_______________________
السلام عليكم ورحمة الله وبركاته
البارح كمان كانت ليلة حلوة مع ناس أحلى من العسل ,,,
المحيا ـ الظل ـ أحمد السعيد ـ أبر مون ـ جدة ـ زادي
شاطئ لاكوستا , جو ولا أحلى من كدا ,,, ومباراة المان ضد البرشا زادت الحلاوة
وكالعادة , بدأ الحوار بوتيرة هادئة بين حزب زادي و المحيا ضد حزب السعيد والظل على عدة مواضيع ومحاور , ثم زادت النبرة إلين قاموا الجماعة إللي جنبنا , ثم جا العامل يبي الحساب وأتحاسب ومشي , والكلام ماشي , ثم شوي العالم طفت اللمبات ولملمو الفرش والمساند ومركازنا هو الوحيد إللي باقي , ثم جانا واحد وقال ياجماعة خلاص عزلنا , وحنا لازلنا نتقناقش , ثم قمنا ووصلنا عند الباب والكلام حااااااااااااااااااامي , ثم طالعت في الساعة صارت وحدة وربع , ثم إنسحب أحمد السعيد وبقينا خمستنا في الكلام ودخل أبر مون بقوة في الموضوع وجدة ماشاالله عليه رابط جلنط وقاعد يتفرج , ثم خرجنا برا وبرضه الظل مو راضي يقتنع والمحيا يحاول .
أخيراً ركبناه سيارته والموعد الأسبوع الجاي ومشينا أنا والمحيا وقلنا لبعض سلام .
الموضوع إللي كنا قاعدين نتكلم فيه , سوري , المواضيع إللي أتكلمنا فيها بدأت كالعادة بهيئة الأمر بالمعروف ودخلنا على موضوع إقفال المحلات أثناء الصلاة ثم دخلنا في إللي يجاهر بالمعصية وهو مسلم ثم دخلنا في عملية فتاوى البنوك , هذا غير ( التناتيش ) .
طبعاً بكل أمانة ماني فاكر موضوع واحد قفلناه سواء بإقتناع الطرفين أو برضاهم , وما أقدر اقول غير ألله يعطيك العافية يا أحمد السعيد , ماشاء الله عليك ,,, أحلى حاجة أحمد قال كفارة المجلس أربع مرات ( لأني قاعد جنبه قاعد أحسبها ) وماقام ولامشي إلا بعد آخر كفارة بنص ساعة !!!!!!!
بس والله تمنيت إن الجلسة تطول لأنه كانت حلوة والمناقشة مفيدة وأحلى مافيها ( القفشات ) إللي حصلت فيها .
فمان الله , ,،وإللي عنده تعليق , لايبخل .