شلونكم اكيد اغلب الي متابعين مواضيعي ويعرفوني يدرون بمعاناتي الي بدت من سنتين مع القولون العصبي طبعا هذا ترشيح الدكاتره لان الفحوصات سلميه فرشحو ان نفسي وعصبي واعرف جم عضوه معانا بالمنتدى حاشهم بس انا لاحظت ان موبس لازعلت يصير معاي الم حتى اذا مانمت الا قليل يعني السهر يتعبني اكثر من اي شي ثاني اذا مر يوم سهرت فيه ونمت شوي يعني اقل من 4 او 5 ساعات خلاص انا وقتها اطيح بالفراش مايتعدل حالي ليما ارد انام واقوم عادي احسن فانا ودي يصير ي تجمع لان هالمرض يتعب النفسيه حيل حيل حيل يعني نظرتي للدنيا تغيرت وصرت ماحس بحلاوه الشي حتى لو تييني اخبار سعيده فرحتي موقد الخبر حاسه الدنيا مالها طعم لان حالتي غالبا اضطرابات والالام ببطني والحين صايره معاي لوعه بعد تمر علي ايام اكون تمام ومافيني شي خصوصا اذا عدلت نومي ووجباتي لكن اغلب الايام تمر علي بصعوبه فودي الي يعانون منه او يعرفون احد يشاركونه لو مره بالاسبوع يقولونه اذا في تطورات او تجارب جربوها وفادتهم ونسولف احس اني لما اكون في اشد حالات الالم احتاج اسولف معه احد يحس بالي امر فيه طبعا الدعاء لله مستمر لكن في شي اسمه علاج جماعي مريح انا ودي اعرف احد طاب منه؟؟؟؟؟ هل راح اعيش باقي عمري كله جذي اعاني توني ببدايه الحياه واذا بستمر جذي استغفرالله ماحس اني اقدر اكملها الا بنفسيه صفر وايد مرات اقوي نفسي بالقران وبالدعاء بس تييني لحظات من الالم اقول بس ياريتني مانولدت بهالدنيا ماتتصورين حياتج شلون مع مغص يومي واسهال شديد عزكم الله الحفلات والعزايم والسفرات والشاليهات عند الناس شي طبيعي ويونس انا اخاف منهم وقمت اكرههم لان عادي اتوهق فيهم ابي انطر تفاعل الي يعانون من هالمرض يعني ما ابي مرور عالموضوع ابي تفاعل كل فتره تدخلين ماعليكم امر ابي منكم متى حاشج؟ شلون بدا؟ شنو اعراضه؟ منو شفتي من دكاتره؟ شنو جربتي علاج؟ توصلتي لعلاج؟ واذا ماتوصلتي شتسوين لاياج وشلون نفسيتج؟ بالنسبه لي لاياني لازم انسدح بالفراش واحس ببجيه بس اقعد اقرا ادعيه واكل باسكوبان ومرات ما اخذ شي احاول انام وبس مرات اوسوس معقول كل هذا من قولون كثرما اهو جايد والام قوي بس رحت لاكبر اثنين مساعد العصفور-خالد المخيزيم قالولي مافي شي هذا قولون عصبي بليز بنات شاركوني كل الي تعرفووووونه الله يريحكم خصوصا بمجال النفسيه نفسيتي كلش موزينه نظرتي اكتئابيه الله يعيني منقول
أختي الحبيبة همس الاحساس الله يشفيك ويشفى جميع مرضى المسلمين أنا عندي قولون عصبي والسبب انه خلال شهر حصلت لينا حالة وفاة " عمي ثم جدتي ثم أختي الصغيرة" وتعبت نفسيتي جدا ووأحسست بألم شديد في جسمي أجريت فحوصات وكلها ولله الحمد جيدة وبالنهاية قالوا انه قولون عصبي العلاج الذي وصفوه لي: لا أضغط على نفسي أكثر من اللزوم أشرب مهدئات مثل النعناع أو اليانسون أو الشاي الأخضر فهو جدا رائع ومهدىء المكسرات اتحنبها بقدر الامكان وان لم استطع ذالك اقلل منها والاول والاخير كتاب الله لا تنسيه والحمد لله على نعمة الله دمتي بصحة وعافية
الذين يشاهدون الموضوع الآن: 1 (0 من الأعضاء و 1 زائر)
قوانين المنتدى
رد مع اقتباس