هديه من بريستيج .. لاجمل تعليق !!

[®{ بـريــ!!!ــتـيـج }®]

مساااء الخير اخواني ..

الموضوع ذا شفته في احد المنتديات وضحكتني كثييير التعليقات اللي عليه ..

الموضوع ارجو من الجميع المشاركة فيه ..


اعزائي وعزيزاتي تخيلوا على الواقع أن هذا الموقف مر بك

ماذا ستفعل ؟؟

تناولت طعام العشاء في أحد المطاعم بصحبة زميلك , وبعد الإنتهاء ألححت عليه أن تكون أنت من يدفع الحساب .. لكنك فوجئت بنسيانك المحفظة في المنزل ما شعورك , وماذا ستفعل؟؟

شووووف بس وجهه كيف يصير

على الجميع التعليق.. ذكر وانثى .. صغيييير وكبيييير

وطبعا فيه جائزه بيستلمها صاحب او صاحبة اجمل تعليق على الايميل .

مع تحياتي //

[* الـمـنـتـظـر *]

هلا حبيبي البي بريستيج ..

أقول وانا أخوك .. انت ما تدري ان احنا في عام 2002 م

ولا نسيت ... ياخي اما انا أحيانا أحسك من العصر الحجري ..

بس بصراحه حلوه منك .. وما راح اقول على اد سنك ..

عموما .. إذا ما لقيت المحفظه اكيد في الصراف .. وإذا ما فيه صراف .

راح أقول ترى نسيت المحفظه حاسب ونتافهم بعدين ..

يعني شباب في مطعم عااادي

بس انت عارف وش المشكلة لو طلع هو ما عنده شئ

هذي هي البلشه ..

تحياتي :p

[The_ Hunter]

اووووووووووووووووه معليش والله نسيت المحفظه في السيارة
واروح السياررررررررررررة والطعه نص ساعه عاد هو بيستحي ويحاسب من نفسه واذا جاني السيارة اقوله توني لاقيها ;) ;)
ليش والله مالك حق تحاسب انا قايلك ابحاسب واقلبها عليه

[qrbal]

السلام عليكم ورحمة اللة

صار لي تقريباً مثل هالموقف

واحد من الشباب يدري ان مفلس .. قال ودي اعشيك على حسابي

رحنا للمطعم وتعشينا .. هو طلع قبل ما اخلص وركب السيارة وراح

دريت انة مسوي فيني مقلب .

صرت اكل حبة حبة رز وكل حبة شربة ماي .. والهنود واقفين على راسي .. يحتروني اخلص

قعدت ساعتين وان اكل .. الين شفت واحد م الشباب يمون علي ولاقصر ... يوم طلعت من المطعم ... الا خوي قاعد بعيد وهو يضحك..


ومن خبرتي بمثل هالامور

شف اضعف عامل بالمطعم .. وتحس انك تقدر تسطرة اذا تهاوشت

معة

حاول تسوي معة اي مشكلة .. ولا تفكة من يدك ..ضرب ..ضرب

وصراخ وسب الين يطلعونك من المطعم ويحاولون يرضونك ..

اذا شفت نفسك قربت من السيارة حط ارجولك

[BackShadow]

اهلين بريستيج

شوف حبيبي ... بصراحة انا اكره المواقف اللي زي كذا

بس بصفة عامة الوضع يختلف حسب الشخص اللي قدامي


يعني .. اذا كان الشخص هذا ماخذ عليه انا وما بيننا كلفه فحتلاقيني احياناً اقوم واروح اغسل ايدي واقول له حاسب يا جحش

واعتقد اني سويتها فيك كثيييير ;-(


بس اذا كان الشخص هذا تعاملي معاه رسمي او اني اول مره اعزمه

فاكيد حيكون موقف لا احسد عليه

بس فعلياً بكل بساطة رايح ابتسم له واقوله :


" شايف ... حظك حلو ...

انت اللي حتحاسب اليوم ... وحتنحسب لك العزومة ;-( "


بس ... وبكذا اقلب الموقف المحرج الى موقف مضحك


مع تحياتي

[LAST*HOPE]

تبي الحق انا من اول شي أزبن نفسي وأعزم الشخص اللي معاي ..


واذا صار ثقيل دم وقال عساك على القوه


اشوف الميزانيه واروح للمطعم اللي على قدها ..


عشان كذا دايم تلاقيني عند محلات الفول والفلافل والمطبق :rolleyes:

[*نجـ سهيل ـم*]

مساء الخير .. برستيج ..

بصراحة الموقف بيكون صعب جداً ..

لكن كل اللي بسويه ..

بتأكد أول شي إذا كانت عندهم الشبكة السعودية عن جد حنبتلش ..

وإن كا كان عنده فهذي فرصة العمر ..

بقول عطني جهاز السحب بالطاقة ..

طبعاً بيقول ما فيه ..

بسوي نفسي زعلان .. وبقلب الدنيا على راسه ..

طبعاً خوي بيستحي وبيحاسب .. وهذا المطلوب ..

بسوي نفسي زعلان منه .. وبقول هذي بحق ..

وبقلبها عليه .. وبكون الحق طبعا عشاء ثاني .. بس رسمي هيكون

الحساب عليه ..

لكن لو عزمته في البيك .. مشكله ما عندهم جهاز ..

وبجنبهم صراف آلي ..

[الساحر]

صباح التماسي بريستيج
والله شوف انا قد مريت بالموقف هذا كذا مرة
جاني مرة خالي من الديرة والاهل مسافرين
وانا مطفر علي الحديدة
عاد خالي هذا من القدامي مرة يعني اذا ما ارتكبت مذبحة دموية في سوق الاغنام ويتمت 20 خروف ما يعتبر اني اكرمته
بس الشهادة لله خالي طلع انساني واول ما شاف علب التونة في الصالة عرف اني مفلس وحلف اني ما اسوي شئ
بس انا عاد طلعت فيها وحلفت يمين علي يمينه ماينام الا اذا اعدمنا كائن حي هالليلة
الزبدة خذيته الي مطعم مندي اعرفه وخليته يجلس وخذيت صاحب المطعم علي جنب وحبيت راسه يفك زنقتي والصراحة طلع رجال وقال لي بالحرف
ولا يهمك يا الطيب الناس يبانون من وجوههم وانت باين عليك ما شاء الله ممسوك في كذا قضية بس يالله كلو بثوابو
الزبدة رجعت وانا مرتاح لخالي واول ما شافني حلف لي انو ما كان فيه داعي اكلف نفسي وانو لو خليت الدعوة تميس وفول ما كان راح يصير حاجة
عاد رفعت خشمي انا وقلت ما يصير موب انا اللي اعزم الرجال علي فول وقلابة(كفو والله بس لا تتحمس يالطيب)
المهم بعد شوية جا الاكل
صحن رز كبر الدش
وفوقه اللهم صلي علي النبي
وفوقه يا حلاوة يا حلاوة
وفوقه الله يكفينا شر العين والحاسدين
انثي دجاجة علي سن ورمح
عاد الشايب اول ما شاف بنت المذن منورة فوق الصحن
نظر لي وقال
كفو والله يا ولد اختي هذا العشم
بس ما انت شايف معي ان الدجاجة كبيرة شوي
لا يكون حامل
بعدين يحسبونها علينا حبتين
اقول قم بس قم




:rolleyes: :rolleyes: :rolleyes: :rolleyes:
الساحر

[ناصر الأحمد]

اهلين برستيج

تسيف االحال

عادي مافيه شي ابشوف صرافه ان مالقيت ولا طفران

مافيه غير حل واحد

بقولهم غسيل المواعين علي اليوم وهذا حسابكم

ومطرس عندهم واكسر لك كم كاس وخلهم يطردونك

يقلون لك لا نبي لا حساب ولا تغسيل مواعين


وانتهينا وراح الاحراج

تحياااتووووووو

[ابوفهد]

[shdw]

حبيبي بريستيج
الله يسعد ايامك بالخيرات

شف عاد عامل السن له دوووور

انا شخصيا مستحيل تصير معى ولله الحمد

لاني قبل ما اخرج من البيت اتأكـــد ان المحفظه عامرة بخير الله

قبل ان اتأكد اني لابس ثوبي

تصدق عاد انا لما اطلع البر مع بسام كل جمعة لازم يكون فيها

على الاقل خمسمائة ريال الاحتياط وااااجب

تعلموا ياشباب اليوم :moh:

تحياتي
[/shdw]

[®{ بـريــ!!!ــتـيـج }®]

[c]

مساااء الورد

هلااا بالمنتظر ..

اما انت عاد انا حاس انك كل يوم تسويها ..

تعزم لك مجموعة ولا جاء الحساب ..

سويت نفسك ناسي المحفظة ..

وانت لا انت ناسيها ولا شئ ..

حركاااات ;)

اااااااااااه يالبخل .

_____

مشكوووور منتظرووووه على مشاركتك اللطيفه وترى اللي فوق مزح[/c]

[®{ بـريــ!!!ــتـيـج }®]

[c]

مساااء الخير اخوي الصياد ..

اولا احييك في دررنا ..

وشرف عضيم لي ان يكون اول رد ومشاركه لك هي في موضوعي هذا ..

بصراحة طلعت ذكي مررره بس عاد المشكله لو طلع خويك ما يستحي ..

هنا المشكله ...

______

عموما انت من المرشحين لكسب الجائزه ..

بس تقول لي وش بتتصرف به لو خويك ما يستحي





مع تحياتي[/c]

[®{ بـريــ!!!ــتـيـج }®]

[c]

هلااا اخوووي qrbal

اما عاد انت والله خويك ذا سواها فيك ...

الله يسامحه ..

بس انت تبي تقلبها مضاربات ومشاكل ..

واحنا ناقصين !!!؟؟؟


مع تحياتي //[/c]

[®{ بـريــ!!!ــتـيـج }®]

[c]

مساااء الخير باااك شدوووووووو

اما انت عاااد شكلك كللل يوم تسويها في واحد ..

والله ضحكتني .. كلله كوم ويا ( جحش ) كوم ثاني ..


تقبل تحياتي //[/c]

[®{ بـريــ!!!ــتـيـج }®]

[c]

هلاااا اخوي LAST*HOPE

والله محلات الفول والمطبق والطعميه .. هي اللي تخارج هذي الايام ..

خليك عليها وانا اخوك . . لا يغرك بريق ماكدونالدز وهرفي وو ... الخ

تراها الفقر بعينه ..


مع تحياتي[/c]