قالت صباح الخير ,,, وقلت
ياصباح السعادة
ياصباح الهنا على قلبي وقلبك يا ,,, أنا ,,,
قالت : يابعد عمري ,,, كيفك ؟؟؟
قلت : من شوفتك أحس إني ,,, كلي بخير ,,,
قلتها وأنا أضحك ,,, وضميتها بين عيني وفضا صدري ,,,
قالت : الله عليك ,,, ياحلو لسانك ,,,
قلت : ومنو يستاهل الحلو ,,, غيرك ياحلـــــــــــو ,,,
قالت : غلبتني اليوم ,,, مثل كل يوم ,,,
قلت : الله يطول بعمرك ,,, وأغلبك كل يوم ,,,
قالت : ياشين أيامي قبلك ,,,
قلت : هنا عمري ,,, إنت أحلى أيامي عمري ,,,
قالت : الله يديمك ويعز أيامك ,,,
قلت : إنتي الغلا يابنت الغلا ,,,
قالت : أنا معك ,,, بحلم ولا ,,, بعلم ؟؟؟
قلت : " أقرصيني " وأنا " أقرصك " ,,, وعلميني وانا أعلمك ,,,
قالت : طيب ,,, واذا كبرنا ,,, وصرنا شايب وعجوز ,,,
تحبني مثل ألحين أو ,,, فيها نظر ,,, " وضحكت "
قلت : شوفي يابنت الحلال ,,,
أخاف إنك تزهقين بس مني ,,,
والله لحبك ,,, واحبك ,,, ثمن أحبك واموت فيك ,,,
قالت : ,,, صدق والله ,,, يعني كلامك ذا " موب خرط "
قلت : أفا يالشينة ,,, يابعد عمري ,,, تعرفين فيني " الخرط " ؟؟؟
قامت تضحك بصوت عال ,,, وقالت :
لا والله أبد ,,, لكن ,,, ( ليطمئن قلبي ) !!!
قلت : أقول ,,, تطمني ,,, وحطي على راسك بطيخة صيفي بعد ,,,
إنتي الأولـــــــــــــــــــــه ,,, !!!
قالت : إيه ,,, كمل !!! وراك سكتْ عند الأوله ,,,
لايكون فيه التالية ,,, ( وتغيرت معالم الوجه للون الأصفر ميتاليك )
قلت : ,,, أفا عليك ,,, لاوالله ,,, تبقين الأوله ,,, طول العمر ,,,
لكن ,,, ( وبديت في الإستفزاز )
بعد عمر طويل ,,, يعني ياعل ساعتي قبل ساعتك ,,, إختارك الرحمن الرحيم ,,,
ساعتها ,,, بتبقين الأوله إللي لها فقلبي الحب الكبير ,,,
لكن ,,, يمكن يكون فيه الثانية ,,,
قالت : بس ,,, بس ,,, لعنبوكم يالرياجيل ,,, ماتملون من هالسيرة ,,,
مايملى عيونكم إلا التراب ,,,
( يوم شفت الجو تكهرب حيل ) قلت :
والله أمزح ,,, قسم بالله أمزح ,,,
تعرفين ,,, أحب أنرفزك ,,, عشان آخذ بخاطرك و أراضيك ,,,
إلا والله ,,, مالية العين ومالية القلب ,,, ومالية كل طاسة وغذارة فيني ,,,
ولا لك قبل ولا لك بعد ,,,
عيني من الله خير ,,,
وصباحك ورد ,,, يـــــــــــــاورد ,,,
_____________________
يالله إنها تعجبكم
