السلام عليكم ورحمة الله وبركاتهحروف مااتت في الاعماقاتمنى ان تنال اعجابكموعذراً على الغياب.
تعال نصحح اخطاء الزمن قبل الزمان يدور.............../*/...علينا اخطائنا اللي قد مضت ماهيب محسوبه
تعال نوثق عهود الغلا لو الزمان يجور
.............../*/... نبا نقهر ظروف الوقت قبل نضيع بدروبه
تعال وخلنا ننسى بعضنا مع بعض مسرور
.............../*/... تعال وخلنا نفقد عذاب البعد وذنوبه
تعال الله يلعن ظلمنا اللي بينّا مستور
.............../*/... انا اشوف ان الضماير ياحبيبي شبه مسلوبه
تعال وخلنا نعاتب بعضنا لو بدون شعور
.............../*/... تعال وكل واحد يعترف وش كان عذروبه
تعال الا تعال الا تعال انت القمر والنور
.............../*/... تعال انا بدونك دنيتي علي مقلوبه
تعال نذكّر الليل ونجومه والقمر مشكور
.............../*/... بأحلى ايام مرّت في سطور العمر مكتوبه
على وضح النقى كنّا على متن السحاب طيور
.............../*/... ثنين وكل محبوب ملا بالشوف محبوبه
سقاك السيل ياهاك الليالي ياشبيه الحور
.............../*/... تذكّر يوم كلٍ يمسح دموع الغلا بثوبه
تعال الا تعال الا تعال وضمّني مخطور
.............../*/... على قلب العنى تزداد نار فيه مشبوبه
تعال ومابقى للدمع الازرق في المحاجر كور
.............../*/... تعال الدمع يفضح هامتي نوبه ورى نوبه
تعال وكل ماملك لك ولاباقي لغيرك سور
.............../*/... انا كلّي فدى قلبك ودوك اليوم مطلوبه
تعال وشف بعين القلب وانت اللي عليك الدور
.............../*/... على حروفي تحطين النقط باسلوبك اعذوبه
تعال الا تعال الا تعال وما مضى معذور
.............../*/... تعال انا بدونك دنيتي عليّ مقلوبه
وسلامت قلوبكماخوكموضح النقى