بعد التعب عودت مثل . . اي انسان
بنسى همومي مثل ما الناس ناسين
قعدت اقلب فالفضا كوم بلدان
من شاشه لشاشه ولاادري على وين
قلت انبش هموم وكواليس الاوطان
واشوف هالحين في ويش لاهين
اول قناه وفلم عن قصه اخوان
حبوا فتاه . . وفرقت بين الاثنين
ثاني قناه ووجه او لوحه الوان
من لبسها. . وش لبسها؟ ربك يعين
ثالث قناه ورقص واضواء والحان
اجساد معروضه من ايدين ليدين
رابع قناه وشاب من بين نسوان
يشرح لهن عن موضه الفين
خامس قناه ومن صبايا لـ. . فنان
لا والله الا زغردي يافلسطـيــن
سادس وسابع قناه كلها حمله اعلان
ثامن وتاسع مثل باق العناوين
عاشر قناه ومنظر يهز الابدان
من شوفته ضاقت على دمعي العين
قبله وانا تحت الغما. . بين جدران
حول الحطب واقسى على البردويلين
بعده وانا تحت السما. . فوق طوفان
واحس في صدري سواه البراكين
منظر طفـل دينه نسخ كل الاديان
مسلم يعرف الله قبل ينطق السين
منظر طفـل مسلم من بلاد الافغان
بين المطر والبرد والجـوع والطين
عاري وخايف لن كم طفل عريان
في مثل عمره اندفن قبل يومين
جايع ومن كثر القناعه والايمان
يسكت ويقرا. . الحمد ويقول امين
صوته عتاب ورعشه ايدينه احزان
ونظره عيونه مثل طعن السكاكين
يارب يااللي عندك الناس سيان
تجار وضعوف وعبيد وسلاطين
حنا عبيدك وانت ياعالي الشان
ادرى بخبث وغطرسات الملاعين
يارب تدمر كيد عباد الاوثان
وتعز ناس همها نصره الدين
. . . بقلم فهد المساعد . . .
[/align]
