[color=ff1493][align=center]يمر الشـهر و الشهريـن و تتراكم فـي قلبـي أحزان
ويمر العامين و العامين و أقـول أنـك بـاكر تجينـي
تحلــي مر ذي الايــام و تسمــع خافـي الوجـــدان
تنــور ظلمة فــي صـــدري وتطفـــي نــار تكوينـي
ويا ليتك سمعت الصــوت ونبــض قلبـــي التعبــان
قلب شكا من بعـد خــله واشــقاه فـــراق الضنينــي
حسافه عني متعامي ومـاشي في مركـب النسيــان
والله ما كــان العشـــم بسهــوله تقـــول نــاسينـــي
نسيت عمرنا الماضــي نسيــت دهــرنا اللــي كــان
نسيت يوم دخـلت القـلب و فــي صــدري سكنتيـني
أصارع موجك العالي في بحـر الصــد و الهجــران
سـيل القــهر يجــرفنــي ومـــوج الغــدر يــرمينــي
على كف الشقا نامـت جروحــي و الألــم ســهـران
يدق ناقوسه في صـدري وسلاسلــه تكــبل إيديــني
أنا المطعـون و المظـلوم أبكـي الهجـر و الحـرمـان
عرفت الـمر مـــن غــدرك عذابـي ودمـعتي بعينـي
أنا المجروح والمغدور انا اللي في الهوى سكـران
أحس الأرض مسكونه وتـوســوس بـي شياطينــي
انا المهموم و المغموم انا اللي فـي الدنــى حيــران
لبست الليل علي جلبـاب وظــلامه يحصــد سنينــي
انا مخلـوق لحــم ودم أنا اللــي يسمــوني إنســان
لي مشــاعر و احاسيــس لــي قلــب ينبــض فينـي
جف عمري ينبوعه وذبل زهـري علـى الأغصـان
وصــار الحــب يشكيــلي وصــار الهــم يـطــوينــي
وصار الجرح لي مسـكن وصار الدمـع لـي عنـوان
نساني الفــرح وعنــي بعــيد اميـــال بيــنه وبيــني
حرام تنكر حبيب الأمــس وتنــسى هــوى الخــلان
كفاني ظلم مـــن قلــبك ومــاجــانــي مـنك يكفينــي
حسبتك للعهد توفيـن وتصونــي عشرتــي ازمـــان
تلــف حولـــي شبـــاكك ولا تعلقــت بهــا تخلينــي
حســافه غــرنــي شكلـك ويـا مــا تخـــدع الألــوان
خسـاره ماكتبـت أشعــار خســـاره فيــك دواوينــي
خساـــره فيــك انــا حبــي ولــيالـي بتهــا سهــران
قسـم بالله مــا تســوى شعـــره مـــن نظـــر عينــي
خلاص عدلت انا حبـــي عـدلــت كيلــي والميــزان
وأوزنــت انـا قـــدرك بالمـكيال اللــي به وزنـتيـني
بس أصفق و أعترف لعبتـي الــدور علــي بإتقــان
صــدقت إنــي لك حبــيب وانك تبـي قربـي وتبينـي
خســــــاره كيـــف صدقتـــك نعــم والله انـا نــدمان
ادري إنـــي غبــــي وحمـا ر دام إنـك خـدعتيــني
ولــو دار الزمــن ضــدك وجيـتي تطلـبي الغفـــران
وش ينفــــع الـــف إعتـــذار دام إنــــك خسـرتينــي [/align][/color]