مشكلة تنشيط الويندوز..عاجل

[DANiA]

[align=center]السلام عليكم ورحمة الله وبركاته

أريد حلاً في اسرع وقت..لأني احتاج جهازي الترم الجاي بحث التخرج

المشكلة:

عادي زي كل الناس بأفتح النت وكان يجيني من فترة تنشيط الفيستا وكنت اطنشو واقول الغاء الأمر, فجأة فتحت جهازي وعملت تسجيل دخول مافتحي غير شاشة سودا ونافذة تقول تنشيط الويندوز يا احط مفتاح للويندوز الجديد يا اشتري الويندوز من النت

فتحت صفحة اشتري الويندوز من النت وماعندي اي خيار تاني افتحو عالجهاز
لقيت الأسعار كان البيسك ب 89$ والبرينيوم 119$ دا إلي افتكرو

وجلست كم يوم مكتئبة وكل نومي احلم بالويندوز

بعدين وحدة قالتلي اعملي ريكافري للجهاز يرجعلك الويندوز الأصلي,,, قبلها دخلت على السيف مود واخدت كل ملفاتي

وعملت يكافري طلعلي انه الرجال الي وديت عندو الجهاز اول ماشتريته مسحلي الأصلي ,, المهم
وديت الجهاز المحل مع السيديهات الأصليه الي جات معاه اكس بي هوم اديشين

واليوم جاي الجهاز بسلامته...

بس الي اعرفه انه الإكس بي حيقفل في بداية السنة الميلادية مع نوزل الويندوز الجديد وحيصير قدامي يااشتري الويندوز الجديد او انه اشتري الفيستا واكيد سعر الففيستا حيغلى عشان غصبا عنهم الناس يشترووه..

دحين انا ايش اسوي؟؟

اشتري الفيستا الأصلي من النت؟ولا من جرير ؟ ولا من امريكا ولا ماليزيا و ايش؟؟

في جرير كان سعر البرينيوم في ال800 ريال تقريبا.. في امريكا سعرو ب 240$

ايش الأفضل يااهل الخبرة؟؟ وايش اسوي على حالتي المسكينة دي؟؟

اهم شي انقذوني في اقرب وقت..

وشكرا على كل حاجة.,.,[/align]

[محمد المحيا]

وعليكم السلام ورحمة الله وبركاته

مرحبا أختي دانيا

ماني شايف أي مشكلة

انتي ليه مصممة على الفيستا؟
الإكس بي وقفت الشركة إنتاج نسخ جديدة منه.. لكن النسخ الموجودة حالياً ما راح تنتهي أو تتوقف في بداية السنة ولا نهايتها.. فاطمني من الناحية هذي..

وبالنسبة للأسعار عمرها ما ترتفع.. كل فترة يخفضوها

نصيحتي طالما عندك الجهاز جاية معاه إكس بي نسخة أصلية فخليكي شغالة عليها وأكيد راح تكون كافية لاحتياجاتك في الدراسة وغيرها..

وبالتوفيق إن شاء الله..

[DANiA]

الحمدلله الله يطمن قلبك زي ماطمنتني..

جزاك الله خير أ محمد..
كدا جهازي صار تمام ونزلت كل البرامج المهمة.. الحمدلله



شكرا لك