مرحبا
مصافحه
تعبر عن نفسها
[poem=font="Simplified Arabic,4,deeppink,bold,normal" bkcolor="transparent" bkimage="backgrounds/30.gif" border="double,4,gray" type=1 line=0 align=center use=ex num="0,black"]
انا الشّاعر اللي لا مرجّى ولا ميؤس =ولاهي تميل ولاتعدّل موازيني
علم قافي الشامخ ابد مايجي منكوس=على عزّ رفرافه بكل ّ المياديني
الا ياعذاب الفكر يالشارد الهاجوس= بهمّي تصبحني وترجع تمسّيني
ترى خاطري ممّا تجيبه غدى محموس=وظني على السجّات ماعاد يمديني
على طاري الذّكرى سريت أقرع النّاقوس=ورجع الصدى يوقد شعوري ويكويني
ولويرجع المقفي ويشرى عرض بافلوس= شريته ولو أخسر عليه الملاييني
تحوّل سراب وكان لي واقعا ملموس=علق بالخيال وترتجي شوفته عيني
ركود المياه يحوسها بالطحالب حوس=ويصبح طعمها مرّ من قاعها الطيني
ولولا الزمان يمرّ مانستفيد ادروس= ولا قد عرفنا النّاس موتى وحييني
ظميت الليالي الماضيه والحنين ايجوس=ولو اشرب اللحظات ماعاد ترويني
رقيت الجبال النايفه ماصعدت اطعوس= أجدل قوافي والمعاني تجاريني
أشيل السّهم بالكفّ وعلى الذراع القوس=أبا ارمي فؤاد الحزن قدّام يرميني
وانا الشّاعر اللي لا مرجّى ولا ميؤس= ولا هي تميل ولا تعدل موازيني[/poem]
وافر التقدير