- الإهدائات >> ابوفهد الي : كل عام وانتم الي الله اقرب وعن النار ابعد شهركم مبارك تقبل الله منا ومنكم الصيام والقيام وصالح الأعمال والله لكم وحشه ومن القلب دعوة صادقة أن يحفظكم ويسعدكم اينما كنتم ابوفهد الي : ابشركم انه سيتم الإبقاء على الدرر مفتوحة ولن تغلق إن شاء الله اتمنى تواجد من يستطيع التواجد وطرح مواضيع ولو للقرأة دون مشاركات مثل خواطر او معلومات عامة او تحقيقات وتقارير إعلامية الجوري الي I miss you all : اتمنى من الله ان يكون جميع في افضل حال وفي إتم صحه وعافية ابوفهد الي الجوري : تم ارسال كلمة السر اليك ابوفهد الي نبض العلم : تم ارسال كلمة السر لك ابوفهد الي : تم ارسال كلمات سر جديدة لكما امل ان اراكم هنا ابوفهد الي الأحبة : *نجـ سهيل ـم*, ألنشمي, ملك العالم, أحمد السعيد, BackShadow, الأصيـــــــــل, الدعم الفني*, الوفيه, القلب الدافىء, الكونكورد, ايفا مون, حياتي ألم, جنان نور .... ربي يسعدكم بالدارين كما اسعدتمني بتواجدكم واملى بالله أن يحضر البقية ابوفهد الي : من يريد التواصل معى شخصيا يرسل رسالة على ايميل الدرر سوف تصلني ابوفهد الي : اهلا بكم من جديد في واحتكم الغالية اتمنى زيارة الجميع للواحة ومن يريد شياء منها يحمله لديه لانها ستغلق بعد عام كما هو في الإعلان اتمنى ان الجميع بخير ملك العالم الي : السلام عليكم اسعد الله جميع اوقاتكم بكل خير ..
إضافه إهداء  

آخـــر الــمــواضــيــع

النتائج 1 إلى 4 من 4

الموضوع: سبع حكم أجرة سبع سنين

  1. #1
    الصورة الرمزية ناصر الأحمد
    تاريخ التسجيل : Feb 2002
    رقم العضوية : 4
    الاقامة : في مقبره الاحياء
    المشاركات : 1,090
    هواياتى : المطامر بالبران والحوسه بكل شي
    MMS :
    الحالة غير متصل
    معدل تقييم المستوى : 35
    Array

    سبع حكم اجره سبع سنين




    السلاااااام عليكم


    مسااء الخير



    صراحه هذه كتتبها في احد المنتديات وقالها لي شايب مره من المرات

    وهي طويله بعد شوي

    شكلكم تبون تملون من اولها

    ولا ادري باي دره احطها قلت خل انشبها بحلق ارسطو




    نبدا السالفه مدري القصه وعذرونا على الاخطاء الاملائيه والنسيان بعد




    هذ1اسلمك الله اشتغل عند احد الحكماء ( ماهو عاقل الحكما ء)

    واتففو ا ان الاجر ياتي كل سنه <<<<<<< والله الي ماشتغلت عنده

    كمل خوينا السنه الاولى راح اجرته

    يوم جاه يبي يعطيه اجرته قال خوينا خله عندك اابشتغل سنه ثانيه عندك

    وافق الحاكم على طلبه

    اشتغل يوم كمل السنه الثانيه جاه لمه الحكيم قاله هذي اجرتك
    قال خوينا خله عندك ابي اشتغل عندك سنه ثالثه

    اشتغل سنه ثالثه يوم كملها جاه الحكيم وقاله هذي اجرتك

    قال خلها معاك ابغى اشتغل سنه رابعه عندك

    يوم كمل السنه الرابعه جاه الحكيم وقاله هذا اجرتك
    قال بكمل معاك سنه خامسه

    حتى وصل الى سبع سنوات جاه الحاكم وقاله تبي تكمل سنه ولا هذي اجرتك

    قال لا بروح لاهلي عطني اجرتي

    وافق الحكيم على انه يعطيه اجرته

    فقال له انت اشتغلت معي سبع سنوات وهذي اجرتك

    هل تاخذا ؟؟

    او تاخذ بدالها سبع حكم <<<<<<<<<<< تحس انه يبي يزرفه

    فكر خويينا قال وش ابي بالحكم خل اخذ دراهمي

    بس هون قال ابي اخذ الحكم

    وافق الحكيم على كل سنه حكمه تكون اجرته

    قال الحكيم

    هذي الحكم السبع




    1-لاتفشي سرك لزوجتك

    2- لاتصاحب الوالي

    3-لاتزوج ابنتك لبخيل لو كان يمكلك المال الكثير

    4-زوج ابنتك لشهم لو انه فقير

    5-لاتمرح (تنام)في وادي لو انه لم يسيل من اربعين سنه


    6-لاتتدخل بما لايعنيك

    7-لاتقوت الهوى




    راح خويينا يتسحب على رجيله يبي يروح لاهله <<<<<<<<< سبع وخرتها رج يروح

    الا وهو ماشي لقا قافله ماشيه قال لهم وصلوني معاكم

    مشى معاهم يوم جاء الليل يبون يمروحون

    الا انهم صارو ا في وادي

    قال احدهم هاذ وادي مانقدر ننمام فيه
    قال الثاني لا ماعليك هذا من اربيعن سنه ماجاه السيل
    واتفقوا انهم ينامو ا في الوادي

    يوم تحركت دمجه خوينا وتذكر الحكمه قال هذي كاد (مشتغل)فيها سنه كامله ليه ماسويها ليه انام معاهم

    اروح انام بعيد واذا اصبحت جيت لهم

    راح تشطر(ابعد) بعيد خوينا ونام

    يوم اصبح راح لربعه الا مايشوف الا الاوادم والبعارين يطفحون غرقانين الوادي مشى تاالي اليل وغرقهم

    ولا بقى الا كم بعير وبعض الحوسه
    قام خوينا يجمعها ويلقط منا ومنا لين جمع الي قدر عليه
    طلع له حلال زين من الي ماتو ا

    وكمل مشواره لديرته معه كم بعير والحوسه الي جمعها

    وليله بعد ليله ولا بعد وصل
    وفي ذيك اليله وهوماشي بين ذيك الجبال الا انه يسمع صوت لجه وصراخ وخيول

    ولايدري وش السالفه
    قام وزى حلاله وراح يبي يشوف وش السالفه وش ذا الاصوات <<<< انواع القافه

    يوم قرب منهم الا هي معركه قام يطالع ولقافته فيه

    بس تذكر الحكمه الي اشتغل عليها سنه كامله

    لاتتدخل بما لايعنيك

    قال ماعلي منهم
    وتوزى لين اصبح

    ولا مافيه ولا صوت
    غير بعض الخيول

    وين الي يتحاربون ؟؟؟؟؟
    الي مات والي هج اااااايه والله الزين قام خوينا يلقط من ذا الغنايم ويمسك من ذا الخيول
    ورجع لبعارينه وحوسته الاولى
    وكمل دربه لين وصل قريته حمد الله على السلامه

    رحبوا فيه اهله وهللو فيه <<<<<< ماهي لله على شان الي معه
    سمع عنه الوالي ان فيه واحد جاي كان متغرب وجاي وشاف كل يرحب فيه قال بس هذا واحد مهم وبعد عنده حلال واجد الا اكيد شخص مهم
    مرت الايام وخوينا مبسوط وفالها
    الا ان عنده اخو نذل حاسده على الي هو فيه

    اخو خيوينا كل يوم يحسد اخوه على شي لين قرر انه يقتله
    وياخذ كل شي منه
    واتفق مع احد انه يستناه في اخر اليل عند البيت ويقتله
    وحدد اليوم الي فيه يبي يقتله فيه
    الا في ذيك اليله الي مستعد فيها الي يبي يقتل خوينا فيها كان خوينا
    ساري اخر الليل يبي يروح للبيت
    وهو في طريقه قابل عجوز معروفه انها راعيه طرب ( عائشه المرطى على غله )
    قال عجوز وتغني والله مصيبه رد عليها وقال ها و ش عندك

    قالت اني اسمع فيك انك تحب الطرب تعال تسمعك من طربنا شوي


    ناظرها خوينا وقال ذا العجوز في اخر اليل وتبي تطرب والله المشكله عاد من زين الصوت 

    وخري بس خل اروح انام
    الا وهو يبي يروح تذكر الحكمه الي اشتغل عنها سنه كامله
    الي هي
    لاتفوت الهوى
    قال ابسولف مع العجيز شوي
    وخليها تطربني من الطرب
    الا خوينا استنانس على اغانيها وطربها وتاخر وطول الجلسه
    اخوه الي كان زابن ماجا للبيت وموصي خويه انه يقتله رجع لبيت قبل اخوه وكان متوقع ان خويه نفذ المهمه وخلص الا يوم وصل للبيت طلع عليه خويه وكان الدنيا ظلام مايشوف الا ان واحد جاي ويقتله على انه هو المقصود
    مادروا ان خوينا طربان مع العجوز والي انقتل اخووووووه الدلخ .........
    راحت االايام والشهور وخوينا لازال عند الوالي
    ومره استدعاه االوالي وقال له بشاورك في امر
    قال أي شي انا بالخدمه
    قال فيه واحد جاي يخطب مني من ديره ثانيه وعنده دراهم بس انه يقلون بخيل مره وش رايك
    قاله خوي صراحه لو انا مازوجه بنتي
    قاله ليه ؟؟؟
    قاله على شانه بخيل
    قاله الوالي بس عنده دراهم
    قاله زوجه اذا كنت مقتنع فيه
    تزوجت بنت الوالي من هذا الرجل
    وسافرت مع زوجها لديرته
    بعد فتره استدعى الوالي خوينا وقاله فيه شخص خاطب بنتي
    ولا ادري وش يصير
    ابيك تسالي عنه
    سال خوينا عن الي متقدم لبنت الوالي
    وجاب الخبر للوالي وقال له
    هذا رجل شهم وكريم ومعروف بين القبيايل بس انه حاسته الدنيا ودج
    تردد الوالي انه يوزجه بنته بس
    خوينا اقنع الوالي انه يزوجه بنته
    مرت الايام والشهور
    وتزوج خوينا وحده من بنات الوالي
    وصار بدال ماهو يشتغل عن الوالي صار خويه ومشتاره بكل شي....وعديل التاجر البخيل والثاني الطفران ....
    الوالي فيه قصره كان غزال وكان مهتم فيه كثير

    خوينا شافه اهتمامه بالغزال وحبه له

    قام وسرقه وغباه عنده
    وراح شره له خروف وذبحه وجاب لحمة للبيت وعطاه زوجته وقال لها اطبخي ذا اللحم
    سالت زوجته
    قالت وش هذا
    قال هذا غزال الوالي ذبحته وهاذ ا لحمه يالله اطبخيه
    ولا تعلمين احد مره اني انا الي ماخذ الغزال
    قاااااااااالت ابشر
    الوالي فقد الغزال
    وسال كل الي بالقصر عنه كلهم يقلون مايدرون
    وين راح وين راح ماحد يدري

    ويمر يوم يومين اسبوع
    الا الوالي يستدعي خوينا وساله عن الغزال
    قال مادري
    قال تسذب ان زوجتك تقول انك جبته لحم للبيت وقلت لها انه لحم غزا ل الوالي
    قال ايه جوعان واقلته
    قاله جووووع يشك بطنك
    اذبحووووووه !!!!!!!!!!!!!!!!!!
    وتطلع الواسطات من الوزراه الي عند الوالي قالو ا له هذا مشتارك الخاص هذا زوج بنتك
    وهذا وهذا
    رفض الوالي وقال ماعني وعن رقبته
    يابن الحلال بدل يمين يسار قال مافيه
    الا واحد يقترح على الوالي ان اذا ذبحه مراح يرد الغزال
    شوف شي يعوضك عنه فيه
    يحكك الرااس الوالي ويفكر
    قال ابي ثلاثين ناقه ولا الغزال ولا راسك
    ولك مهله شهر
    وافق خوينا على الي طلبه الوالي
    راح خوينا يتسدح بلبيت ويجمع عفشه يبي يسافر يجيب البعارين
    ولاغزال بدالها
    وتجه لعديله البخيل
    ووصل له وتسدح عنده شوي
    وقال السالفه الي اصارت معه وان الوالي طالب منه ثلاثين بعير ولا راحت رقبتي
    وبيك الحين تفزع لي .......
    قام الرجال يتلعثم ويتعتع سمع فيها ثلاثين ناقه قال
    انا ماعندي شي الحين دراهمي حطيتها في قافله والقافله راحت وطي <<<<< انواع التصريف
    بس عندي ذا التيس الي اقدر عليه اعيطك ايها ه
    قاله خوينا يالله العوض ولا القطيعه
    بس خله عندك الحين ابرجع اخذه
    كمل خوينا مشواره وراح
    للعديله الثاني الي طفران
    وصل له وقال له السالفه
    قاله بس امر بسيط
    قاله شلون قال ماعليك الا تجيك ثلاثين بعير
    راح عديله يناقز بين قبيلبه وقبيله وهو معروف قبل بس جار عليه الزمن ودج
    وكل قبيله يرحبون فيه ويهللون فيه
    ويقول لهم السالفه ويتفزع فيهم ويعلمهم لو مادفع عديله راحت رقبته
    قامت النشامى
    والي يعطيه بعير والي اثنين لين كمل الثلاثنن
    ورجع لخوينا وقاله هذي الثلاثين بعير
    اخذ خوينا البعارين ورجع لديرته وعلىطريقه مر عديله الثاني واخذ التيس
    ووصل لدريته وقبل مايروح للوالي راح طلع الغزال واخذه معه
    وراح للوالي بقصره
    الوالي شاف البعارين وشاف الغزال وشاف التيس ولا يدري وش السالفه
    قاله خوينا
    هذي الثلاثين بعير من زوج بنتك الطفران
    وهذا التيس من زوج بنتك الغني البخيل
    وهذا غزالك
    استغرب الوالي !!!!!!!!
    ولا يدري وش السالفه
    قاله خوينا انا قلت لك
    لاتزوج بنتك لبخيل لو يملك الكثير
    وهذا شوف وش يبي يعتق رقبتي فيه
    وقلت لك زوج بنتك لشهم لو انه فقير
    شوف ها ذا الفقير قدر يجمع لك الثلاثين بعير
    ولازال مستغرب الوالي !!!!!!!!!
    طيب الغزال
    رد خوينا قال انا اشتغلت سنه كامله وكان اجري الحكمه الي تقول
    لافشي سرك للزوجتك
    ولازال الوالي في استغراب !!!!!!!!!!
    طيب ليه تسوي كذا
    قاله انا اشتغلت سنه كامله وكان اجري حكمه تقول
    لاتصاحب الوالي
    وهذا انت بغيت تذبحني على شان غزال .............
    الوالي مايدري وش يقول
    اخر شي قال
    حملوا البعارين الي تقدر عليها من الغذا والكساء ورجعوها لاهلها
    والتيس حملوه على قد مايشيل ورجعوه لصاحبه ....................






    تحيااااااتوووووو وبلش يارسطووووا
    للاسف يابو فهد وثقت بمن ... لا يستحق

    وابتعد عنك كل محب

  2. #2
    الصورة الرمزية أرسطوالعرب
    تاريخ التسجيل : Mar 2002
    رقم العضوية : 6



    سلام
    يسلموووووو

    يسلمووووو يا المستكشف....

    بس ودي أعرف شي واحد...

    إنت جلست تسمع كل السالفة من الشايب....؟؟؟

    يعني ما كانت على شكل حلقات

    ثلاثين شبة ...كل شبة بحلقة :p

    والله ما ادري عنك...أثرك حوسة


    بس والله العظيم إستمتعت فيها يا المستكشف...



    جديدك أو قديمك لاتحرمنا منه ...ويعطيك العافية يارب




    ---------

    قال ايه جوعان واقلته
    قاله جووووع يشك بطنك
    اذبحووووووه !!!!!!!!!!!!!!!!!! <===== دنا غلباااااااااااان

    ---------


  3. #3
    تاريخ التسجيل : Mar 2002
    رقم العضوية : 89
    الاقامة : الرياض
    المشاركات : 80
    هواياتى : كرة القدم والسفر وشرب قمر الدين
    MMS :
    الحالة غير متصل
    معدل تقييم المستوى : 23
    Array



    ما ادري بخصوص التيس
    ممكن تسوون حلقات منفصلة عنه
    انا حاس انو ممكن يكون حاجة
    ومتنبئ له بمستقبل كبير

    الله يغربل ابليس اللي متقاط انت وياه في هالدنيا(عربجي يبي يقول شيطانك وما عرف)
    ضحكني مسلسل ليالي البعران حقك
    يا كثر الماشية اللي جت في هالقصة تقول مصلخ البلدية ما صارت قصة تراثية
    بس عن جد اول مرة اقرا قصة لنهايتها مرة وحدة
    كنت اول اقسط القصة علي 12 دفعة من زود حبي للقراءة
    مشكور ابو كشاف(نوع من الدلع الحديث)




    :rolleyes: :rolleyes: :rolleyes: :rolleyes:
    الساحر
    نحن نقدم افضل الخدمات واجود البضائع
    بس ما فيه داعي للشرطة
    كل شئ يجي بالتفاهم

  4. #4
    الصورة الرمزية ناصر الأحمد
    تاريخ التسجيل : Feb 2002
    رقم العضوية : 4
    الاقامة : في مقبره الاحياء
    المشاركات : 1,090
    هواياتى : المطامر بالبران والحوسه بكل شي
    MMS :
    الحالة غير متصل
    معدل تقييم المستوى : 35
    Array

    صباااح الخير




    اهلين ارسطو تسيف الحال

    الله يسلمك

    ايه هذا شايب الله يسلمك كل يوم اسمر عنده ويسبحن علي من ذا السباحين


    بس وين ذ1ا االسالفه يوم واحد ذا الشايب مشاءالله عليه كل يوم سالفه



    واهم شي انه اعجبك اول احتر ي التشويت

    وانشاءالله الي نقدر عليه نجيبه

    <<<<<<<<<<<<<< لاتعطيه وجه تراك تبي تبلش



    ااهلللين السااااحر

    شلونك
    عساااك طويب

    انو ممكن يكون حاجة
    ومتنبئ له بمستقبل كبير <<<<<<<<<<< ادفع نص ارباع عمري واعرف من علمك الحتسي هذا

    مشاء الله اجل قريتها كلها انا جالس اسبو ع اكتبها كل يوم اكتب شي منها


    وتسلم على ردك

    تحياااااتو

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. الرسول صلى الله عليه وسلم يشرف منتديات الدرر
    بواسطة محمد المحيا في المنتدى الــدرة الإسـلاميـة
    مشاركات: 24
    آخر مشاركة: 15-02-2006, 12:13 PM
  2. ~*~][في رحــــــاب الأنبيــــاء 24\30 ][~*~
    بواسطة الأصيـــــــــل في المنتدى الــدرة الإسـلاميـة
    مشاركات: 1
    آخر مشاركة: 21-11-2003, 07:05 PM
  3. رساله وصلتني على ال e-mail من شخص يرغب في بيع عيونه
    بواسطة الوجيه في المنتدى اســتراحـة الــدرر
    مشاركات: 0
    آخر مشاركة: 04-10-2003, 09:20 PM
  4. مالي لا أراها....!
    بواسطة واحد ثاني في المنتدى دُرة الأدب العربي والإبداع المنقول
    مشاركات: 7
    آخر مشاركة: 31-03-2003, 11:26 PM
  5. . . . مساحه حره 24 . . .
    بواسطة Sami96SA في المنتدى اســتراحـة الــدرر
    مشاركات: 3
    آخر مشاركة: 01-09-2002, 10:02 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
جميع الحقوق محفوظة لمؤسسة واحة الدرر 1432هـ - 2011م
كل ما يكتب في هذا المنتدى يمثل وجهة نظر كاتبها الشخصية فقط