من أهم مشاكل العصر الحالي
ان الاب بس يريد ينجب علشان يفتخر عنده ابناء اكثار
واذا زوجته ما تنجب يقول سيبوني أعيط دخيلكم ويتزوج بالثانيه والثالثه
وتستمر مشاكل اشو هالعذاب والابناء يتوهقون
بعض الاباء ما يحترمون ابنائهم الرجاجيل قدام اخواتهم من البنات
انواع التهزيء والتصافيع والشوت اتقولون داش مباره ويا شارون ماكننا ابنائهم اشوه هالحاله نتبرئ منهم شو
اذكر قصة لواحد(ن) من الشباب ايقولي
انا الشيبه عندي ظالمني وايد
قلت مب معقول اباء يظلمون ابنائهم
قال بلاك ماتدري عن السالفه
ايقول كان ويا الشباب في المول ولمحه الوالد
وكان ينشد هالنشيد:
يا طالع الشجره
هات لي وياك ابقره
تحلب لي
وتسقيني
بالمعلقة الصيني
ويوم(ن) انه وصل البيت يبا يتعشى ويرقد
ايقول سمع صوت زئيرا(ن) حشى أسد مب رجال
وقدام اخوته صطره طراقات
بس الموقف مب زين تنظرب قدام البنات شخصيتك تنهز
وما يسمعن كلامك بعد هالنون النسوه
الي يقهرني ان البنات ما ينظربن ونحن الاولاد نشوف انواع العذاب
الامور يااخوان باختصار مب طبيعيه ويا بعض الاباء
شو ع راسهم ريشه محد يعاتبهم ويلومنهم مب تراتيب والله
انا اقول ان الاب يحترم نفسه اشوي والمثل
ايقول (ان كبر ولدك خاوه واذا طقيت ولدك لا تطقه قدام نون النسوه والا هَلّك)
بعض الاباء يحسبون التربية طق الله معطنهم صحه يفترون على ابنائهم المحترمين
انا يوم(ن) أعرس أطق اعيالي طق
واقول ذوقوا اشوي لا بركة(ن) في ابليسكم

معصب(ن) وسيبوني أعيط دخيلكم

تحياتي القلبيه