سؤاااااااااااااااااااااااااااا ااااال وجيه لكم كلكم

[إسراء]

مساء الانوار
[c]


[/c]
مشرفتنا الطبيخة كيفك يا عسل ؟؟؟ ;)

حبايبي كلكم كيفكم ..

بجد عندي سؤال جدا وجيه ..

و السؤال هو من غير لف و لا دوران

هل ..

ايوة نعم هو دا السؤال ..

هل لازم انو الوحدة تكون تعرف تطبخ ؟؟؟

و ما مدى أهمية دا الموضوع بالنسبة لكم ؟؟ يعني قصدي مسالة

الطبخ ..

سؤالي للرجل ..

لازم تتزوج او يهمك انها تكون تعرف تطبخ ؟؟

سؤالي للمرأة ..

إيش المتعة اللي تشوفيها و انتي قاعده تطبخي ؟؟
و كيف أسير احب الطبخ ؟؟

معليش يا جماعة الخير بس من جد الموضوع عاملي أزمة محد متخيل

قد ايش في البيت ..

ماما كل ما تشوفني ما شاء الله سرتي قد الحمار و لا تعرفي تطبخي

مني عارفة ايش المشكلة بالظبط

طيب تقلي قد الحمارة ..لا حمار ..

المهم ..

فمنعن لإستمرار سلسلة التهزيء المطبخية نرجو تعاونكم


[c]

[/c]



تحياتي للجميع

الأسطورة

[المرهفة]

أختي العزبزة الأسطورة

بصراحة سؤال وجيه

الطبخ

بصراحة أنا من الناس اللي تحب تدخل المطبخ واحب اعمل فيه حقل تجارب

والحمد لله كل مرة اطلع من المعمل بنتيجة طيبة يعني لما اشوف معالم الرضى على وجه اخواني

يقولون طبخك طيب .... لكن المشكلة ما آكل من طبخي أبد غير للتذوق والوالدة في البيت ما تدخل المطبخ على اساس اني صرت اعرف فنون الطبخ ::* لهيك تلاقيني نحيفة مره ...

عموماً إجابة على سؤالك

أكيد برأيي الشخصي يجب أن تكون المرأة ملمة بالطبخ لأنه مو معقولة لما تتزوجين انت تجلسي زوجك هو اللي يطبخ أو يصبح من رواد المطاعم كمان اولادك نفس الشي

والأهم من ذلك .... اقرب طريق لقلب الرجل معدته مو كلهم طبعاً

بس الطبخ حلو لنا كفتيات

لأنه يعتبر جزء من شخصيتنا ووظيفتنا في بيتنا ..

علماً أن هناك رجال يجيدون الطبخ أحسن منا MAD2:

عموماً .. سأترك الإجابة للآخرين .. لكن أحببت ان أشاركك في رأيي

تحياتي


:

[rosemary]

مرحبا إسراء


بصراحة تفكريني بنفسي


كل إجازة بابا القلبي يقول :

يا بنات دي اإجازة انشالله تدخلو المطبخ وتتعلموا

إحنا:
حاضر من عيوني

تبشر


(ولا تدورينا )


بس شوفي نصييييحة :
يقولو عقل الرجال في بطنو

مدري الطريق للوصول إلى قلب الرجل بطنه

يحزنووووو


بس أطمنك

صاحبتي في الحج أتجوزت ولا تفلح تسوي سلطة

بس الكتب علمتها ورحنالها من أسبوع تقولي ما شالله طباخة >>> من جد ما بأترق


الحل بسيط :

مهرك أطلبيه
>
<
>
<
>
<
>
<
>
<
>
<
>
<
>
<
>
مكتبة طبخ




بس حقيقي الطبيخ مهم

والله يديكي العافية


لمن تتعلمي شي بشريني
وإزا سهل علميني معاكي

[* الـمـنـتـظـر *]

مساء الخير أختي إسراء ..

أنا والله ما أتزوج واحده إلا تعرف تطبخ ..

حتى لو ما نحتاجها تطبخ ..

بس الإحتياط واجب ;)

يعني الزنقات كثيرة اليومين ذي ..

صح ولا أنا غلطان ..

وبالنسبه لأمك ..

تقدري تطلبي منها أنها تناديك بالمسمة الثاني اللي انتي قلتي

وما أظن راح ترفض :p


لب الموضوع .. اختي المرهفه ما قصرت ..

وأنا راح أخدمك وأقول لك أني ممكن أعطبك كورسات مجانا ..

خبرة طبخ سنتين في عزبة على السطوح .

وتحت الخدمه بأي وقت ..

مع تطبيخاتي :cool:

[aljenny]

[c] لا
[/c]

[إسراء]

مساء الانوار ..

اهلين اختي الغالية المرهفة

يسعدني رايك يا عسل

انتي عارفه فكرتيني بخالتي تدخل عشان تطبخ رز بخاري يطلع رز ا بيض

عادي جدا ..

بس انا مااحب اجرب شيء ما اعرفه .. او عشان اكون صريحة اكتر

ما احب الطبخ اصلا ..

و بعدين يا ستي لو ما اتزوجت ؟؟؟ خلاص مو مهم اسير اطبخ ؟؟;)

انا احب اسوي اي شيء لكن ما يكون فيه لا لحم و لا دجاج او بصل

او سمك او توم ===> خديها من قاصرها و قولي سلطة

بس انتي عارفه مو مرة احب المطاعم لان مرة اقرف من اي شيء

يعني اليوم الي الطباخة هيا اللي تسوي الاكل لا يمكن احط شيء في

فمي .. الا ازا كانت ماما الله يديها لاعافية هيا اللي طبخت ..

غير كده مستحيييييييييييل اكل شيء ما اعرف مين سواه

من جد المرهفة ما تصدقي قد ايش اقرف ..

فعشان كده ماما احيانا تنبسط عشان في دي الحالة لمن اجوع

و ما القى شيء انا اقوم اسويه بنفسي


بس يا ستي الله يعين


تحياتي

[إسراء]

مساء الانوار ..

اهلين حبيبتي ميري

مييييييييييييييييييييييييريييي ي

ارجووووووووووووووووووووووووووو ووووووووووووووووكي بليز

عسى عمري ان شاء الله ما عرفت اطبخ ازا كان عشان خاطر الزواج

على قولة هنو الله يخلي العنوسة ;)

بس من جد هو شيء حلو محد يكره انو يتعلم يطبخ ..

فولا يهمك لو عرفت شيء ح اتصل عليكي على طووووووووووووووووول

و انتي كمان


سلااااااااااااااااااااام

[إسراء]

مساء الانوار ..

أهلين المنتظر ..

ما اعرف ليش احسك شمتااااااااااااااااااااااااااا ن ..

بس يا هو انت يا حركات يا احتياط

على كده يبغالك تدور وحده فوق التلاتين عشان تكون تعرف تطبخ :p

هههههههههههههههههههههههههههههه ه

ترى ماما مو عشان شيء بس عشان هيا الحكاية مسالة تعود مش

اكتر

دحين باللهي بدك تقنعني انو انت تعرف تطبخ ؟؟؟؟

طيب سؤال انا كنت الخبط فيه

ايش الفرق بين البقدونس و النعناع غير الريحة ؟؟؟

بس ايش كنت تطبخ فوق السطوح فراااااخ


سلااااااااااااااام

[إسراء]

طيب

[* الـمـنـتـظـر *]

هلا إسراء ..

حرام عليك .. أنا أتشمت فيك ..

لا والله كبيرة .. وبحق بعد .. ولا أقول لك خليها بعشوه

وبعدين أنا قلت لك الإحتياط واجب .. صح ..

بس مو شرط تكون فوق الثلاثين ..

أنا أبي أتزوج .. مو أنتحر .. الله يسامحك بس


لا عن جد مشكوره ..

طيب ممكن أفهم أنا وش سويت لك عشان توهقيني في واحده عمرها

ثلاثين .. أش رايك اربعين أحسن .. عشان تخاوي أمي

أيوه على فكره انتي الحين لما تقولي ههههههههههه

تضحكي من جد .. ولا حروف بس

وبعدين امك لو ماهي مقهوره منك ما كان قالت لك ....... من جد

حاسها قويه شوي :p عشان كذا ما راح اقولها

وبعدين أنتي تشكي في قدراتي ..

تشكي اني أقدر أقول للبيك صكّر وأنا أفتح ..

تشكي أني ما أقدر أقول لبيتزا هت صكّر وأنا أفتح المنتزر هت ..

أعترفي انك حاسدتني ;)

تري عادي شباب في درر

والحين أنا راح أجاوب على سؤالك البسيييييييط ..

من جد سؤال مال أمه داعي

الفرق بين البقدونس والنعناع غير الريحه ..

ان البقدونس لونه وردي ..

والنعناع لونه أخضر ..

شفتي البساطه في الرد :rolleyes:

اوكي ..

أيوه على طاري السطوح ..

انا كنت أطبخ فوق السطوح .. سنبوسه .. فول وتميس .. مطبق

ومعصوب .. كلاوي .. دندرمه .. طرمبه .. لحم ضفادع

عصير المنتزريك .. وأشياء كتيييييييييير .

مستعد اعطيك دوره .. قلت لك اول ..

وبطليك حسد ..

اللهم أني أعوذ بك من كل عين هامه ..^-^

بسم الله علي .. في عدويني ان شاء الله

:p

[My-Spirit]

وربي أحبكم .. أحم


نرجع لك يا ستي اسطورة

مو عيب اننا ما نعرف .. بس العيب اننا ما نتعلم ولا نعطي فرصة انهم يعلمونا

حبيبتي الطبخ ذوق وفن .. وبيني وبينك كله ابتكارات وتجارب

تصدقي عاد اني ما كنت اعرف حتى اعمل بيض مقلي :p بس لأني احب اتعلم واحب اكتشف ماشاء الله ما شاء الله الحين صرت اعرف اطبخ واحب اطبخ .. واتحدى ابلة نزيرة كمان ;)

صدقيني غاليتي
الطبخ متعة لو بس تفكري فيها على انك راح تبتكري شيء واذا كنت فنانة تخلي هذا الشيء يعجب اللي يجربوه راح تحبي الموضوع هذا
وصدقيني راح تنجحي

على فكرة .. ما عليك من هنو .. تقص عليكٍ
قال ايش قال الله يخلي العنوسة :cool:
ما عليكي منها عيوني


بعد اذنك شوي اسطورتي .. برقيات سريعة

المرهفة ..
تعجبيني .. عشت على الكلام الحلو هذا

روزماري ..
غاليتي اشرايك انا اعلمك واعلم البت الاسطورة كل ما هو سهل وسريع
وصدقيني راح تعجبك السالفة

المنتظر .. طيب
تقول انك فنان طبيخ .. ايوه هين

[إسراء]

صباح الانوار ..

تحياتي المنتظر..

دحين باللهي فين بدك تلاقي وحده في عمر مناسب و تعرف تطبخ ؟؟

لازم تقعد لك كم سنة حقل تجارب تدوق و تتحمل كل شيء لين ما

يظبط الوضع معاك و يسير عال العال .. و يزيد وزنك عشرة كيلو و تقول

الله يخلي مراتي حبيبتي

هههههههههههههههههههههههههههههه هههههههههههه

ترى من جد مرة ضحكتني ..

خلاص طيب اسمع اتجوز وحده عمرها فوق التمانين كلها كم سنة

تموت و تورث ====> تخطيطااااااااااااات:cool:

ترى و الله اضحك من جد ؟؟؟

ليه يا لطيف قد كده شكلي اني وحده كشرية

هههههههههههههههههههههههههههههه ههه

المنتظر ا شبك ناوي على عمرك انت .. حرام انت لسه في عز شبابك

حرام يعني .. ايش كنت بدك تقول .... ماما و قلنا عادي

و انت ؟؟؟؟؟؟؟؟

بس صراحة قدرات فتااااااكة يا شيف المنتظر ..

البيك مرة وحده ؟؟

يا أحمد هت ؟؟؟

طيب يبقى قابليني ..

و الله حدك مطعم ابو شقرة .. و لا مطاعم ابو هندل ..

قلك قلك تبغى تسويلي فيها فاهم مطاعم

و انت ما تفرق بين البقدونس و النعناع ؟؟؟

يا ابويا البقدونس ينزرع في الارض ..

اما النعناع

احم

النعناع برضو نفس الشيء ...

اوكيك

انت اللي كنت تقلي ا للقيمات ؟؟؟ و تطبق ريحة الحارة بالزيت ؟؟

و تطير فطير المشلتت على الناس

و بعدين تروح تلملم الضفادع من بحيرة السبع دوخات :019:



يالله سيدي مش مشكلة ..

الهي يحرسك من العين و يسخر لك بنت الحلال اللي تريح بالك;-(



تحياتي

الأسطورة

[* الـمـنـتـظـر *]

الأسطورة ..

انتي الحين هذا كلامك كله تبي تقهريني عشان أنتي ما فلحتي في

الطبخ .. وما أظن راح تفلحي ..

شوفي يا ستي ..

عشان أوفر عليك .. وبدال ما أنتي قاعدة تتشمتي فيني .. وما أدري

أيه .. روحي اتشمتي في نفسك ..

يعني أنتي الحين داخله جامعه .. ومنتي عارفه تسوي شئ ..

وا فشيلتاااااااااااااااااااااه ..

يا عرب .. ما رأئكم بهذه البنت .. التي لا تفقه صلصةً ..

ولا تدري ما معنى ملح ..:p



على فكره قبل لأ أنسى ..

هالحين من جد عندك واحده عمرها ثمانين ..

إذا بنحصل شئ من وراها راح أتزوجها ..

وراح اصلي كل اليوم الفجر في المسجد ..

وأدعي إلهي يآخذ عمرها :p

ما عليك إلا تدوري على عجوز الحلال المناسبة ..

وأعتبري نفسك معزومه للفرح من الآن ..




إسراء وبعدين على الإحراج مع الصبح كذا ..

يعني ضروري أتفشل كذا ..

خليني فاهم مطاعم ..

وأسوي فيها كل يوم في قاعة فندق فخم أتعشى ..

ما أدري وش أحرق رزك الحين


عموما انا ماني جاي أتهاوش .ز

بس عندي لك اليوم درسين طباخه ..

أول شئ


الأندومي


هذا يا عزيزتي ..

تفكي الكيس .. OK

وبعدين ترميه في القدر ..

وراح تحصلي فيه كمان ملح وزيت وما أدري أيه ..

تجيبي مويه .. ولا حتى بيبسي ما تفرق ..

وتحطيه في القدر .. الظاهر تسوي نصف لتر ..

وبعدين تكبي متحويات الكيس في القدر ..

تنتظري خمس مدري عشر ..

وتعالي شوفي أندوووووووووووووومي

اتهنى بالطعم اللي تتمنى ..



شاي أحمر ( ساده )



هذا يا ستّي .. بس تآخذي أصغر براد عندك بالبيت ..

يعني تقدري تقولي شاي شخصي ..

حق فنجانين بس ..

وبعدين تحطي المويه ..

وتغليه لين يغلي على النار وتحطي السكر ..

وبعدين تحطي كيسين شاي الربيع ولا ليبتون ..

وأشربيه شويه شويه ..

أظن خدماتي اليوم كثير ..

هذي أول درسين ..

اتمنى أكون خدمتك .. وأن فهتمي بسررررعه ..

وما كانت طريقة الشرح صعبه ..





هالحين انا ودي اكلم الروح شوي .



يالروح .. صباح الخير ..

انتي وش فيك ..

كل شوي حاطه نقرك من نقري ..

تري أقلب مطبخك ذا عاليه واطيه ..

وكل اصحون بكسرها .. والفيري ذا راح أكبه على راسك

روقينا طيب ..

ووممكن خدمه ===> واحد يحكّ راسه ..

ممكن أروح درة المرأه والطفل :p

[إسراء]

صباح الانوار

مشرفتنا الغالية ..

و الله مرة اسفة على التاخير في الرد ..

من جد صح كلامك .. بس المشكلة انو ماحب المطبخ ابدا .. يعني

ادخله بالمضاربة .. بس ان شاء الله ح احاول ..

يا ستي انا قصدي بردودي انو لو بدي اتعلم لطبخ فحاتعلمه عشان

نفسي مو عشان زوجي طيب افرضي ما اتزوجت

تصدقي شكلي ح اجي عندك اخد كورسات و ارجع طبيخة تاني :cool:

مرة شكرا اختي الغالية ...

تحياتي

[إسراء]

صباح الانوار

منتظروه طااااااااااااااااايب

رجعالك بكم طبخة و برد معتبر


انــــــــــتـــــــظرونــــــ ــــــــا:cool:




سلاااااااااااااااام