أشكرك اختي كادي ،، كعادتكِ دائماً متميزة بمواضيعك ..
موضوع شيق وجميل بنتعرف فيه على لهجات وأعراف بعضنا ،،،
في كلمات كثيرة بتنقال عنا في الأردن هذه بعضها ،،
بعد ما تغدا عند واحد عازمك بتقوله : يخلف ،،او خلف الله عليك ،، او مخلوف بالحلال ،او دايمة ،،
وهو برد عيك : صحة وعافية ..
لما يجي لواحد مولود بنقلو : يتربى في عزك ان شاء الله ،، وبرد الله يعزك ..
لما تقدم لواحد اشي وتعطيه اياه في ايدو وبتقلو تفضل ،بقلك : يسلمو ايديك ،، وانت بتقلو وايديك ..
عند الزيارة بنقول للظيف : زارتنا البركة يا 100 اهلا وسهلا ..
لما واحد ينادي جدتو وتكون معصبه بقلها يا جدة بتقله : يجعلك بالجدّادة << بصراحة ما بعرف معناها!!
ولما ينادي ابوه والأب معصب (يابا) ،، ابوه بقلو : ( بَوْ ) يسطحك ، برضو اجهل معناها ...
هذه بعض الأشياء ولي عودة ان شاء الله ...