلوب وقلت ذي صابونها صدق العتاب
تحيا على صدق الوفاء وتخاف من طعن الظـهر
قال اللعصا وش علمها. قلت العصا اللي بالكتاب
هذي عصى موسى كلت مايصنعونه من سحر
قال الهماج وقلت ماهو للرجل مثلي شراب
اليــا ضــميت انخا الحــميه لعنــبو الذل الصبر
موت الرجل ضميان فالصحراء على بيض الثياب
أخــير له من شــربة هـــمجه تورث له قهــر
قال الشعر قلت الشعر طير تعلى بالهضاب
فيــه الــمجال الحر والشعر المقــفى والنثر
لكن ليا من صار عند القول مايلوي الرقاب
يصبح سماعه مضيعه وإهدار وقت من العمر
قال أنت شاعر؟ قلت شاعر في حياتي باغتراب
واشعر بما حولي من اللــوعات وهموم البشر
قال انت وش هي حاجتـك ؟ قلت التـلذذ بالصعاب
أتــوق للعــليا واروم المــجد واحــب الفـــخر
قال انت حاجتك إنقضت مادمت في درب الصواب
وان كان عندي من وصيه فـ الله الله فـ الحذر
قلت انت توصي واحد لـ أمر المصاعب مايهاب
ودعتـك الله عـقـب مــاحان الوداع المنـتـظر
رجعت واوتار الحقيقه دونها مقفول باب
اذا انفـــتح دقيــقتها وتــر وتــر وتــر وتر
الشاعر : ناصر علي الحارثي
رد مع اقتباس
لا تدع اليأس يستولي عليك ، انظر الى حيث تشرق الشمس كل فجر جديد ، لتتعلم 
المشاركة الأصلية كتبت بواسطة لست بكاتبة
