تحية عذبه ,,,
مساء الفل والكادي
-*-*-*-*-*-*-*-*-*-*-*-*-*-*-*-*-*-*-*-*-*-*-*-
Warning : يمتنع مرضى القلب و صغار السن والمطرطعين
وعلى فكرة .. مالي شغل بالفاتورة .. اقطع النت احسن لك
-*-*-*-*-*-*-*-*-*-*-*-*-*-*-*-*-*-*-*-*-*-*-*-
الموضوع نازل بالدرر و نسيج , اللي يبي يهزأهم في اي مكان عاااادي
واللي يقدر هنا وهناك له الاجر مضاعف انشالله :p
-*-*-*-*-*-*-*-*-*-*-*-*-*-*-*-*-*-*-*-*-*-*-*-
ايه والله عفنت الرياض , لكن ابشركم خلاص نظفت .. سافروا :p
السالفة و مافيها .. حضروا شباب جدة للرياضوععع عشان يحضرون زواج داون لود ما غيره !!
فكرت انزل موضوع حش .. لكن قلت مايستاهلون , يكفي اقول وش صار .. من جد حلقات طاش ما طاش
خلونا نشوف سوا .. من البداية
مكالمات جوال :
-1-
الظل : كيفك يا جحش ؟
نايف : هلا والله شنبو بخير الحمدلله , كيفك انت ؟
الظل : الله يعافيك يا جحش , قل لي بس .. متى زواج الجحش داون لود ؟
نايف : هه !! ما ادري لكن رح اقول لك قبلها اكيد
الظل : طيب باي !!
طوووط طووووط
-2-
الظل : كيفك يا جحش ؟
بسام : هلا والله شنبو , كيفـ ..
الظل : متى زواج داون ؟
بسام : هه !! اظن الزواج عائلي ومارح احد يحضره الا العائلـ...
الظل : بلا عائلي بلا خرابيط , جايين جايين
بسام : !! لكن يا ظلظول لا تحرج الولد ماله داعي , اعتبر نفسك حضرت
الظل : اقول متى بس الزواج ؟ ولا اقول لك .. يالله باي!!
طوووط طووووط
-3-
الظل : كيفك ياعمدة ؟
ابوفهد : هلا بالجنط , كيفك انت ؟
الظل : اقول متى زواج داون ؟ رح نجي ونايف يقول مايدري متى و بسام يقول عائلي !!
ابوفهد : ماعليك منهم يعرفون متى الموعد , تعالوا بس , الزواج الخميس الجاي
الظل : انا اوريك فيهم يالله باي
-4-
الظل : ياجحش انتا
نايف : هلا والله بعمري و غلاتـ ..
الظل :كيف تقول ماتدري عن الموعد ؟!! <---- وهو معصب
نايف : ما ابي اكلف عليكم عيوني , مشوار من جدة للرياض , وكمان تعرف الحين دوامات و مدارس واشغال
الظل : مابه تكلفة ولا شي , بنجي نحضر الزواج ونقعد معاكم ونرجع الجمعة
نايف : عشان كذا قلت ماله داعي تجون , مو عشان الزواج عشان القعدة معانا
الظل : ايييش ؟؟
نايف : خلاص تعالوا
-5-
نايف : بسام
بسام : هلا نايف , عسى ماشر ؟ وش فيه صوتك ؟ طمني ؟
نايف : الظل ..
بسام : لالالالا لا تقول بيجي ترا باذبحك , كلمني وقلت له الزواج عائلي
نايف : وش اسوي مدري من علمه , المهم انهم بيجون
بسام : بيجوووون !! الظل ومين كمان ؟؟
نايف : ارسطو و الاصيل و دندون و المنتظر ونجم سهيل و بريستيج
بسام : ليه ياربي كذا , الله يلعنك يا داون لود , طيب ليه ماقلت لهم ان الزواج بالخرخير ولا عرعر ولا اقول لك , من زمان وانا مواعد سامي بالشرقية وش رايك نروح له والله مشتاق له حيل مدري ليه :p
نايف : !@#$#@!%@^ خلاص بسام .. اصبر واحتسب .. وش نسوي المهم من قصر الافراح ع المطار على طول , بلا قعدة بلا هم.
بسام : يالله ضف .
- 6 -
بسام : الو عبسي
نايف : هلا قرقور , وش تبي ؟
بسام : ابشرك قدرت اسوي ديسكاونت
نايف :كيف يعني مافهمت ؟!!
بسام : مارح يجي الحين الا الظل وارسطو و دندون والاصيل
نايف : امممووواااااه تسلم لي والله , شد حيلك اليوم الثلاثاء , يعني لين باكر انشالله تكون قدرت تكنسلهم جميع :p
بسام : انشالله بس الوقت يساعدني
-------
طبعاً ماكان به وقت , المهم حضر التحف الاربعة .. الظل - ارسطو العرب - دندون - الاصيل
استقبلهم بالمطار ابوفهد و بسام
بسام يوم شاف شنطة الاصيل بغى يغمى عليه , مو معقووووول
ناوي يقعد شهر ذا مو ويك اند
المهم اخذوهم على المقهى مباشرة الوعد هناك نجتمع كلنا
طبعاً مافي امل اروح , انسى الموضوع وكل شوي بسام داق علي وانا اصرفه
مرة السيارة مع اخوي , مرة اهلي يبوني , مرة عمي جانا
وماعاد صرت ارد على رقمه :p
شوي الا و عزيز داقرديت وانا مستانس على بالي باسبانيا لسة
نايف : هلا وغلا ومراحب الف
عزيز : هلا نايف , كيفك وحشتني
نايف : عارف
عزيز : توني راجع اليوم , اشوفك الليلة ؟ عندك ارتباط ؟
نايف: ابداً عيوني فاضي , من يمناك ليسراك , يالله مرني استناك <--- ماصدقت افتكيت من العيال بلا تنكات بلا هم
نص ساعة الا وعزيز جاي , وبعد السلام قلت له وين تبينا نروح
عزيز : عند العيال منتظرينا
نايف : لااااااااااااااااا , اهيء اهيء اهيء امداهم يقولون لك , على باللي بننحاش
عزيز : معليش يانايف اعتبرها زكاة , وكلها يومين وينقلعون
بالطريق كل عشر دقايق , وبسام داق على جوالي , وابوفهد داق على عزيز
اعرف بسام مايدق حب فيني , الا عشان يبيني اتنكد معاهم :Rolleyes:
وصلنا المقهى .. الا وعصابة الاربعين حرامي قاعدين
ابوفهد - ابورهف - بسام - الظل - ارسطو - دندون - الاصيل - لاست هوب - شاقي
نسيت اقول لكم , اول ماوصلنا انا وعزيز ماصدقنا اللي نشوفه
الظل وارسطو ودندون والاصيل !!!!!واقفين يتصورون بالمقهى !!!
وياخذون صور فوتوغرافية للذكرى , واوتوغرافات حقت القهوجية !!
بعذرهم ماتعودوا على كشخة المقاهي , حدهم "كازينوهات" الورش
المهم ..
سلمنا عليهم وقعدنا , نصف ساعة تقريباً الا وعزيز مستأذن , رايح يجيب روميو من المطار !! ( لطفك يارب )
حضر روميو وسلم علينا وقعد
طبعاً مايحتاج اوصف لكم الخِشَشْ .. مممم والا تدرون ميب شينة والله
الاصيل و دندون .. يذكروك بافلام كرتون حقت الدب والنحيف نسيت اسمهم , ستانلي ومدري مين معه , اووووه ياااباااا :p
الظل .. شنب وطلع له بني آدم
ارسطو .. اكوام اكوام لحم , يذكرك بخيشة بطاطس
روميو .. شرشبيل حق السنافر
ابورهف .. كعبول
سولفنا و ضحكنا وهاتك يا تعليقات ونكت
طبعاً ابورهف كان في حالة ( انكشاح ) غير طبيعية , متالق فوق العادة , حاس انه طلع اللي في قلبه لسنتين قدام :p
استقعد للجميع , حتى لنفسه :rolleyes: اول مرة يكتشف انه خفيف دم :p
يعني بصراحة الولد يجي منه ;)
طلعنا من القهوة رحنا نتعشى في (يامال الشام) اللي بالعليا , اول ماقعدنا و ناخذ المنيو , الا ويسال الاصيل والظل : وش عندهم ؟!!!
لا ياشيييخ , يا شاورما يا مشويات , يعني وش بتلقى مفطح :p
وكل شوي انواع الازعاج من الاصيل , الطاولة ليه مي مفروشة ؟! مافي مناديل ؟!! ليه مايجون هم بالاكل ؟!!
اول شي بسام جاب المقبلات , ورحت اجيب صحون الشاورما حطيتها اناظر الا الصحون ممسوحة !!! وعلبة الكاتشب للنص !!
طيب وصحن المقبلات عديناه , لكن الكاتشاب !!!!
اناظر بسام وهو يغمز لي .. عديّها
سحبته ورحنا نجيب المشويات , وانا اقول له : الظاهر مجوعين اعمارهم من السبت عشان الزواج
بسام : ياخي ماشافوا خير ابد , بغوا ياكلون المناديل , خلنا نرجع بسرعة لا تخلص صحون الشاورما
نايف : مو معقولة , ثلاث صحون كبار وتوهم منظفين ثلاث مقبلات كبار , بيمدينا , خلنا نحشهم شوي قبل لا نرجع
اخذنا المشويات و ... تنحت
ولا دعاية فيري !!!
يلعن ابليسكم استحوا شوي طيب , في اثنين تنكات معاكم بياكلون , بقوا حاجة , حتى المخلل حق الشاورما ما خلوه
حطينا المشويات وسحبت كرسي وقعدت , الا وباقي نص كباب وحبة اوصال بس في الصحن اللي قدامي !!!
يااااهوووو والله حرام , اناظر لابو رهف , ولا كلمة .. ولا حتى نفَس , بس ياكل , من جد مثال للخشووووع والهمة
الظل نص الاكل يتعلق بشنبه , ويستغرب ليه ياخذ اللقمة كبيرة و يبلعها صغيرة !!!
الاصيل طبعاً هو و دندون .. "سمع الله لمن حمده" , مارفعوا راسهم ابد الا يوم قلنا يالله نمشي !!
ايه نسيت اقول لكم سالفة العصيرات , عشان تصدقون بس لمن اقول لكم تحف :p شوفوا كل واحد منهم وش طالب :
الظل : موز بالحليب بالعسل !!
ارسطو : رمان بالحليب !!
دندون : خربز بالحليب !!
الاصيل : كيوي بالحليب !!
روميو : برتقال بالحليب !!
ابورهف : حليب بالحليب :p
وش سالفة الحليب مدري !!!!! الباقيين طلبنا سفن و بيبسي
طلعنا على الشقة بعدها , سهرنا سوالف و ضحك و حش
ارسطو و دندون والاصيل تقولون قطار قديم .. تتن × تتن
ابوفهد و عزيز على قناة الجزيرة , يدورون الاخبار
انا و بسام في زاوية و لاست هيلاهوب و شاقي في زاوية
والظل لابس فنيلة cut ومطلع ذراعه مدري فخذه , تذكرت غورباتشوف ;)
استأذنّا على 3 تقريبا مدري 4 والله ما اذكر زين , والاصيل يقول لي : نايف نام عندنا
نايف : !@#%@#$^%@$%^ نعم يا روح امك
!! لا حبيبي معليش عشان الوالدة سهرانة تحتريني باكر نتقابل ( هذا وجهي ان عاد شفتوني الا بجدة)
ومازال لطاش بقية :p
أنــــا و بـــــس
[/align]
