ارجو المساعده ,, جهازي مايشتغل !!

[uppermoon]

حتى في الحالة هذي عندنا أكثر من احتمال

ممكن كرت الشاشة طبعاً

وممكن الأسلاك الموصلة بالشاشة داخل الجهاز

وممكن المذربورد نفسه ما يوصل إشارة لكرت الشاشة

يعني نحتاج وصف أكثر للمشكلة.. طيب صوت الجهاز لما يشتغل يستمر ثواني قليلة ويسكت والا أكثر؟ وهل تشتغل لمبة الهاردسك؟

كل شي شغال من لمبات ومراوح هاردسك وكل شي فعلاً احتمالات يمكن يكون :
1 - كرت الشاشة ..
2 - الرام او الهاردسك معلق او مهنق .. او عطلان..
3 - المذربورد هو اقرب الاحتمالات تقريباً .. ( يعني إحد الدوائر الاكترونية والكهربائية ) تضطر الي تغيرها كامل خاصاً الموديلات الجديدة ...
4 - الاسلاك طبعاً ..
5 - بطارية.. فبها شي ..

[محمد المحيا]

الرام أو الهاردسك ممكن احتمال بعيد لأن مشاكلها ما تطفي الشاشة نهائياً من بداية التشغيل..

لكن المصيبة لما يكون لابتوب إذا وديته للوكيل يطلب منك مبلغ وقدره وما يصير عندك حل إلا تشتري واحد غيره..

تحياتي

[ولهـ نجد]

السلام عليكم

ماشاء الله كل هذا نقاش في جهازي

اولا يعطيكم العااافيه

ثانيا جربت اضغط f2 وفتح الBIOS

ايش اسوي بعدها؟؟

أنا معاك بس كلام الأخت ما هو واضح بالنسبة لي.. هل هي تقصد شاشة سودا على طول يعني حتى ما يطلع شعار توشيبا على الشاشة أول ما يشتغل الجهاز والا يطلع شعار توشيبا بس تتحول إلى سودا في الوقت اللي المفروض يطلع شعار الويندوز..

اول ماشغله تطلع شاشه التوشيبا وتشتغل لمبه الهاردسك واسمع صوت الجهاز اوكي؟

بعدها تجي شاشه سوداء وتطفي لمبه الهاردسك لكن صوت الجهاز لسه شغال

طيب صوت الجهاز لما يشتغل يستمر ثواني قليلة ويسكت والا أكثر؟ وهل تشتغل لمبة الهاردسك؟

الصوت مستمر مايوقف

قلت اول لمبه الهاردسك تشغل اول ماشغل الجهاز ثواني بعدين تجي الشاشه السوداء وتطفي اللمبه


واسفه لاني ماوضحت هذي التفاصيل من اول

[محمد المحيا]

هلا أختي..

طيب عندك أسطوانة الريكفري اللي تجي مع الكمبيوتر؟ Recovery CD

أو حتى عندك أسطوانة الويندوز؟؟

[همسة عاشق]

الله يعييينك

[ولهـ نجد]

هلا أختي..

طيب عندك أسطوانة الريكفري اللي تجي مع الكمبيوتر؟ Recovery CD

أو حتى عندك أسطوانة الويندوز؟؟

ايه عندي الريكفري

الوندوز مادري قصدك اللي مكتوب عليها microsoft work ؟؟ << هذي عندي

وعندي سي دي تعاريف الاجهزة

[ولهـ نجد]

الله يعييينك

وياك يارب ...

[محمد المحيا]

لا لا microsoft works هذي برامج ما تهمنا حالياً

طيب أهم شي إن الريكفري سيدي موجود..

حطيه في الدرايف وشغلي الكمبيوتر

لما تطلعلك شاشة مثل هذي:



اضغطي أي مفتاح عشان يسوي الإقلاع من السيدي



لو ما طلعت الشاشة اللي فوق.. في معظم أجهزة التوشيبا تقدري تخلي الكمبيوتر يسوي الإقلاع من السيدي أول ما تشغلي الكمبيوتر خليكي ضاغطة على الحرف C في الكيبورد..

المهم بعد كذا المفروض يفتح برنامج الريكفري ويعطيكي خيارين غالباً هم Complete Recovery و Standard Recovery

الأول يفرمت الهاردسك بالكامل وبكل أقسامه الموجودة مثلاً :C و D وغيرها وينزل عليه الويندوز..

الثاني يفرمت بس البارتشن :C وينزل عليه الويندوز

تختاري الشي اللي يناسبك وتكملي الخطوات.. رح تستمر العملية دقايق وبعدها يرجع النظام للحالة اللي كان عليها أول ما اشتريتي الكمبيوتر إن شاء الله..

ووافينا بالنتايج..

[ولهـ نجد]

مشكوووووووووووووووووور اخوي كل شي تمام

ماتوقعت الفورمات بهالسهوله

الله يوفقك دنيا واخره ويعطيك كل اللي تتمناه يااارب

<< والله يعافي قوقل اللي دلني عليكم

[محمد المحيا]

هلا أختي

الحمد والشكر لله أولاً وأخيراً

ثم لكل من ساهم في حل المشكلة

ونحن فعلاً مدينون للقوقل بالكثير لأنه دلك علينا

وأتمنى أن تستمر مشاركاتك معنا بالمنتدى وتقضين معنا أوقاتاً طيبة ومفيدة..

دمتي بخير..