..( استشارة سريعة بعد ماانحرق شي )..

[Nooosa]

.
.

عندي على مايبدو ( التماس ) بسلك اللاب توب ..
طبعًا كل ما أحد عدّا من جنبو ( فصل ) أيًا كانت الظروف !

له أكثر من 3 شهور .. والفترة الأخيرة بدأت أشك انو مو من السلك ..!
لأنه فجأتن بدون أي حركة يفصل ..

طيب أحس الآن إنه الفأس قطع راسي

..فصل الجهاز زي أي مرة .. بس مارضي يشتغل ..
( لمبة ) البور لما اشغله تشتغل والشاشة لأ ( ســوداء حمقاء )..
وأسأل الله .. أن تكون ( اتحرقت ) هي أو ( لمبتها ) .. ( أهــــون ) من انه الهارديسك يصير له ( أي ) مكروه ..

إيش تتوقعوا ؟!
وإيش رأيكم ؟!

على قول المتألقة دانيا .. ما أصلحه وأشتري غيره .. بنفس سعر الصيانة !
مو مشكلة عندي يا دنو أشتري 10 غيره بس الهارديسك ما يكونش جراله حاقة وحشة .. لحسن حكره كل أجهزة العالم .. ومش حتعامل مع اي محمول تاني ابدن ابدن ابدن

..
.. طيب سؤال كمان ..
أقدر أستفيد من ( هارد ديسك ) جهازي ؟؟
أستخدمه في جهاز تاني ؟؟

[Dakhil AL-Ghamdi]

الظاهر والله أعلم أن كهرباء المذر بورد مضروبة

[Nooosa]

الظاهر والله أعلم أن كهرباء المذر بورد مضروبة

.. يعني البور سبلاي؟

[ابوفهد]

لاحول ولا قوة إلا بالله

يعني ما ريح نخلص منك ومن تخريبك للأجهزة ؟

يا ستي الهاردسك ممكن نقله لأي جهاز أخر عادي

حسب جهلي بمثل هذه الأمور إلا أنني لا أعتقد أن حبيبك صاره حاجة

يعني كل هالفترة صابرة على سلك الكهرباء ولما الرأس قطع الفأس جيتي تبكي على خراب مالطا ؟

بما أنه قادرة تشترى 10 غيرة طيب هاتي معاك واحد لي

كان الله بعونك يا أبو عبدالله عليها

تحياتي

[محمد المحيا]

أهلين دكتورة نوسا..

انتي تتكلمي عن لابتوب.. مسألة نقل الهاردسك لجهاز ثاني ممكنة بس المهم يكون جهاز من نفس الموديل أو قريب منه جداً لأن مو كل أجهزة اللابتوب تستخدم نفس الهاردسك مثل أجهزة الدسكتوب..

لكن أول شي خلينا نشوف مشكلة الشاشة.. طيب لنفرض إن السلك خربان.. طيب المفروض لما يفصل السلك يتحول مباشرة على البطارية.. فكيف يطفي مباشرة؟!! والا جهازك من غير بطارية؟

ثانياً في الوقت اللي تنطفي فيه الشاشة هل تظل لمبة الهاردسك شغالة والا تنطفي تماماً هي كمان؟؟

[DANiA]

اصلا مافي بطارية عشان كدا لمن نفصل السلك ينطفي الجهاز..
.
اصلا بعد مااتخرب الجهاز الشاشة ماعاد تشتغل..ولمن تضغط البور التشغيل..تجي وحدة من اللمبات شغالة والباقية ماتشتغل اصلا واصلا الشاشة ماتشتغل..اللمبة الي تشتغل مرسوم عليها صورة لمبة..فقط..
طب ممكن الهاردسك نخرجه ونعمله فيش يواس بي!!
< كلام نوسة

[محمد المحيا]

الهاردسك إذا كانت هي بس تبغى البيانات اللي فيه ممكن تشتري وصلة خاصة وتوصله بأي جهاز ثاني..

فيه كذا نوع من الوصلات.. طبعاً لازم تتوافق مع نوع الهاردسك الخربان..

تفك الهاردسك من اللابتوب وتشبكه بالوصلة عن طريق Usb

[Nooosa]

.
.

كلام نوسة ياخراطة تقول أصلاً وأصلا < أمزح تراها بايتة عندنا

عمو ابوفهد ... معلييييييييييييييه خل تتصلح أموري ويجيــك الرد -بإذن الله-
محيـــاااانا .. -بحفظ الله- وصل ( )..

.
.
( يارب ) ..

..أ.محمد،.. الآن الحمدلله اتطمنت على الهارديسك مبدئيًا .. إنه ( يارب ) فيه أمل باستعادته بطريقة أو بأخرى ، ..

إيش رأيك طيب في حكاية إنه يفصل ( فجأتن ) كدا بدون ما أحركه !!..
والحالة انتقلت لجهاز الوالد كمان -الله يستر- ..!
جبت داك الجهاز ( نسيت اسمه ).. اللي زي المحول ينظم/ يثبت التيار الكهربائي .. وما سار يفصل ..

وبالنسبة للشاشة .. جربت توصيل شاشة خارجية .. وماشتغلت (حسرتي)..
إيش تتوقع كمان ؟.. لمبة الشاشة ؟/ كهربة المذربورد زي ماقال اخونا الغامدي ..؟

وأما البطارية .. فـ هاديك اللي ماتت ماعد دفنتها ولا جبت غيرها
.. ربنا كريم

[Nooosa]

فيه كذا نوع من الوصلات.. طبعاً لازم تتوافق مع نوع الهاردسك الخربان..

.. لا تقول عليه كدا

وسامحنا.. مالنا بعد الله ( غيرك ) ..

* ثانياً في الوقت اللي تنطفي فيه الشاشة هل تظل لمبة الهاردسك شغالة والا تنطفي تماماً هي كمان؟؟

ما تنطفي .. بس ماعرف إذا الجهاز كان يشتغل ولا لأ ..
لأنه المفروض لما اقفل الشاشة .. يسير ستاند باي .. وتتغير اشارة الضوء صح ؟ ..
لكن تفضل زي ماهيَّ ما يسير شي ..

ولما بدي أطفيه ( فصلته مجبرة ) ويدي على قلبي وراسي وجيبي ..

[ابوفهد]

والحالة انتقلت لجهاز الوالد كمان -الله يستر- ..!

لا على كذا أكيد تحتاجون شيخ يقراء على أجهزتكم

[محمد المحيا]

صراحة تلخبطت من كثر اللمبات

نوسا.. لما ينطفي الجهاز ما تلاحظي حرارته عالية والا طبيعية؟
غير الحرارة العالية بعض الفايروسات تسبب انطفاء الكمبيوتر..


وبعدين لما كان الجهاز شغال على المنظم كانت تشتغل الشاشة كمان؟ والا الشاشة ما عادت تشتغل نهائياً؟؟


بالنسبة للوصلة طبعاً ما رح تشتغل إلا إذا كانت متوافقة مع نوع الهاردسك
يعني قبل ما تشتري الوصلة لازم تكوني عارفة نوعها
إذا لقيتي المسألة صعبة اعطيني نوع ورقم موديل الكمبيوتر وأنا أحاول أطلعها من النت..

[Nooosa]

صراحة تلخبطت من كثر اللمبات

معاك حق،.. سامحنا

نوسا.. لما ينطفي الجهاز ما تلاحظي حرارته عالية والا طبيعية؟
حار،.. بس مو مره.. عادي يعني،.. جهاز دانيا الصاحي أسخن منه ..( ياحافظ )..

غير الحرارة العالية بعض الفايروسات تسبب انطفاء الكمبيوتر..
اوهوووووووووووو،.. إيش اللي (عادم ) جهازي وملفاتي غير الفايروسات وأخطاء النظام اللي أول ما أشغله !! .. وأنا والله مافضيت عشان أعالجه ( مع إنه في نيتي ).. كل مره أمشي حالي عشان أكمل الشغل ..............

وبعدين لما كان الجهاز شغال على المنظم كانت تشتغل الشاشة كمان؟ والا الشاشة ما عادت تشتغل نهائياً؟؟
ماجربت،،.. أجرب اليوم،.. وأرد -بإذن الله-

بالنسبة للوصلة طبعاً ما رح تشتغل إلا إذا كانت متوافقة مع نوع الهاردسك
يعني قبل ما تشتري الوصلة لازم تكوني عارفة نوعها
إذا لقيتي المسألة صعبة اعطيني نوع ورقم موديل الكمبيوتر وأنا أحاول أطلعها من النت..
عندي هارديسك خارجي،.. وفكفكته لقيت الشغلة مو صعبه إن شالله،.. وأكيد ماتقصر ولا بدنا نغلبك.. حاعطيها لفني/ تقني في محل.. جنبنا ...إذا استلزم الأمر،.. إلى الآن عندي أمل،.. وودي أصلح الأمور..

[Nooosa]

.
.

السلام عليكم ،..

و يــااا حسرتااااه على مااا فرطت !!

بعد ( ماكان )..
وديت جهازي.. لمهندس نعرفه
قال لي يحتاج للشركة .. و ( أنصحك ).. تشتري غيره !

ويعتقد المشكلة في المذر بورد .. أو حاجة قالها مافهمتها ..
والشاشة كمان

آخر ماتوصلت إليه .. إني حآخد الهاردسك وبس .. وأمري لله
.
.

قلت له .. تشتري مني الجهاز ؟! .. قال بـ 10 .. تبيعي ؟!!

.. إيش رايك يابشمهندس ؟؟ أرميه فين ؟؟!

[DANiA]

...
يسرى..

يكفي الهاتف قارفني

[{البحر}]

.

قلت له .. تشتري مني الجهاز ؟! .. قال بـ 10 .. تبيعي ؟!!

[align=center]علي بــ 15
راح اشتري سمك في مويه لكن العوض على الله

وظلم ذوي الربى أشدَ مضاضةً *** على المرء من وقع الحسام المهند [/align]


[align=center]تحياتي[/align]