___________________
أم إياس , صباح الخير ( واحد ناوي شررررر )
صباح النور |501|
...........
أقول يارئيسة حزب ( النسوان ) وفي قول آخر ( الحريم )
نعم .. وش تبي
..........
منهو ربنا خلقه أول ؟؟؟
آدم
يعني الحين انت بتجيب شئ جديد
.......
إنتم أو حنا ؟؟؟
قلت لك أبونا آدم.. وربي خلقه عشان يعبده
........
يعني لو ماكنا حنا ماكنتم إنتم ,,,
ولو ماكنا احنا ما قدرتوا تستمرون في الحياة
وليش ربنا ما خلق رجال ثاني يونس آدم
لأنه آدم ما يقدر يعيش بدون حواء
فخلقت مخصوص ولازم تكون حواء عشان تستمر الحياة
........
جيبيلي واحد مثل بس لحرمة ( إفلحت ) من دون مايكون وراها ( ريال ) ؟؟؟
هع هع هع هع كودليسا رايس .. خخخخخخخخخخ
وأوبرا بعد هي هي هي
........
وفي ذي الحالة يكون الريال ( مسكين ) ومغلوب على أمره ,,,
يا سلام يعني زوج بنازير بوتو مغلوب على امره
.......
المشكلة إنكم يالنساوين ( أصل الكلمة قبل التحريف ـ نسناس
) تاكلون وتنسون !!!
نسناس ينقز على راسك
احنا نسانيس .. لو كنا نسانيس ليش ذابحين رواحكم وتجمعون المهر وتحبون الايادي عشان نرضى فيكم ... حكم
.......
( تمضغون ) على جنب يوم يكون الموضوع تبوه في صالحكم ,,,
لحظه ما فهمت هنا ممكن تشرح من فضلك
يعني تقصد علك باطوق والا اي واحد فيهم
.......
الله لايورطنا يوم من الأيام وتحكمنا ( مرة )
وه ما نبي نحكمكم احنا لنا الراحه والدلال مو نسهر على راحتكم انتوا
ونشوف امور الدوله
احنا المفروض نحط رجل على رجل
عطني دليل شرعي يفرض على المرأه الشغل في البيت
......
والله ياغير تقعدونا في البيوت نطبخ ونغسل ونكنس و ( نئزئز ) لب
طبعا
يعني احنا ما نقول الشغل كله عليكم
لكن تساعدونا شوي
والله العظيم هذا اللي ناقص بعد وصخوا واحنا نغسل و نكنس وراكم
كلوا وارموا واحنا نشيل
خلفوا واحنا نربي ونذاكر للعيال وانتوا روحوا شوفو كوره
.....
المرأة كائن جميل
مرسي .. كلك زوأ
........
بس لسانها يبيله ( تشذيب )
والله ما طلّع لسانها الا انتوا
ريحونا بنريحكم
.......
المرأة نص الرجال
المرأه نصف المجتمع وانت الصادق
.......
عشان كذا تلاقي بعض الريايل ماشين ( على جنب )
اللي ماشي على جنب هذا اللي متزوج ثنتين ويظن انه بينبسط وما يدري
وما يدري صعوبات التعدد ... لأنه يفكر بوناسته ... احسن يستاهل
>>>ياحبي للشماته
........
المرأة تحب بكل جوارحها أكثر من الرجل
مرسي خالس مرة تانيه
......
عشان كذا تلاقيها ( مستبدة ) وتقطع عليه المويه والكهرب
هع هع هع ... المراه تصير مستبده لظروف خاصه تحتاج الى شرح مطول
.......
الرجل يبي المرأة زوجة وأخت وحبيبة
حتى المرأه تبي زوجها اب واخ وحبيب
......
المرأة تبيه كل العائلة ( بما فيهم الشغالة ) !!!
طبعا
......
الرجل يطالع للمستقبل لأكثر من عشر سنين
بالعكس المرأه اللي دايما تقلق وتفكر باللي جاي اما الرجل بارد وبصراحه المفروض يكون الزوج بارد .. بعد نار ونار مو زين
......
المرأة تطالعه متى طلع من البيت ومتى رجع وليه تأخر ومع من كان ؟؟؟
طبعا
وليش الحرمه لما تبغا تطلع يعطيها سين ويبي منها جيم
واذا ما ردت على الجوال يعطيها سين ويبي منها جيم
واذا شوي تأخرت يعطيها سين ويبي منها جيم
مو الكل .... بس الاكثريه
.........
إن لبسنا عدل قالت لمين لابس
طبعا
طول الوقت جالس بالفانيلا والسروال ولما تتعدل بيكون لي؟؟!!
........
وإن ما أهتمينا بشكلنا قالت ( معفن )
طبعا .. اجل بس تبونا احنا على سنجه عشره وانتوا لا
.......
المرأة قبل الزواج تكون ( مزهرية ) ورد أو كاس عصير فراولة
طبعا لا هم ولا غم ولا خلفه
........
وبعد الزواج ( ضمنت الدوري والكاس ) تلاقيها منن فصيلة ( البراميل )
بعد الهم والغم والعيال تبيها ما تصير برميل
ارحموها شوي
واللي يقهر لما يجيك الرجال اللي طبعا ما يبتلى بالحمل ولكن تلقا كرشه مترين قدام
......
المرأة إن زعلت رمتك بأقرب ( قِدر أو قلاية )
على الاقل تفش غلها نفس الوقت عشان قلبها يصفى لأنها لو جمعت الله يستر
.......
وإن فهمت الموضوع بعد الزعل قالت ( آسفة ) يعني ويش تبيني أقول أكثر !!
زين منها تعتذر ... شفت الادب
طبعا ووش تبيها تسوي لك اكثر
......
لخوياتها في الأعراس تحط الريحات الباريسية
طبعا على الاقل بتلقى وحده بتقول لها شالحلاوه والا ايش ذا العطر الحلو
......
ولك إنت يالحبيب ( بصل ساندر ) و ( ثوم لاند ) آخر منتجات مطبخها
مو انتوا تبون طبيخ
وتبون تترسون الدبه
يعني بس احنا اللي نخيس بالبصل وانتوا لا
لازم تحسون باللي نحسه كل يوم
لازم تشاركون الاحساس
........
ليلة الزواج تلاقيها مثل حقين عرض الأزياء
طبعا .. مو هي ملكه الحفل
.......
وبعد كمن ساعة بس ,,, تقول بينك وبين نفسك ( اللللللله يخاااااارجنا )
ما فهمت ... ممكن تترجم لو سمحت
........
مهما تعطيها تقول هلللللل من مزيد ؟؟؟
يعني هي وين بتودي الفلوس
مو لك وللبيت ولعيالك
والا توزعه للجيران !!؟؟
.......
يابنت الحلال الشهر هذا الحال تعبان وإنت تبين فستان بمبلغ وقدره ,,,
( على بالك إنها يدك اليمين ورح تقلك إيه يابعدي بطلت )
تقولك رح وتسلف , يعني ما أروح العرس
معك حق بس في بنات متعودات على الدلع بيت ابهاتهم فانت اتحمل
بعد مايصير تدلل بيت ابوها وعند زوجها تفقر
وبعدين يقولون اذا الحرمه ماتبي زوجها يتزوج عليها لازم تفضي جيبه
مع اني لو تبي الصراحه ما احب كذا
وخاصه تضييق الحال لأشياء تافه
او السلف... عدوي الاول السلف .. وياما تزاعلت مع زوجي بدايه الزواج بسبب السلف ... ليما حرم
فديته
........
إيييييييييييييييه ,,, ويش أقول وش أعيد
قول ويعد وطلع اللي في تشبدك
........
إن كنتوا نسيتوا إللي جرا
نجيب الكتب إللى تنقرا
جيب وذكرنا
.......
يابنيات
لاتصدقون أم إياس
ترا حنا والله صح برا البيت ( ضبان )
بس جوة البيت ( سحالي )
على مين ياماما .. انتوا مخليين الحرمه الشماعه على فشلكم
هذا كله بسبب اللي عندي في البيت
وهاكم ياحش وانتوا اللي ما تقدرون تستغنون عنا
.........
نخاف من طولة اللسان وبعد طولة ( اليد ) أحيان
طول اللسان الحمد لله انا لساني قصير
بس اللي يطول لسانها معذوره
عاد اليد ما تطول الا في المزح
مع انه في رجال ما يرحمون
لو حرمته مزحت وياه وشدت شوي ثوبه والا شماغه تشوف والا جايها بوكس على عينها
ووووووووووووووووووووووعجبييييي يييييييييييي
خخخخخخخخخخخخ
ــــــــــــــــــــــــــــــ ـــــــــــــــــ
( الله المستعان على رد أم إياس ـ ألحين تلاقيها قاعدة تغلي ـ ياويلي )
والله انك تحفه
وش رايك بردي