مساء الخير
تبون الصراحه والا بنت عمها؟
مع احترامي وتقديري لكم جميعا وللدرر لكن ...
أحبكم كلكم .. ومنتدى واحد جمعني فيكم .. منتدى واحد كان يكفي نحط فيه كل مواضيعنا..
- مواضيع خفيفه
- مواضيع أدبيه وأفكار حره
- تعارف وصداقه
- منوعات (مرح وفكاهه)
- خواطر وخنفشاريات
- رياضه وطبخ
كان منتدى واحد اسمه منتدى الأصدقاء .. أكيد تعرفونه.
أنا مو ضد التجديد والتغيير للأفضل .. لكني ضد وضد التشتيت.
الدرر .. تصميم جميل بأفضل التقنيات الموجوده .. ومنتديات بكثرة الأعضاء الحلوه اللي أعرفها .. وتشتتنا ... وتبعثرنا.
ما أعرف أي منتدى أرد فيه ولا أي منتدى أطرح موضوع فيه.
لا تفهموني غلط أرجوكم.
بالرغم من معرفتي بالجميع لكن حاسس اني مثل اللي ضيع مجلس في بيته.
هل يا ترى أنا الوحيد اللي عنده مثل هالإحساس!!!
أو يمكن أنا الوحيد اللي يمر بفترة ركود وماله خلق يشارك بشيئ .. أو يمكن كل ما جيت بشارك بشي يبي لي أول أحدد وش اهتماماتي وفي أي دره أشارك.
المشكله أنا مالي اهتمام معين وحب أشارك في كل شي .. لكني ماحب أتنطط من دره لدره .. كانت دره وحده وفيها كل شي.
كان منتدى واحد .. لكل شي.
أرجوكم .. أرجوكم .. لا تفهموني غلط.
كيف أقدر أتأقلم مع منتديات الدرر .. علموني!!
----------------------------
أخوكم سامي