هذا الشعب ما يصلح الا للغزل وملاحق البنات بس ..هههه

[فهد الاحمد]

الســـــلام عليـــــــكم ...

العنوان شوي ثقيل .. عارف .. لكن من جد .. عمري ما شفت شعب يحب المغازل وملاحق البنات زينا حنا يا السعوديين .. موب انا .. يعني اتكلم بشكل عام ..

بس ليه ؟؟ من جد ليه ؟؟

يعني وين ما تروح .. في المجمعات .. في الشوارع في اي مكان .. في غزل ..

حتى في الرياض .. والمعروف انه في المجمعات ممنوع دخول الشباب وزي هالكلام ... يعني مسكرين على الشباب بشكل غير طبيعي هناك .. وهيئة ومدري ايش .. وجلد في المجمعات قدام خلق الله ..

لكن !! في غزل .. ويمكن اكثر من اي منطقه ثانيه .. !!
!!
هذا يعني .. ان الشباب اذا بغوا يسوون شي ... سووه وماعليهم من اي شي يقيدهم ..

يعني المسألة مسألة نفسية على ما اظن ؟؟ اجل وش اللي يخلي الشباب يعاندون ويجازفون بعض الاحيان في الغزل ؟ موب الشباب بس .. حتى البنات بعد ..

هو صحيح .. قلنا .. ان هذا الشي فطرة بين الجنسين .. ما اقصد بكلمة فطرة هنا ان ان اي واحد يطلع من بطن امه يغازل ... لا .. اللي اقصده بالفطره .. ان الشاب يميل الى الجنس الآخر نفسيا .. اذا وصل لسن معين .. وتلقائيا ..

نشوف .. مثلا في المجمعات .. الشباب يتعطرون ويشخصون ويرسمون ويجلسون نص ساعه بالمرايه يظبطون الشماغ والعقال ..
لييييييييييييييييييييييييييييي يييييييييييييييييييييييييييييه ؟

علشان يلفت انتباه الفتيات ..

ونشوف هالبنات في المجمعات اللي تتزين واللي صابغه الوجه كله كحل واللي مطلعه خصلة من شعرها بلون كحلي .. واللي تلبس العباية المخصره ... وهالكعب الطويل العريض .......

لييييييييييييييييييييييييييييي يييييييييييييييييييييييييييييه ؟

علشان تبي تلفت انتباه الشباب ..

وانا اتوقع .. ان اي شاب او شابه لازم تمر بهذي المرحلة ..

وعلى فكره .. انا رحت مناطق في السعوديه ... البنات هناك ابد .. ما يعرفون هالمخصر ولا هالمكياج .. وعباية على الراس ... لكن .. ابد .. الشباب اللي هناك ماغير غزل وملاحق فيهم ؟؟؟؟؟؟؟؟؟

بلا شك .. هذا شي نفسي ...

وفي شباب .. والله اذا شافوا هالكاشخ او هالحليوه . وهذا اللي يلفت انتباه البنات ... يقولون الشباب في نفسهم .. آه يا ليتني مثل هذا .
ونفس الكلام بالنسبه للبنات على ما اظن ...

ما ادري .. لكن .. اللي انا شايفه .. ان هذي مرحلة يمر فيها اي شاب او شابة ..
______________________________ _

تاريخنا يقول .... ان زمان اجدادنا ... الا .. كان في غزل .. لكن بشكل بسيييييييييييييييييط جدا جدا جدا .. موب مثل هالايام ..

لييييييييييييييييييييييه؟

لأن زمان .. الشاب اول ما يوصل مرحلة البلوغ .. يجي ابوه ويزوجه ..

و الحين .. اصلا عيييييييييييب انك تبي تتزوج .. خلي الزواااااااااج لأهله .

ما تشوف الا واحد عمره ثلاثين سنه .. هايت بهالشوارع والمجمعات .. وبين اصابعه ورقه فيها رقم تليفونه .. ويشوف هالبنت .. ويطالعها بنظرات .................... و ها .. تبين الرقم ؟؟انا عندي بي ام دبليو .. ها .. وش قلتي ؟؟؟ ;)

لو قلنا ان عمره 20 21 22 .. ها .. قلنا معليه .. 23 24 25 .. هاا .. هم تنبلع .. لكن 30 كبيييييييييييييييييييييييييييي ييييييير .. على هالسوالف .;)

______________________________ ______

موب خلااااااص .. الوضع الآن تغير .. موب زي اول الواحد اذا بغى انه يتزوج تزوج ..


والله ما ادري .. هل نلوم شبابنا ... ولا ما ينلامون ؟؟؟

وتحياتي لكم .......

[شوق الصبر]

يقول الرسول صلى الله عليه وسلم ( من رأى منكم منكراً فليغيره بيده فإن لم يستطع فبلسانه فإن لم يستطع فبقلبه، وذلك أضعف الإيمان)


أدع لهم بالهداية إن لم تستطع على إنكار المنكر مع العلم أنه واجب على كل مسلم بتفاوت درجة الإنكار حسب ما في الحديث أعلاه..



تحياتي

[مغترب]

[ALIGN=CENTER]الاخ العزيز فهد..........و شوق الصبر

اولا السلام عليكم

ثانيا... اصابع يدك ماهي مثل بعض

فيه شباب كثير مايحبون الحركات ذي

وفيه بنات كثير بعد

ولكن نقول قليل من الشباب هداهم الله مازالو يحبون الحركات ذي

ولو ما شافوا قبول من الطرف الثاني (البنات )ما جلسوا يطاردونهم....

وبعدين الفراغ يسوي عجايب

وانت قلت بنفسك ميول للطرف الاخر...لو هذا الشباب حصل شي يستفيد منه ويشغل وقته فيه كان ما شفت الحركات ذي

اعذرني على الاطاله

مع تحياتي

مغترب[/ALIGN]

[فهد الاحمد]

بس عندي تعليق بسيط على هذي (ولكن نقول قليل من الشباب هداهم الله مازالو يحبون الحركات ذي )

لا والله .. اعذرني .. انا اقولك كثيـــــــــــــــــــــــــــ ــــــــــــــــــر من الشباب هداهم الله يحبون هالحركات ..
وبس ..

تحياتي ..

[ابوفهد]

أخي العزيز فهد
وعليكم السلام ورحمة الله وبركاته

يا أخي العزيز بس هو العنوان اللي شوي ثقيل؟!!

بل ان كل مواضيعك من الوزن الثقيل

بس لا يكون وزنك ثقيل لدرجة تأثره كتاباتك بوزنك؟

عزيزي

اسمح لي ان أخالفك كعادتي

ليس نحن فقط من يحب المغازل وملاحق البنات !!!

بل في جميع أنحاء العالم هذا الشيء منتشر

انما الاختلاف هو بالأسلوب فقط

وطبعاً الدول المتحررة والتي ينتشر فيها الاختلاط لا تستطيع ملاحظة حركات المغازل لأنك تجد الفتاة تسير بجوار الشاب وذلك شيء عادي فلا تعلم هل هو قريب للبنت أو يغازل البنت أما عندنا فشيء طبيعي أن تعرف اللي يغازلون من أشكالهم وطريقة تصرفاتهم .

أخي العزيز

الملامة تقع على الجنسين عل كل حال هنا أو في الخارج

ثم ليكون في علم الجميع أن البنت المحترمة والمحتشمة لن يستطيع أحد الشباب أن يتعرض لها بأي سوء

لكن من تخرج إلى الأسواق وهي بكامل زينتها المغرية والفاتنة إضافة إلى الروائح الفواحة والتي يصل تأثيرها إلى القلوب عوضاً عن الأنوف والعياذ بالله .

لدرجة أن بعضهن هداهن الله عند عزمها للذهاب للسوق نشاهدها وكأنها ذاهبة لحضور فرح

بالله عليكم أليس في ذلك فتنة ؟

وطبعاً البنت معذورة في ذهابها للأسواق لقضاء حاجاتها بنفسها لأنها أدرى بما يناسبها لتشتريه هذا خلاف أن ولي أمرها يرفض أن يؤمن لها ما تريد إضافة إلى أن الأمور اختلفت عن الماضي والذي كان الرجل في الغالب هو من يشتري ملابس واحتياجات زوجته وبناته .

حيث اذكر على حياة الوالد الله يرحمه ويسكنه جنات النعيم هو يشتري حوائج الوالدة أطال الله بعمرها هي واخواتي فالله المستعان

أما الشباب فبحث عن حل للبطالة أولا وصدقني لن تجد شاباً لديه الوقت للتجول بالأسواق ومعاكسة البنات

وعلى كل حال نسأل الله تعالى أن يصلح أحوال المسلمين وأن يهدي الشباب والبنات .

ولك خالص تحياتي

[فهد الاحمد]

يا هلا ويا غلا بأبو فهد .. وماشالله عليك .. احسدك على روح الفكاهه اللي عندك .... ;)
________

والاختلاف بالرأي لا يفسد بالود قضيه .. واستقبل انتقادك بكل رحب ..
_______

وعندي تعليق على هذي (ليس نحن فقط من يحب المغازل وملاحق البنات !!!
بل في جميع أنحاء العالم هذا الشيء منتشر)

صحيح انا معك في هذا الشي .. ان في جميع انحاء العالم في مغازل .

لكن صدقني يا ابو فهد .. ان الغزل عندنا كثير وتفوق بعض الدول .. بالنسبه لدول الخليج .. انا عندي معارف في بعض دول الخليج .. واذا زاروا السعوديه .. هم بنفسهم يقولون ان الغزل عندنا كثير .. ومع اعترافهم ان في ديرتهم في غزل .. لكن يوصفون ان عندنا اكثر .. والشباب هم من الامارات .. وهم بالنسبه للبحرين .. انا اعرف شخص يدرس هناك في الجامعه .. وعنده سكن هناك .. هو بنفسه يقول ان في البحرين مافي غزل .. الا نادر .. هذا كلام شخص عايش من بينهم ومخالطهم .. مع العلم ان بنات البحرين كثير منهم ما يلبسون العباي والغطوه .. !!!!!!!!!!!!!!!!!!
______
وانا اختلف معك في هذي النقطه ..(وطبعاً الدول المتحررة والتي ينتشر فيها الاختلاط لا تستطيع ملاحظة حركات المغازل لأنك تجد الفتاة تسير بجوار الشاب وذلك شيء عادي فلا تعلم هل هو قريب للبنت أو يغازل البنت أما عندنا فشيء طبيعي أن تعرف اللي يغازلون من أشكالهم وطريقة تصرفاتهم .)

اللي يغازل يبين من تصرفاته .. حتى لو كان يمشي جمب البنت .. من ردة فعل البنت .. او ردة فعله او نظراته ..
_________

وانا معاك .. بأن البنت المحترمه محد يقرب جمبها ..

لكن عندي استفسار اخ ابو فهد . في هذي النقطه (لكن من تخرج إلى الأسواق وهي بكامل زينتها المغرية والفاتنة إضافة إلى الروائح الفواحة والتي يصل تأثيرها إلى القلوب عوضاً عن الأنوف والعياذ بالله .)

زرت الحسا يوم من الايام انا وشباب .. واللي اكتشفناه ان بنات الحسا .. من ناحية اللبس .. ابد .. عبايه على الراس وما يعرفون اي شي اسمه مخصر .. وهم المكياج نادر ما تشوف وحده حاطه مكياج .. ومعظمهم بهالمواصفات .. وهم في غاية الحشمه بهاللبس ..

لكن .. في غزل .. وغزل بشكل غير طبيعي في الاسواق .. ليه؟
عطني من معلوماتك الله يحييك في هذي النقطه ؟
_______

وبالنسبه للكلام اللي قلته من بعد هذي التعليقات .. انا متفق معك ميه ميه ...

والله يهدي الجميع ......

وتحياتي لك ..

[ابوفهد]

مرحبا أخي فهد

ها أنا أعود إليك مرة أخرى والظاهر انك لن تدعني بحالي يعني لازم تجر شكلي في مواضيعك الرائعة .

أخي فهد

الله يهديك خلي الطابق مستور وبلاشي التعمق بالموضوع على الأقل عبر صفحات المنتدى

لكن صدقني أخي الحبيب
لو كتب الله لنا الاجتماع وجهاً لوجه لأقنعتك بوجهة نظري بهذا الموضوع المهم والمزعج بنفس الوقت .

اعذرني أيها العزيز ليس عندي الجراءة بالبوح عن كل شيء هنا

عزيزي فهد

من باب المداعبة فقط لا غير ولا تفهمني غلط

كيف عرفت ان بنات الاحساء ما يحطن مكياج؟!!!

(اعطني من معلوماتك الله يحييك في هذه النقطة ؟ )

كما اخبرتك سابقاً ليس عندي الجراءة

كما أنه ( ليس كل ما يعرف يقال )

والله يهدي الجميع… اللهم آمين

لك خالص التحية والتقدير
ـــــــ

[فهد الاحمد]

هههههههههههه .. والله حتى لو بتجيب لي جيش كامل ما بتقنعني ..ههههههه

____________

بالنسبة لسؤالك يا احبيبي .. انا قايل لك .. يوم رجت الحسا .. في سوقهم .. والله ما اذكر .. وش اسمه .. الظاهر الهفوف .. سوق الهفوف ... على ما اظن ..

عالم .. وبشريه هناك ..

وماشفنا من بناتهم .. هالكحل اللي يصبغ العيون الا نادر .. طبعا شي اكيد ان روحتي للحسا اللي هي كم مره بس ما تصور الواقع بالشكل الدقيق طبعا ..

لكن انا قلت .. من زياراتي المعدوده لها .. اكتشفت انا والشباب هذا الشي ..

وقلت لك يا ابو فهد .. عن لبسهم للعبايه والغطوه وشلون .. موب زي المناطق الثانيه .. عباية على الراس .. و ابد ما تفصل جسمهم .. لوسعها .. فقط ..

وتحياتي لك ..

[عبدالله الكناني]

مساء الخير للجميع


اخوي فهد

المشكله ماهي في عنوان الموضوع

المشكله كلام عندك تبي تقوله وقصد ك معروف وواضح لكنك مستحي

اوانك تحاول تجامل :cool:
انت تبي تقول لو عندنا اختلاط يالسعوديين ماكان فيه مغازل في الاسواق والشوارع

وقصة حديثك انت والمصري اذا ماخانتني الذاكره حول نفس الموضوع

وكأنك شايل المجتمع على راسك وماتترك فرصه للكلام
عنه الا وتنتهزها حسب مايحلو لك ::*

لكن لو تترك عنك الافكار المستورده يكون احسن ترى كل شي بلدي مطلوب



تقبل ردي بصدر رحب
تحياتي

[فهد الاحمد]

يا هلا .. ويا غلا بالطائر الشادي .. ويسعدني وجودك معنا .. ;)
------

لا والله يا احبيبي .. بس هي قضيه .. او مشكله عندنا .. ونبي نشوف لها حل بالأراء ومهما كانت مختلفه ..

وبالنسبه .. يوم تقولني هالكلام ( اذا كان في اختلاط لكان مافي غزل وهالخرابيط ..)

لا والله .. ابد .. في كل مكان في غزل .. حتى في الدول اللي فيها اختلاط ... لكن .. نبي نشوف .. وندرس .. ليه عندنا .. الشباب ما يهمه الا الغسل ...

في وجهة نظري .. ان قلة البرامج الشبابيه .. ان كانت رياضيه او ثقافيه او غيرها من برامج .. هي سبب من اسباب ...

وتحياتي لك .. ;)

[جياد]

[جياد]

السلام عليكم ورحمة الله وبركاته ..


إذن * بنات الحسا * محجبات .. ؟!
زادهن الله ورعا وعفة وطهرا ...

أتعلم بم ذكرتني ؟!

سئل أحد علماء السلف الصالح :
لماذا لايوسس ابليس للنصارى في صلاتهم ؟؟
فأجاب :
وماذا يريد إبليس أن يسرق من البيت الخرب ؟!


اما حال الشباب ...

** فمن يزني ..يُزنى بجدار بيته .... ولو بعد حين **!!



*جيـــــــاد *

[ليلك المساء]

[ALIGN=CENTER]السلام عليكم
الحقيقه كثير من الكلام صحيح ووجهات النظر لاتفسد للود قضية في اختلافها،
إن أردنا الإصلاح فلا تؤخذ الأمور بعد الخراب،
ولكن التأسيس يأتي أولا والبدائل ، وليس بعد انتشار الظاهرة نأتي لحلها وإصلاحها،
خاصة وإن الذي يسيّرنا الشرع وتحكمنا أخلاق الإسلام0
مناقشات جميلة على الأغلب 00
شكرا لك أخي الكريم/ فهد الأحمد0[/ALIGN]