مرحبا بالجميع
[poem=font="Simplified Arabic,4,red,normal,normal" bkcolor="transparent" bkimage="backgrounds/40.gif" border="none,4,gray" type=0 line=0 align=center use=ex num="0,black"]
الله من ضعف العروبة والإسلام= ضعفاً تعدّا الوصف فاق الحدودي
لو علّموني عنه كذّبت الأعلام =واقول هذا محض دعوى حسودي
لكن بلاي الي نظرته بالإعلام=منقول بالصورة وصوت الشهودي
حقايق (ن) تجري وتحسب بالارقام=عن العدد والحصر يمكن تزودي
في كلّ قطر اجروح وآهات وآلام= وقايع (ن) مرّه تلوع الكبودي
النوم طاروياعسى الجفن مانام = ممّا دهى لبنان وقت الهجودي
من عهد سبتمبر مضى خمسة اعوام =وسالفة برج التجارة تعودي
هجمه غبيه قادها بعض الأزلام=صارت مبرر للعدوّ اللدودي
حكم على كلّ المساعي بالإعدام=مات السلام على يدين اليهودي
أطلق صواريخه كما وبل سجّام= شقّت سحايب من ركود وجمودي
عادة بني صهيون تدمير وإجرام=ماهي غريبه من عيال القرودي
تاريخهم غدروتهاويل وآثام=تاريخ مخزي من زمان الجدودي
ولا لهم ذمّة على مرّ الأيام=محرفين الحقّ قوم الجحودي
ذكرهم الله في كتابه بالإحكام=يعاهدون وينقضون العهودي
شراذم وشذّاذ آفاق واقزام=على الضعوف من الخلايق اسودي
وجيشهم ماله شجاعه ولا إقدام =ولا يواجه غير خلف الحدودي
تحميهم أمريكا برايات وأعلام=وتوعد اللي ضدها بالقيودي
لها العراق وسيّدتها لها الشام=قسمه ومن حاز السياده يسودي
ومجلس الامن الورق ماله أقلام=جماد ماله بالمواقف جهودي
للسّلم مايملك علاقه ولا الزام = إلاّ إذا تقرب ديانا لدودي؟
مدري متى يوقف بنا موج الاحلام=متى نشوف الحق حقّا وكودي
تهنا وحيّرنا بنا كلّ الافهام =وأصواتنا فيها شبه للرعودي
باقوالنا واشعارنا دوم قدّام= وافعالنا متوشحه بالركودي
على بعضنا ننفجر مثل الالغام= ونشتعل مثل اشتعال الوقودي
أمّا العدو حاشاه من أفّ وإراغام=برضاه نصمد مانملّ الصمودي
خيبة امل اصبح بها الكلّ منضام= ماعاد في كثر الملايين فودي
الله من ضعف العروبه والإسلام=ضعفا تعدا الوصف فاق الحدودي[/poem]
مع أحلى الأماني
رد مع اقتباس
المشاركة الأصلية كتبت بواسطة عبدالله الكناني
