~ قديمك نديمك ولو الجديد .... أغناك~ (1)

[الأصيـــــــــل]

سلام عليكم جميعاً حبة حبة ونفر نفر


فكّرت فكّورة صغيّورة كده مع نفسي

وقلت كل الأعضاء دحين (أقصد القدام طبعاً )

صاروا زي الفنّانين القدام كمان فهاليومين

زمان .. كانت أشكالهم تفجّع وحالتهم حاله

واليوم أخذتهم الموضه وغيّرت أشكالهم وصاروا كلّهم آخر شياكة



واحنا كمان زي كده (الأعضاء القدام) <--- مرة تانية عشان اللي ما فهم


[grade="00008B FF6347 008000 4B0082"]فقررت أنا الأصيـــل هائل أبو يوسف زوج وهج ولد سديم أخو جف البحر [/grade]<--- ياساتر


إني اغوص في ذكريات الجميع ومشاركاتهم وأرفعها بعد ما تكون أندثرت

بس ما حقّولكم إيش هوّه الموضوع ... حقلكم كاتبه والدرّة اللي رفعت الموضوع فيها

وخلّينا نتذكر أيام زمان الحلوة وردودنا الأحلى على بعض

والموضوع ان شاء الله حيكون زي السلسلة .. وكل يومين مع واااااااححد أو وحده

أسيبكم تتفرّجوا براحتكم وتشوفوا البلاوي حقّت فنانيننا .. قصدي الأعضاء القدام <---- كلاكيت ثالث مرّة

----------------------------------------

واليوم قررت إني أبدأ بحبيبي وأخويا وصاحبي وقلب المنتدى




[align=center]جف البحر [/align]




والموضوع حتلاقوه في درة الونــــــــاسة والترفيه




تحياتي ،،،،،،،،

[BackShadow]

اهلين ابو يوسف


شوف كيف الزمن ... وصار جف البحر ينقال عليه من القداما


بس بصراحة موضوع في الصميم ...
من جد حتلاقي مواضيع اكثر من رائعة

يمكن لان العضو يكون في بداياته فما يحسب حساب لاي شي
ويطلع كل شي من القلب على طول


مشكور على الفكرة الحلوة ذي وراح اكون متواصل معاك فيها باذن الله


مع تحياتي

[بخيت]

يعني لازم من الفضائح ؟

طيب جيبو فضايح عدله

مسكين ياجف

ولك يوم ياظالم

[ROMEO]

ياعيني عليك ياهايل يافنان مغبر آوي أنتا

لمن تكتك كدا على برادي منعنع وتسوي حركات صعبة



المهم.............والمساكين المخضرمين مالهم في الحب جانب ...( اخصيييييييي عليك) بتزعلهم منك

وياويلك وسواد ليلك لو اخدو بخاطرهم عليك......

ينامو الليل من غير لحاف




بس طلب بسيط

واللى يرحملي ابوك وامك.... لاترفع لروميو موضوع حينما انقتل البلوت ( خلينا في البنت الأيكا الملاك)

يكشف بحالك ياهمام... عدتيني



تحياتي يامدخنــــــــــة

[عابده لله]

[align=center]

السلام عليكم ورحمة الله وبركاته


صراحة مشروع رائع اخي هايل

وسنرى فيه العجب العجاب
وقفشات جميلة وبريئة..


بارك الله في جهودك أخي الطيب ..

وسدد خطاك..

.
.
عابده[/align]

[جف البحر]

يييييييييييه

صباح الشماته

هايل

اش تبغى انته

ترى مره مره هادي اسمها تصيّد ..

ياخي مو حلوه انك تصيد في بلاوي الناس <<<< ترى مو أنا اللي كتبتها ..

عموما خليني اشوف الموضوع دا وارد هناك

الله يستر ما يكون اتمردغت مره

يعني مردغه قليل مهي مشكله بس مو مره


........................


اونكل بعمرك انا يبو الشباب..

العضو 45 ..


يعني تبغى انته قديم رقمه كم ..

-3 !!

المهم ..

نشوف والله يستر..



......................

رومي ..

يلعن أبو بلوتك ياشيخ ..

ههاااااااااااااااع



مع حووووووووووووووووووووبي،،

[جف البحر]

اقول اصيلوه

مافي لا موضوع ولا نيلة ..


هاااع