صباح الأنواااااااااااار
يسعدلي صباح الجميع
ها بشروا كيف صباحكم ؟؟؟
المهم ترى الموضوع ما يخوف و الله لا يجيب المضاربات
بس هو داك اليوم كنا قاعدين نتكلم عن ايام زمااااااااااااااان
و عن المضاربات اللي كانت تسير في داك الوقت
وو الله في بعض من صاحباتي لهم سوابق في المضاربات
و خيلاني كمان كانوا ماشاء الله عصابة كل يوم بمضاربة
مرة يا حظهم انا من عشاق المضاربات
بس المشكلة اني كنت بنت مرة هادية و انا صغيرة
فما اتزكر انو عمري اضاربت مع احد دايما كنت حال حال نفسي
بس من المرات او هي المرة الوحيدة اللي اتزكر
اني اضاربت في ها مع احد ............
لكم حيل تسمعوا ؟؟؟؟
يالله كملوا
ايام زمان يعني مو مرة زمان لمن كنت انا صغيرة كنا نروح اجازات
الاعياد المدينة عشان اهلنا كلهم هناك
و كانت قممممممممة متعتنا في العيد انو نرو ح
البقالة اللي في نهاية الشارع ..
و زي ما انتو اعارفين كان عيد يعني الله الله على الشياكة
و الجزمة اللميع ام فينكة (( وردة )) ===> اكره نفسي كل ما
اتزكر اني كنت البس شيء زي كده
ما علينا كنت متكشخة و لا بسة و بدي اروح للبقالة
الا و انا داخلة للبقالة تخبط رجلي في الباب و تنقطع الورده
وااااااااااااااااااااااااااااا اااااااااااااااااااااااااااااا ع
قعدت ابكي عند البقالة كيف جزمة العيد تخرب
و صاحب البقالة يا بنتي خلاص ما سار شيء اعطيكي حلاوة ببلاش
ما في و الله لو تديني كل البقالة انا ابغى جزمتي
و ابكي و ابكي
وصوتي كان واصل
لآخر الشارع و بالصدفة كان سيدي ماشي و سمع
صوتي اللي ما يتوهش
و مسكني من شعري و سحبني على البيت ...
طبعا سكت شويه ... الا فجاة لا حظت انو بكلتي طاحت
لااااااااااااااااااااا كمان
و كانت البكلة يعني شييء مررررررررررررررة كبير ممكن تستخدم
لأغراض قتالية أخرى
قلت ما بدهاش لازم اروح و ادور على بكلتي
=====> يا حياتي يا انا و الله مرة كنت اهتم بأشيائي
المهم
رحت اتتبع خطواتي عل و عسى القى بكلتي
الا و اطل القى ولد صغير بس اكبر مني ماسك بكلتي وقاعد
يلعب فيها ....
رحت قلتله : لو سمحت ممكن تديني بكلتي ؟؟؟^-^ ^-^
راح قال : و ايش يديريني انها بكلتك ؟؟
قلتله : عشانها كانت في شعري
لا يا شيخة باللهي احلفي لا بصراحة عذر مرة مقنع يا حياتي على
الأعذار الطفولية
راح قلي : روحي انقلعي عند أمك
نعم !!!!!!!!!!!!!!!!!!!!!!!
أنا يقلي انقلعي هدا المعفن ..
المهم لاني ما اضارب رحت ادور على فزعه تجي تلطش
الولد و تردلي ممتلكاتي...
فطبعا مالي غير خالتي حبيبتي ===> هيا كانت فتوة الحته
قعدت ادور عليها لين ما لقيتها تلعب كورة مع عيال الجيران
في الحارة
و اول ما قلتلها أخدتها الحمية و مسكت يدي و قالت تعالي وريني
فين دا الولد نوى على عمره ..
رحت ور يتها الولد
راحت قالته : ها ح تديها بكلتها و لا لا ؟؟؟
قال لا مني مديها بكلتها وريني ايش ح تسوي
قالت طيب
و طاااااااخ طييييخ
و عينكم ما تشوف الا النور و الله يا انو الولد انضرب ضرب
و الله مرة حرام ضربه ما اخدها من ابوهبس احسن
و رجعتلي البكلة و هو دا اهم شيء
و بس سلاااااامتكم
اشبكم ليش تطلوا فيا كده ؟؟؟
اتوقعتوا مضاربات جاكيشان
يالله احد عنده حكاية عن الضرب ؟؟؟؟؟؟
يبقى ما يبخلش ;)
سلااااااااااااااااام يا حلوين
الأسطورة
راسك ياهنووو
هههاااااي
..بس خدومة
عاد انا 
